Meeting Manager

വാര്‍ഷിക പദ്ധതി സംബന്ധിച്ച്

ആര്യനാട് ഗ്രാമപഞ്ചായത്തിലെ 2025/26 വാർഷിക പദ്ധതിയിൽ അസ്സിസ്റ്റന്റ് എഞ്ചിനീയർ നിർവ്വഹണ ഉദ്യോഗസ്ഥനായ ചുവടെ ചേർക്കുന്ന പ്രവൃത്തികൾ ടെണ്ടർ ക്ഷണിച്ചതിൽ കുറഞ്ഞനിരക്ക് രേഖപ്പെടുത്തിയ ടെണ്ടറുകൾ അംഗീകരിച്ചും ടെണ്ടർ ലഭിക്കാത്ത പ്രവൃത്തിയ്ക്ക് റീടെണ്ടർ ചെയ്യുന്നതിനും തുടർനടപടികൾ സ്വീകരിക്കുന്നതിന് നിർവ്വഹണ ഉദ്യോഗസ്ഥനായ അസ്സിസ്റ്റന്റ് എഞ്ചിനീയറെ ചുമതലപ്പെടുത്തി തീരുമാനിച്ചു. ക്രമ നമ്പര്‍ പ്രവൃത്തിയുടെ പേര് GST പ്രൊവിഷൻ തുക കുഴിവാക്കിയ മതിപ്പ് ചെലവ് കരാറുകാരൻ തുക (Rs) Bid rank നിരക്ക് (% ) സിവിൽ ദർഘാസ് 1 Annual Plan AGP 350/2025-26-Rennovation of various roads in Potenchira ward damaged due to pipe laying of jalajeevan mission 507672 SHAJI P (BID ID -2398054) 507672.43 L1 0 ANUROOP VIJAYAN (BID ID -2398059) 601726.00 L2 +18.53 2 Annual Plan-AGP 119/2025-26-Completion of Choozha subcenntre and Compound Wall 677727 Gopi S (BID ID -2397357) 677726.76 L1 0 RAJENDRAN G (BID ID -2397363) 687911.51 L2 +1.5

വാര്‍ഷിക പദ്ധതി സംബന്ധിച്ച്

2025-26 വാര്‍ഷിക പദ്ധതിയില്‍ ഉള്‍പ്പെട്ടിട്ടുള്ള 'ബയോബിന്‍ വാങ്ങി വിതരണം ചെയ്യല്‍' (പ്രൊജക്ട് നം 301) എന്ന പദ്ധതിയുടെ നിര്‍വ്വഹണത്തിനായി ജെം മുഖേനെ 09/10/2025 അവസാന ദിവസമായി കണക്കാക്കി ടെന്‍ഡര്‍ നടപടികള്‍ സ്വീകരിച്ചിരുന്നു. എന്നാല്‍ ആയതില്‍ റാം ബയോളജിക്കല്‍ എന്ന ഒരു സ്ഥാപനം മാത്രമാണ് പങ്കെടുത്തിട്ടുള്ളത്. ആയതിനാല്‍ ടെന്‍ഡര്‍ നടപടികള്‍ 13/10/2025 വരെ ദീര്‍ഘിപ്പിച്ചു നല്‍കിയിരുന്നു. എന്നാല്‍ ഈ കാലയളവിലും മറ്റാരും ടെന്‍ഡറില്‍ പങ്കെടുക്കാത്തിനാല്‍, സ്പില്‍ ഓവര്‍ പദ്ധതിയായതിനാലും, പൊതുതെരഞ്ഞെടുപ്പ് കാരണം പദ്ധതി പൂര്‍ത്തീകരിക്കുന്നതിന് കാരണമാകുമെന്നതിനാലും നിലവില്‍ ടെന്‍ഡറില്‍ പങ്കെടുത്ത റാം ബയോളജിക്കല്‍ എന്ന സ്ഥാപനത്തിന്‍റെ ടെന്‍ഡര്‍ അംഗീകരിക്കുന്നതിന് തീരുമാനിച്ചു. ടി സ്ഥാപനവുമായി കരാറില്‍ ഏര്‍പ്പെടുന്നതിന് നിര്‍വ്വഹണ ഉദ്യോഗസ്ഥനായ വിഇഒ യെ ചുമതലപ്പെടുത്തി തീരുമാനിച്ചു.

വാര്‍ഷിക പദ്ധതി സംബന്ധിച്ച്

ആര്യനാട് ഗ്രാമപഞ്ചായത്ത് 2025-26 വാര്‍ഷിക പദ്ധതിയില്‍ ഉള്‍പ്പെട്ടിട്ടുള്ള അസിസ്റ്റന്‍റ് സെക്രട്ടറി നിര്‍വ്വഹണ ഉദ്യോഗസ്ഥനായിട്ടുള്ള 'എംസിഎഫിന് വാട്ടര്‍ ടാങ്ക് പമ്പ് ഹോസ്' (പ്രൊജക്ട് നം 180), 'മാലിന്യ നിക്ഷേപിക്കുന്നത് തടയുന്നതിന് ഗ്രാമപഞ്ചായത്തിന്റെ വിവധ സ്ഥലങ്ങളിൽ സിസിടിവി സ്ഥാപിക്കൽ' (പ്രൊജക്ട് നം 171) എന്നീ പദ്ധതികള്‍ക്കായി റീ-ടെന്‍ഡര്‍ നടപടി സ്വീകരിച്ചിരുന്നതില്‍ ഒരോ സ്ഥാപനം മാത്രമാണ് ടെന്‍ഡറില്‍ പങ്കെടുത്തിട്ടുള്ളത്. ആയതിനാല്‍ ക്വട്ടേഷന്‍ ക്ഷണിക്കുന്നതിനുള്ള നടപടി സ്വീകരിക്കുന്നതിന് നിര്‍വ്വഹണ ഉദ്യോഗസ്ഥനെ ചുമതലപ്പെടുത്തി തീരുമാനിച്ചു.

വാര്‍ഷിക പദ്ധതി സംബന്ധിച്ച്

ആര്യനാട് ഗ്രാമപഞ്ചായത്ത് 2025-26 വാര്‍ഷിക പദ്ധതിയില്‍ ഉള്‍പ്പെട്ടിട്ടുള്ള അസിസ്റ്റന്‍റ് സെക്രട്ടറി നിര്‍വ്വഹണ ഉദ്യോഗസ്ഥനായിട്ടുള്ള 'രജിസ്ട്രേഷൻ ഉള്ള ക്ലബ്ബുകൾക്ക് സ്പോർട്സ് ഉപകരണങ്ങൾ നൽകൽ' (പ്രൊജക്ട് നം 106) എന്ന പദ്ധതികള്‍ക്കായി ടെന്‍ഡര്‍ നടപടി സ്വീകരിച്ചിരുന്നതില്‍ ചുവടെ ചേര്‍ത്തിരിക്കുന്ന പ്രകാരം ടെന്‍ഡര്‍ ലഭിച്ചിട്ടുള്ളത് യോഗം ചര്‍ച്ച ചെയ്തു. 1. വസന്തം ട്രേഡേഴ്സ് 2. എം.എസ്. അസോസിയേറ്റ്സ് ടെന്‍ഡര്‍ പ്രകാരമുള്ള സാധനങ്ങളില്‍ കുറഞ്ഞ തുക രേഖപ്പെടുത്തിയ എം.എസ്. അസോസിയേറ്റ്സ് എന്ന സ്ഥാപനത്തിന്‍റെ ടെന്‍ഡര്‍ അംഗീകരിച്ച് തീരുമാനിച്ചു.

വാര്‍ഷിക പദ്ധതി സംബന്ധിച്ച്

ആര്യനാട് ഗ്രാമപഞ്ചായത്തിലെ വിവിധ പദ്ധതികൾക്കായി കഴിഞ്ഞ സാമ്പത്തിക വർഷങ്ങളിൽ ഭൂജലവകുപ്പില്‍ ഡെപ്പോസിറ്റ് ചെയ്ത‌ തുകയുടെ വിനിയോഗ വിവരം സംബന്ധിച്ച് ഭൂജലവകുപ്പ് ജില്ലാഓഫീസര്‍ നല്‍കിയ 22-10-2025 തീയതിയിലെ ജി.ഡബ്ള്യു/ഡി.ഒ.റ്റി/1463/2025 നമ്പർ കത്ത് യോഗം ചര്‍ച്ച ചെയ്തു, 2023-24 സാമ്പത്തിക വര്‍ഷം മുതല്‍ വിവിധ പദ്ധതികള്‍ പൂര്‍ത്തീകരിച്ച് ഭൂജലവകുപ്പ് വകുപ്പിൽ 9,65,295/- രൂപ (ഒമ്പത് ലക്ഷത്തി അറുപത്തിയയ്യായിരത്തി ഇരുന്നൂറ്റി തൊണ്ണൂറ്റിയഞ്ച് രൂപ) ബാക്കി നിൽക്കുന്നതിനാല്‍ ടി തുക ഉപയോഗിച്ച് ചുവടെ പറയുന്ന പ്രവൃത്തികള്‍ ഏറ്റെടുത്ത് നടത്തുന്നതിന് ഭൂജലവകുപ്പ് ജില്ലാഓഫീസര്‍ക്ക് നിര്‍ദ്ദേശം നല്‍കുന്നതിന് തീരുമാനിച്ചു. ‌• ചൂഴ, പള്ളിവേട്ട, വലിയകലുങ്ക്, കോട്ടയ്ക്കകം, മീനാങ്കല്‍, ആര്യനാട് ഠൗണ്‍ എന്നിവിടങ്ങ ളിലെ സബ്സെന്‍ററുകളില്‍ കുഴല്‍ കിണര്‍ അനുബന്ധ സൗകര്യം ഒരുക്കല്‍ • മാവ്നിന്നകുഴി കുടിവെള്ള പദ്ധതി മോട്ടോറും അനുബന്ധ സൗകര്യവും ഒരുക്കല്‍ • പാറമുക്ക് അങ്കണവാടി കുഴല്‍ കിണര്‍ അനുബന്ധ സൗകര്യം ഒരുക്കല്‍ • കൊല്ലറ പൊതു കിണറില്‍ വാട്ടര്‍ ടാങ്ക്, മോട്ടോര്‍ അനുബന്ധ സൗകര്യം ഒരുക്കല്‍ • മാങ്കോട് പൊതു കിണറില്‍ വാട്ടര്‍ ടാങ്ക്, മോട്ടോര്‍ അനുബന്ധ സൗകര്യം ഒരുക്കല്‍ • വാറുകാട് ഗ്രൗണ്ട് വാട്ടര്‍ - വാട്ടര്‍ ടാങ്ക്, മോട്ടോര്‍ അനുബന്ധ സൗകര്യം ഒരുക്കല്‍ • പഴയതെരുവ് യുപിഎസ് വാട്ടര്‍ ടാങ്ക്, മോട്ടോര്‍ അനുബന്ധ സൗകര്യം ഒരുക്കല്‍ • മൈലമൂട് കുടിവെള്ള പദ്ധതി മോട്ടോറും അനുബന്ധ സൗകര്യവും ഒരുക്കല്‍ • നാഷണല്‍ കീഴ്പാലൂര്‍, സാസ്കാര പറണ്ടോട്, ആദിത്യ പുറുത്തിപ്പാറ, അനുഗ്രഹ മീനാങ്കല്‍ എന്നീ വായനശാലകളില്‍ കുഴല്‍ കിണര്‍ അനുബന്ധ സൗകര്യം ഒരുക്കല്‍ • മാങ്കോട് അങ്കണവാടി കുഴല്‍ കിണര്‍ അനുബന്ധ സൗകര്യം ഒരുക്കല്‍ • പള്ളിവേട്ട അങ്കണവാടി കുഴല്‍ കിണര്‍ അനുബന്ധ സൗകര്യം ഒരുക്കല്‍ • നടുവിള അങ്കണവാടി കുഴല്‍ കിണര്‍ അനുബന്ധ സൗകര്യം ഒരുക്കല്‍ • ഈഞ്ചപ്പുരി അങ്കണവാടി കുഴല്‍ കിണര്‍ അനുബന്ധ സൗകര്യം ഒരുക്കല്‍ • ഇരിഞ്ചല്‍ അങ്കണവാടി കുഴല്‍ കിണര്‍ അനുബന്ധ സൗകര്യം ഒരുക്കല്‍ • ഇരിഞ്ചല്‍ ഗ്രാമകേന്ദ്രം കുഴല്‍ കിണര്‍ അനുബന്ധ സൗകര്യം ഒരുക്കല്‍ • കണിയാകുഴി അങ്കണവാടി കുഴല്‍ കിണര്‍ അനുബന്ധ സൗകര്യം ഒരുക്കല്‍ • ചെറിയാര്യനാട് കുടിവെള്ള പദ്ധതി മോട്ടോര്‍ അനുബന്ധ സൗകര്യം ഒരുക്കല്‍ • അനുഗ്രഹ സാംസ്കാരിക നിലയം കുഴല്‍ കിണര്‍ അനുബന്ധ സൗകര്യം ഒരുക്കല്‍

വാര്‍ഷിക പദ്ധതി സംബന്ധിച്ച്

2025-26 വാര്‍ഷിക പദ്ധതിയില്‍ ഉള്‍പ്പെട്ടിട്ടുള്ള 'ഹൈമാസ്റ്റ് ലൈറ്റ് മെയിൻ്റനൻസ്' (പ്രൊജക്ട് നം - 62) എന്ന പദ്ധതിയില്‍ ഉള്‍പ്പെടുത്തി പഞ്ചായത്തിലെ വിവിധ വാര്‍ഡുകളില്‍ ഹൈമാസ്റ്റ്/മിനിമാസ്റ്റ് ലൈറ്റ് മെയിൻ്റനൻസ് ചെയ്ത വകയില്‍ ബില്‍ തുക 172500 രൂപ അനുവദിക്കുന്നതിന് തീരുമാനിച്ചു.

വാര്‍ഷിക പദ്ധതി സംബന്ധിച്ച്

2025-26 വാര്‍ഷിക പദ്ധതിയില്‍ ഉള്‍പ്പെട്ടിട്ടുള്ള 'തെരുവ് വിളക്ക് പരിപാലനം' (പ്രൊജക്ട് നം - 63) എന്ന പദ്ധതിയില്‍ ഉള്‍പ്പെടുത്തി പഞ്ചായത്തിലെ വിവിധ വാര്‍ഡുകളില്‍ തെരുവ് വിളക്കുകള്‍ മെയിൻ്റനൻസ് ചെയ്ത വകയില്‍ ബില്‍ തുക 2,69,500/- അനുവദിക്കുന്നതിന് തീരുമാനിച്ചു.

വാര്‍ഷിക പദ്ധതി സംബന്ധിച്ച്

2025-26 വാര്‍ഷിക പദ്ധതിയില്‍ ഉള്‍പ്പെട്ടിട്ടുള്ള 'ഹാപ്പിനെസ്സ് പാർക്കിന് മാനവീയം വീഥീ അടിസ്ഥാന സൌകര്യമൊരുക്കൽ' (പ്രൊജക്ട് നം - 201) എന്ന പദ്ധതിയില്‍ ഉള്‍പ്പെടുത്തി മാനവീയം വീഥിയില്‍ ചുവര്‍ചിത്രങ്ങള്‍ വരച്ച വകയില്‍ ബില്‍ തുക 73650 രൂപയില്‍ 55000 രൂപ അനുവദിക്കുന്നതിന് സെക്രട്ടറിയെ ചുമതലപ്പെടുത്തി തീരുമാനിച്ചു.

വാര്‍ഷിക പദ്ധതി സംബന്ധിച്ച്

ആര്യനാട് ഗ്രാമപഞ്ചായത്ത് 2025-26 വാര്‍ഷിക പദ്ധതിയില്‍ ഉള്‍പ്പെട്ടിട്ടുള്ള അസിസ്റ്റന്‍റ് സെക്രട്ടറി നിര്‍വ്വഹണ ഉദ്യോഗസ്ഥനായിട്ടുള്ള 'മാലിന്യ നിക്ഷേപിക്കുന്നത് തടയുന്നതിന് ഗ്രാമപഞ്ചായത്തിന്റെ വിവധ സ്ഥലങ്ങളിൽ സിസിടിവി സ്ഥാപിക്കൽ' (പ്രൊജക്ട് നം 171) എന്ന പദ്ധതികള്‍ക്കായി ചുവടെ പറഞ്ഞിരിക്കുന്ന സ്ഥലങ്ങളില്‍ സിസിടിവി സ്ഥാപിക്കുന്നതിനുള്ള നടപടി സ്വീകരിക്കുന്നതിന് നിര്‍വ്വഹണ ഉദ്യോഗസ്ഥനെ ചുമതലപ്പെടുത്തി തീരുമാനിച്ചു. 1. അണിയിലക്കടവ് പാലം ജംഗ്ഷന്‍ 2. മാനവീയം വീഥി 3. കുഞ്ചുമണ്ണടി കടവ് (ഠൗണ്‍) 4. കോട്ടയ്ക്കകം വാര്‍ഡില്‍ തോട്ടത്തുനടയ്ക്ക് സമീപം PWD റോഡിന്‍റെ വശം

ആയുര്‍വേദ ആശുപത്രിയില്‍ ഫാര്‍മസിസ്റ്റിനെ നിയമിക്കുന്നത് സംബന്ധിച്ച്

പറണ്ടോട് ആയുര്‍വേദ ആശുപത്രിയിലെ ഫാര്‍മസിസ്റ്റായ ശ്രീമതി ആതിര ജി.എസ്. രാജി വച്ചതായി അറിയിച്ചുകൊണ്ട് മെഡിക്കല്‍ ഓഫീസര്‍ നല്‍കിയ കത്ത് യോഗം ചര്‍ച്ച ചെയ്തു. പ്രസ്തുത ഒഴിവില്‍ പകരം ആളെ എംപ്ലോയ്മെന്‍റ് എ​ക്സ്ചേഞ്ച് മുഖേനെ നിയമിക്കുന്നതിന് ഉദ്യോഗാര്‍ത്ഥികളുടെ ലിസ്റ്റ് ലഭ്യമാക്കുന്നതിനുള്ള നടപടി സ്വീകരിക്കുന്നതിന് സെക്രട്ടറിയെ ചുമതലപ്പെടുത്തി തീരുമാനിച്ചു.

പറണ്ടോട് വാര്‍ഡിലെ 9 നമ്പര്‍ അങ്കണവാടിക്ക് കിണര്‍ നിര്‍മ്മിച്ച് നല്‍കുന്നത് സംബന്ധിച്ച്

പറണ്ടോട് വാര്‍ഡില്‍ പുതുതായി പണികഴിപ്പിച്ച 9-ാം നമ്പര്‍ അങ്കണവാടിയുടെ പ്രവര്‍ത്തനം അടിയന്തിരമായി ആരംഭിക്കേണ്ടതിനാല്‍ കുടിവെള്ള സൗകര്യം ഒരുക്കുന്നതിനായി അസിസ്റ്റന്‍റ് എഞ്ചിനീയര്‍ നിര്‍വ്വഹണ ഉദ്യോഗസ്ഥനായ 'പൊതു സ്ഥലങ്ങളിൽ കുടിവെള്ള സൌകര്യം ഒരുക്കലും മെച്ചപ്പെടുത്തലും' 263 (372) എന്ന നിലവിലെ പദ്ധതിയില്‍ ഉള്‍പ്പെടുത്തി കിണര്‍ നിര്‍മ്മിക്കുന്നതിന് പദ്ധതിയുടെ എസ്റ്റിമേറ്റ് റിവൈസ് ചെയ്ത് പണി പൂര്‍ത്തിയാക്കുന്നതിന് നിര്‍വ്വഹണ ഉദ്യോഗസ്ഥനെ ചുമതലപ്പെടുത്തി തീരുമാനിച്ചു.

പറണ്ടോട് വാര്‍ഡിലെ 9 നമ്പര്‍ അങ്കണവാടിക്ക് കിണര്‍ നിര്‍മ്മിച്ച് നല്‍കുന്നത് സംബന്ധിച്ച്

ആര്യനാട് ഗ്രാമപഞ്ചായത്തിലെ പറണ്ടോട് വാര്‍ഡില്‍ പുതുതായി പണികഴിപ്പിച്ച 9-ാം നമ്പര്‍ അങ്കണവാടിയുടെ പ്രവര്‍ത്തനം അടിയന്തിരമായി ആരംഭിക്കേണ്ടതിനാല്‍ ഇലക്ട്രിക്കല്‍ പ്രവൃത്തികള്‍കൂടി നടത്തേണ്ടതുള്ളതിനാല്‍ അംഗീകൃത ഇലക്രട്രിഷന്മാരില്‍ നിന്നും ക്വട്ടേഷന്‍ ക്ഷണിക്കുന്നതിനുള്ള നടപടി സ്വീകരിക്കുന്നതിനും, കുറഞ്ഞതുകയ്ക്ക് ക്വാട്ട് ചെയ്യുന്നവരെ പ്രസ്തുത പ്രവൃത്തി ഏല്‍പ്പിക്കുന്നതിനും, പ്രവൃത്തി പൂര്‍ത്തിയാകുന്ന മുറയ്ക്ക് തുക തനത് ഫണ്ടില്‍ നിന്നും അനുവദിക്കുന്നതിനും സെക്രട്ടറിയെ ചുമതലപ്പെടുത്തി തീരുമാനിച്ചു.

പറണ്ടോട് വാര്‍ഡിലെ 9 നമ്പര്‍ അങ്കണവാടിക്ക് കിണര്‍ നിര്‍മ്മിച്ച് നല്‍കുന്നത് സംബന്ധിച്ച്

പറണ്ടോട് വാര്‍ഡില്‍ പുതുതായി പണികഴിപ്പിച്ച 9-ാം നമ്പര്‍ അങ്കണവാടിയുടെ പ്രവര്‍ത്തനം അടിയന്തിരമായി ആരംഭിക്കേണ്ടതിനാല്‍ വൈദ്യുക കണക്ഷന്‍ ലഭ്യമാക്കുന്നതിനുള്ള നടപടി സ്വീകരിക്കുന്നതിന് തീരുമാനിച്ചു. ആയതിനുള്ള തുക തനത് ഫണ്ടില്‍ നിന്നും അനുവദിക്കുന്നതിന് സെക്രട്ടറിയെ ചുമതലപ്പെടുത്തി തീരുമാനിച്ചു.

റോഡിനായി ഭൂമി വിട്ടുനല്‍കുന്നത് സംബന്ധിച്ച്

ഇറവൂര്‍ കിഴക്കേക്കര പൊട്ടന്‍ചിറ വാര്‍ഡില്‍ സീമ നിവാസില്‍ ജയകുമാര്‍ ജിഎസ്, അരുണ്‍കുമാര്‍ എസ് എന്നിവരുടെ ഉടമസ്ഥതയിലുള്ള 5.250 സെന്‍റ് ഭൂമി പഞ്ചായത്തിന്റെ റോഡ് വികസനത്തിനായി വിട്ടുനല്‍കുന്നത് സംബന്ധിച്ച് നല്‍കിയിട്ടുള്ള കത്ത് യോഗം ചര്‍ച്ച ചെയ്തു. റോഡ് വികസനത്തിനായി സൗജന്യമായി വിട്ടുതരുന്ന ഭൂമി ഏറ്റെടുക്കുന്നത് ഉചിതമാണെന്ന് യോഗം വിലയിരുത്തി. ആയതിനാല്‍ മേല്‍ ഭൂമി പഞ്ചായത്തിനായി സെക്രട്ടറിയുടെ പേരില്‍ രജിസ്റ്റര്‍ ചെയ്തു നല്‍കുന്നമുറയ്ക്ക് ആസ്തി രജിസ്റ്ററില്‍ ഉള്‍പ്പെടുത്തുന്നതിന് അസിസ്റ്റന്‍റ് ​എഞ്ചിനീയറെ ചുമതലപ്പെടുത്തി തീരുമാനിച്ചു.

ടെക്നിക്കല്‍ അസിസ്റ്റന്‍റിന്‍റെ കരാര്‍ കാലാവധി ദീര്‍ഘിപ്പിക്കുന്നത് സംബന്ധിച്ച്

തദ്ദേശ സ്വയംഭരണ സ്ഥാപനങ്ങളിൽ നിലവിൽ കരാറടിസ്ഥാനത്തിൽ ജോലി ചെയ്തു വരുന്ന ടെക്നിക്കൽ അസിസ്റ്റന്റ്മാരുടെ കരാർ കാലാവധി ദീർഘിപ്പിച്ചു കൊണ്ടുള്ള 03/10/2025 തീയതിയിലെ 2399/2025/LSGD നമ്പർ സർക്കാർ ഉത്തരവ് പ്രകാരം ആര്യനാട് ഗ്രാമപഞ്ചായത്തിലെ ടെക്നിക്കല്‍ അസിസ്റ്റന്റായി സേവനമനുഷ്ഠിച്ചുവരുന്ന ശ്രീമതി ശരണ്യ ആര്‍ എന്നവരുടെ കരാര്‍ കാലാവധി ദീര്‍ഘിപ്പിക്കുന്നത് തീരുമാനിച്ചു.

സദ്ഭരണം

ആര്യനാട് ഗ്രാമഞ്ചായത്തിലെ നിര്‍മ്മാണം പൂര്‍ത്തിയാക്കിയിട്ടുള്ള സബ് സെന്‍ററുകളുടെ ഉദ്ഘാടനം നവംബര്‍ മാസം 3-ാം തീയതി നടത്തുന്നതിന് തീരുമാനിച്ചു. ആയതിനുള്ള ചെലവ് നിയമാനുസൃതം തനത് ഫണ്ടില്‍ നിന്നും അനുവദിക്കുന്നതിന് സെക്രട്ടറിയെ ചുമതലപ്പെടുത്തി തീരുമാനിച്ചു.

സദ്ഭരണം

ആര്യനാട് ഗ്രാമപഞ്ചായത്ത് കുടുംബശ്രീ സി.ഡി.എസിന്റെ നേതൃത്വത്തിൽ പഞ്ചായത്ത് കെട്ടിടത്തിൽ പ്രവർത്തിക്കുന്ന സ്ഥാപനങ്ങളുടെ കരാർ വയ്ക്കുന്നത് സംബന്ധിച്ച് സി.ഡി.എസ് ചെയർപേഴ്‌സൺ നല്‍കിയ കത്ത് യോഗം ചര്‍ച്ച ചെയ്തു. കുടുംബശ്രീ സി.ഡി.എസിൻറെ നേതൃത്വത്തിൽ പഞ്ചായത്ത് കെട്ടിടത്തിൽ പ്രവർത്തിക്കുന്ന ജനകീയ ഹോട്ടൽ, മാർക്കറ്റിംഗ് ഔട് ലെറ്റ്, ഫിറ്റ്നസ് സെന്റർ എന്നീ സ്ഥാപനങ്ങളുടെ കരാർ കാലാവധി അവസാനിച്ചിട്ടുള്ളതിനാല്‍ കരാർ പുതുക്കുന്നതിന് 6/10/2025-ലെ സി.ഡി.എസ് കമ്മിറ്റി തീരുമാനിച്ചിട്ടുള്ളതായി സി.ഡി.എസ് ചെയര്‍പേഴ്സന്‍ അറിയിച്ചിട്ടുള്ളതിനാല്‍ തുടര്‍ന്നുള്ള 6 വര്‍ഷത്തേക്ക് കരാർ പുതുക്കുന്നതിനുള്ള നടപടി സ്വീകരിക്കുന്നതിന് സെക്രട്ടറിയെ ചുമതലപ്പെടുത്തി തീരുമാനിച്ചു.

സദ്ഭരണം

ആര്യനാട് ഗ്രാമപഞ്ചായത്ത് ഭരണസമിതി യോഗത്തിന്റെ 03/10/2025 തീയതിയിലെ 4(1) നമ്പർ തീരുമാന പ്രകാരം ജി. കാർത്തികേയൻ മെമ്മോറിയൽ കൺവെർജൻറ് സെൻററും, പരിസരവും വൃത്തിയായി സൂക്ഷിക്കുന്നതിനായി ഒരു കാഷ്വൽ സ്വീപ്പറെ കുടുംബശ്രീ മുഖാന്തിരം തെരഞ്ഞെടുക്കുന്നതിന് ആവശ്യപ്പെട്ടതിൻ്റെ അടിസ്ഥാനത്തിൽ 6/10/2025 തീയതിയിൽ കൂടിയ സി.ഡി.എസ്. കമ്മിറ്റി ഇറവൂർ വാർഡിലെ ദേവി കുടുംബശ്രീ അംഗമായ ശ്രീമതി കലാലക്ഷ്മിയെ നിയോഗിക്കുന്നതിന് പഞ്ചായത്ത് കമ്മിറ്റിയോട് ശുപാർശ ചെയ്ത് സി.ഡി.എസ് ചെയർപേഴ്‌സൺ നല്‍കിയ കത്ത് യോഗം ചര്‍ച്ച ചെയ്തു. ശ്രീമതി കലാലക്ഷ്മിയെ 179 ദിവസത്തേക്ക് കാഷ്വൽ സ്വീപ്പറായി നിയമിക്കുന്നതിനുള്ള നടപടി സ്വീകരിക്കുന്നതിന് സെക്രട്ടറിയെ ചുമതലപ്പെടുത്തി തീരുമാനിച്ചു.

സദ്ഭരണം

ആര്യനാട് ഗവ. ലോവര്‍ പ്രൈമറി സ്കൂളിലെ പഴയ കെട്ടിടം പൊളിച്ചു നീക്കുന്നതിനായി അസിസ്റ്റന്‍റ് എഞ്ചിനീയര്‍ തയാറാക്കി ലഭ്യമാക്കിയിട്ടുള്ള വാല്യുവേഷന്‍ യോഗം പരിശോധിച്ചു. കെട്ടിടം പൊളിച്ചു നീക്കുന്നതിനുള്ള നടപടി സ്വീകരിക്കുന്നതിന് സെക്രട്ടറിയെ ചുമതലപ്പെടുത്തി തീരുമാനിച്ചു.

സദ്ഭരണം

ആര്യാനാട് മാര്‍ക്കറ്റില്‍ കംഫോര്‍ട്ട് സ്റ്റേഷന്‍ ക്ലീനറായി സേവനമനുഷ്ഠിച്ചു വരുന്ന ശ്രീമതി സി.രമണി എന്നവര്‍ ശമ്പള വര്‍ദ്ധനവ് ആവശ്യപ്പെട്ട് നല്‍കിയിട്ടുള്ള കത്ത് യോഗം ചര്‍ച്ച ചെയ്തു. ടി അപേക്ഷ നിയമപരമായി നിലവിൽ പരിഗണിക്കുന്നതിന് സാധിക്കില്ലെന്ന് യോഗം വിലയിരുത്തി.

സദ്ഭരണം

ആര്യനാട് ഗ്രാമപഞ്ചായത്തിലെ ഇറവൂര്‍ വാര്‍ഡിലെ ഗ്രാമഭവന്‍, ഹരികകെയര്‍ യൂണിറ്റ് ​എന്നിവിടങ്ങളിടെ വാട്ടര്‍ കണക്ഷന്‍ ലഭ്യമാക്കുന്നതിനുള്ള നടപടി സ്വീകരിക്കണെന്ന് കാണിച്ച് ക്ഷേമകാര്യ സ്റ്റാന്‍റിംഗ് കമ്മിറ്റി ചെയര്‍പേഴ്സന്‍ ശ്രീമതി മോളി കെ.എസ്. നല്‍കിയ കത്ത് യോഗം ചര്‍ച്ച ചെയ്തു. വാട്ടര്‍ കണക്ഷന്‍ ലഭ്യമാക്കുന്നതിനുള്ള അടിയന്തിരമായി തുടര്‍നടപടി സ്വീകരിക്കുന്നതിന് സെക്രട്ടറിയെ ചുമതലപ്പെടുത്തി തീരുമാനിച്ചു.

സദ്ഭരണം

ആര്യനാട് ഗ്രാമപഞ്ചായത്തിലെ ഇറവൂര്‍ വാര്‍ഡില്‍ ഇറവൂര്‍ മേലേമുക്ക് റോഡിന്‍റെ വശത്ത് വീടിന് ഭീഷണിയായി നില്‍ക്കുന്ന ചെരുമരം, ഇറവൂര്‍ ഏറപ്പുളിമൂട് വളവില്‍ വാഹനങ്ങള്‍ക്കും കാല്‍നടയാത്രക്കാര്‍ക്ക് ഭീഷണിയായി നില്‍ക്കുന്ന ആഞ്ഞില്‍ മരം എന്നിവ മുറിച്ചു മാറ്റുന്നതിനുള്ള നടപടി സ്വീകരിക്കണെന്ന് കാണിച്ച് ക്ഷേമകാര്യ സ്റ്റാന്‍റിംഗ് കമ്മിറ്റി ചെയര്‍പേഴ്സന്‍ ശ്രീമതി മോളി കെ.എസ്. നല്‍കിയ കത്ത് യോഗം ചര്‍ച്ച ചെയ്തു. ടി മരങ്ങള്‍ മുറിച്ചുമാറ്റുന്നതിനുള്ള തുടര്‍നടപടി സ്വീകരിക്കുന്നതിന് സെക്രട്ടറിയെ ചുമതലപ്പെടുത്തി തീരുമാനിച്ചു.

സദ്ഭരണം

ആര്യനാട് ഗ്രാമപഞ്ചായത്തില്‍ നിര്‍മ്മാണം പൂര്‍ത്തിയാക്കിയിട്ടുള്ള മാനവീയംവീഥിയുടെ സംരക്ഷണത്തിനായും നടത്തിപ്പിനായും ഒരു കെയര്‍ടേക്കറെ നിയമിക്കുന്നതിനായി 08/09/2025 തീയതിയിലെ ഭരണസമിതി തീരുമാന പ്രകാരം ദിനപത്രങ്ങളില്‍ അറിയിപ്പ് നല്‍കിയിരുന്നു. ആയത് പ്രകാരം ശ്രീ. ശ്രീനാഥ് ജി.സ്., കോണത്ത് പുത്തന്‍ വീട്, എരുമോട്, ആര്യനാട് എന്നയാളുടെ അപേക്ഷ മാത്രമാണ് ലഭിച്ചിട്ടുള്ളത്. ടി സാഹചര്യത്തില്‍ ടിയാനെ മാനവീഥിയുടെ കെയര്‍ടേക്കറായി 200 രൂപ ദിവസ വേതനത്തിന് കരാര്‍ അടിസ്ഥാനത്തില്‍ 179 ദിവസത്തേക്ക് നിയമിക്കുന്നതിനുള്ള നടപടി സ്വീകരിക്കുന്നതിന് സെക്രട്ടറിയെ ചുമതലപ്പെടുത്തി തീരുമാനിച്ചു.

സദ്ഭരണം

ആര്യനാട് ഗ്രാമപഞ്ചായത്തിലെ പറണ്ടോട് വാര്‍ഡില്‍ പുതുതായി നിര്‍മ്മാണം പൂര്‍ത്തിയാക്കിയിട്ടുള്ള സബ്സെന്ററില്‍ വൈദ്യുത കണക്ഷന്‍ ലഭ്യമാക്കുന്നതിനുള്ള നടപടി സ്വീകരിക്കുന്നതിന് തീരുമാനിച്ചു. ആയതിനുള്ള തുക തനത് ഫണ്ടില്‍ നിന്നും അനുവദിക്കുന്നതിന് സെക്രട്ടറിയെ ചുമതലപ്പെടുത്തി തീരുമാനിച്ചു.

സദ്ഭരണം

സിറ്റി ക്രഷേഴ്സ് എന്ന സ്ഥാപനത്തില്‍ നിന്നും സിഎസ്ആര്‍ ഫണ്ട് ലഭ്യമാക്കി മാനവീയം വീഥിയിലെ മേല്‍ക്കൂര, വിവിധ കളിസ്ഥലങ്ങളിലെ മേല്‍ക്കൂര (പള്ളിവേട്ട, എപിജെ അബ്ദുള്‍കലാ സ്റ്റേഡിയെ, മൈലമൂട്, വലിയകലുങ്ക് സ്കൂള്‍ സ്റ്റേഡിയം), കൊക്കൊട്ടേല വാര്‍ഡിലെ കളിസ്ഥലം എന്നിവ നിര്‍മ്മിക്കുന്നതിന് ആവശ്യമായ നടപടി സ്വീകരിക്കുന്നതിന് സെക്രട്ടറിയെ ചുമതലപ്പെടുത്തി തീരുമാനിച്ചു.

സദ്ഭരണം

ആര്യനാട് ഗ്രാമപഞ്ചായത്തിന്‍റെ ഉടമസ്ഥതയില്‍ ഉണ്ടായിരുന്ന റബ്ബര്‍ സ്ലോട്ടര്‍ ചെയ്യുന്നതിനായി ശ്രീമതി വിജയകുമാരി, ശരവണം, ആനന്ദേശ്വരം എന്നവര്‍ 10,000/- രൂപ പഞ്ചായത്തില്‍ അടവാക്കിയിരുന്നു. എന്നാല്‍ റബ്ബര്‍ സ്ലോട്ടര്‍ ചെയ്യുന്നതിനുള്ള പ്രവര്‍ത്തനം നടക്കാത്തതിനാല്‍ ടി തുക റീഫണ്ട് ചെയ്യുന്നതിന് തീരുമാനിച്ചു.

സദ്ഭരണം

ആര്യനാട് ഗ്രാമപഞ്ചായത്തിലെ നാലാം വാര്‍ഡില്‍ ഗതാഗത തടസ്സമായി നില്‍ക്കുന്ന A/VMA-52/5/3, A/VMA-52/5/3A, V/VMA/18, V/VMA/13/14 എന്നീ ഇല്ട്രിക് പോസ്റ്റുകള്‍ മാറ്റി സ്ഥാപിക്കുന്നതിനായി കെഎസ്ഇബി ലഭ്യമാക്കിയിട്ടുള്ള എസ്റ്റിമേറ്റുകള്‍ പ്രകാരമുള്ള തുക തനത് ഫണ്ടില്‍ നിന്നും അടവാക്കുന്നതിന് സെക്രട്ടറിയെ ചുമതലപ്പെടുത്തി തീരുമാനിച്ചു.

സദ്ഭരണം

ആര്യനാട് ഗ്രാമപഞ്ചായത്തിലെ മാനവീയം വീഥിയില്‍ കൃഷി ഓഫീസിനോട് ചേര്‍ന്നുള്ള രണ്ട് ടോയ്ലറ്റ് മാനവീയം വീഥിയിലെ പൊതു പരിപാടികള്‍ക്ക് വേദി പങ്കിടുന്നവരുടെ ആവശ്യത്തിനായും, രണ്ട് ടോയ്ലറ്റ് കൃഷി ഓഫീസ് ജീവനക്കാര്‍ക്കുമായി തുറന്നു നല്‍കുന്നതിന് തീരുമാനിച്ചു.

സദ്ഭരണം

ആര്യനാട് ഗ്രാമപഞ്ചായത്തിലെ ശ്മശാനത്തില്‍ വൈദ്യുത തടസ്സം നേരിടാതിരിക്കുന്നതിനായി ജനറേറ്റര്‍ ആവശ്യമായതിനാലും, ജനറേറ്റര്‍ വാങ്ങുന്നതിന് നിലവില്‍ പദ്ധതിക്ക് അംഗീകാരം ലഭിച്ചിട്ടില്ലാത്തതിനാൽ സിഎസ്ആര്‍ ഫണ്ട് കണ്ടെത്തി ജനറേറ്റര്‍ വാങ്ങുന്നതിന് തീരുമാനിച്ചു.

സദ്ഭരണം

നവംബര്‍ 3, 4, 5, 6, 7 തീയതികളിലെ നെടുമങ്ങാട് ഉപജില്ല കലോത്സവം ആര്യനാട് ജിവിഎച്ച്എസ് ല്‍ വച്ച് നടക്കുന്നതായും, കലോത്സവത്തില്‍ എണ്ണായിരത്തോളം കുട്ടികള്‍ പങ്കെടുക്കുന്നതായും, കുട്ടികള്‍ക്ക് ഭക്ഷണം നല്‍കുന്നതിന്‍റെ ബാധ്യത സ്കൂളിനായതിനാല്‍ സാമ്പത്തിക സഹായം ലഭ്യമാക്കണെന്ന് കാണിച്ച് ആര്യനാട് ജിവിഎച്ച്എസ് പ്രിന്‍സിപ്പല്‍ നല്‍കിയ കത്ത് യോഗം ചര്‍ച്ച ചെയ്തു. കലോത്സവത്തിന് സംഭാവനയായി 20,000/- രൂപ തനത് ഫണ്ടില്‍ നിന്നും അനുവദിക്കുന്നതിന് സെക്രട്ടറിയെ ചുമതലപ്പെടുത്തി തീരുമാനിച്ചു.

വാര്‍ഷിക പദ്ധതി സംബന്ധിച്ച്

ആര്യനാട് ഗ്രാമപഞ്ചായത്തിലെ 2025-26 വാര്‍ഷിക പദ്ധതി ഭേദഗതിയില്‍ ഉള്‍പ്പെടുത്തി തനത് ഫണ്ട് വകയിരുത്തി ചുവടെ പറഞ്ഞിരിക്കുന്ന പദ്ധതികള്‍ ഏറ്റെടുക്കുന്നതിന് തീരുമാനിച്ചിരുന്നു. എന്നാല്‍ പദ്ധതി നിര്‍വ്വഹണത്തിന് ആവശ്യമായ തനത് ഫണ്ട് ലഭ്യമല്ലാത്ത കാരണത്താല്‍ തനത് ഫണ്ട് സ്റ്റേറ്റ്മെന്‍റിന് അംഗീകാരം ലഭിച്ചിരുന്നില്ല. മേല്‍ സാഹചര്യത്തില്‍ തനത് ഫണ്ട് വകയിരുത്തി ഏറ്റെടുത്ത പുതിയ പദ്ധതികള്‍ ഉപേക്ഷിക്കുന്നതിനും, നിലവില്‍ അംഗീകാരം ലഭിച്ചിരുന്ന പദ്ധതികളില്‍ അധികമായി തനത് ഫണ്ട് വകയിരുത്തിയിരുന്നവ അടുത്ത പദ്ധതി ഭേദഗതിയില്‍ ഉചിതമായ ഫണ്ട് വകയിരുത്തി അംഗീകാരം നേടുന്നതിനായി തിരികെ ലഭ്യമാക്കുന്നതിനും ജില്ലാ ആസൂത്രണ സമിതിയോട് അഭ്യര്‍ത്ഥിച്ച് തീരുമാനിച്ചു. പുതിയ പദ്ധതികള്‍ (ഉപേക്ഷിക്കുന്നവ) സിസി ടിവി ക്യാമറകളുടെ എഎംസി (പ്രൊജക്ട് നം - 357) വലിയമല കോളനി റോഡ് സംരക്ഷണ വലയം സ്ഥാപിക്കല്‍ (പ്രൊജക്ട് നം - 363) ശ്മശാനത്തില്‍ ഫയര്‍ എന്‍ഒസി ലഭ്യമാക്കല്‍ (പ്രൊജക്ട് നം - 359) വിജ്ഞാന സദസ് (പ്രൊജക്ട് നം - 361) ഹാപ്പിനസ് പാര്‍ക്കില്‍ ഫ്ലോറിംഗ് (പ്രൊജക്ട് നം - 362) കല്ലുപാലം റേഡിയോ കിയോസ്കിനോട് ചേര്‍ന്ന് ഗ്രാമഭവന്‍ കെട്ടിട നിര്‍മ്മാണം (പ്രൊജക്ട് നം - 366) ആര്യനാട് ഗ്രാമപഞ്ചായത്തിലെ വിവിധ സാമൂഹ്യ മാധ്യമ അക്കൗണ്ടുകൾ കൈകാര്യം ചെയ്യുന്നതിന് സ്ഥാപനങ്ങളെ / ഏജന്‍സികളെ നിയമിക്കല്‍ (പ്രൊജക്ട് നം - 369) അംഗീകൃത ലൈബ്രറിയ്ക്ക് ബുക്ക് വാങ്ങൽ (പ്രൊജക്ട് നം - 365) പഞ്ചായത്ത് പൊതു ശ്മശാനത്തിലേയ്ക്ക് ജനറേറ്റർ വാങ്ങി സ്ഥാപിക്കൽ (പ്രൊജക്ട് നം - 368) മണ്ണാറം - എലിക്കോണം റോഡ് സൈഡ് കോണ്‍ക്രീറ്റിംഗ് (പ്രൊജക്ട് നം - 371) വലിയ കലുങ്ക് അങ്കണവാടി പുനരുദ്ധാരണം (പ്രൊജക്ട് നം - 372) നിലവിലുള്ള പദ്ധതികള്‍ (ഭേദഗതിക്കായി തിരികെ ലഭ്യമാക്കേണ്ടവ) കുട്ടികളുടെ ഗ്രാമസഭ (പ്രൊജക്ട് നം - 71) തെരുവുനായ്ക്കൾക്ക് വാക്സിനേഷൻ നൽകൽ (പ്രൊജക്ട് നം - 167) സമഗ്ര കന്നുകാലി ഇൻഷുറൻസ് (പ്രൊജക്ട് നം - 172) പാഥേയം - ജനറൽ (പ്രൊജക്ട് നം - 293) ഇറവൂർ വാർഡിൽ ജൽജീവൻ മിഷൻ പദ്ധതി നടപ്പിലാക്കിയ വിവിധ റോഡുകളുടെ പുനരുദ്ധാരണം (പ്രൊജക്ട് നം - 339)

വാര്‍ഷിക പദ്ധതി സംബന്ധിച്ച്

ആര്യനാട് ഗ്രാമപഞ്ചായത്തിലെ 2025/26 വാർഷിക പദ്ധതിയിൽ അസ്സിസ്റ്റന്റ് എഞ്ചിനീയർ നിർവ്വഹണ ഉദ്യോഗസ്ഥനായ ചുവടെ ചേർക്കുന്ന പ്രവൃത്തികൾ ടെണ്ടർ ക്ഷണിച്ചതിൽ കുറഞ്ഞനിരക്ക് രേഖപ്പെടുത്തിയ ടെണ്ടറുകൾ അംഗീകരിച്ചും ടെണ്ടർ ലഭിക്കാത്ത പ്രവൃത്തിയ്ക്ക് റീടെണ്ടർ ചെയ്യുന്നതിനും തുടർനടപടികൾ സ്വീകരിക്കുന്നതിന് നിർവ്വഹണ ഉദ്യോഗസ്ഥനായ അസ്സിസ്റ്റന്റ് എഞ്ചിനീയറെ ചുമതലപ്പെടുത്തി തീരുമാനിച്ചു. ക്രമ നമ്പര്‍ പ്രവൃത്തിയുടെ പേര് GST പ്രൊവിഷൻ തുക കുഴിവാക്കിയ മതിപ്പ് ചെലവ് കരാറുകാരൻ തുക (Rs) Bid rank നിരക്ക് ( % ) സിവിൽ ദർഘാസ് 1 Annual Plan-AGP 112/2025-26-PROVIDING FENCING FOR PLAY GROUND AT MAILAMOODU 422671 T G PRATHAP (BID ID -2385576) 413800.47 L1 -2.1 VISHNU V NAIR (BID ID -2385613) 518757.88 L2 +22.73 2 Annual Plan-AGP 105/2025-26-Renovation of Theviyarkunnu Ground 423061 ANILKUMAR R (BID ID -2382969) 406133.87 L1 -4 T G PRATHAP (BID ID -2384781) 414181.46 L2 -2.1 SHAJI P (BID ID -2385487) 423060.77 L3 +0 VISHNU V NAIR (BID ID -2384863) 517842.44 L4 +22.4 ANUROOP VIJAYAN (BID ID -2385644) 518654.58 L5 +22.6 3 Annual Plan-AGP 140/2025-26-Toilet Construction in Panchayat Office building 330086 no bids പുനർ ദര്‍ഘാസ് 13 Annual Plan-AGP 96/2025-26-Maintanance of Malayantheri Urulukuzhi Road 465494 T G PRATHAP (BID ID -2384754) 465493.73 L1 0 14 Annual Plan-AGP 97/2025-26- IMPROVEMENTS OF MUSLIMPALLI RANDAMPALAM ROAD 169022 VISHNU V NAIR (BID ID -2384848) 169021.57 L1 0

വാര്‍ഷിക പദ്ധതി സംബന്ധിച്ച്

വാര്‍ഷിക പദ്ധതിയില്‍ ഉള്‍പ്പെടുത്തിയിട്ടുള്ള ഐ സി ഡി എസ് സൂപ്പര്‍വൈസര്‍ നിര്‍വ്വഹ ഉദ്യോഗസ്ഥയായിട്ടുള്ള 'സ്പീച്ച് ബിഹേവിയർ ഒക്യുപേഷൻ തെറാപ്പി' (പ്രൊജക്ട് നം 29) എന്ന പദ്ധതിയുടെ നിര്‍വ്വഹണത്തിനായി സ്പീച്ച് ഒക്കുപ്പേഷന്‍ തെറാപ്പിസ്റ്റിനെ നിയമിക്കുന്നതിന് ആവശ്യമായ നടപടി സ്വീകരിക്കുന്നതിന് ഐ സി ഡി എസ് സൂപ്പര്‍വൈസറെ ചുമതലപ്പെടുത്തി തീരുമാനിച്ചു.

വാര്‍ഷിക പദ്ധതി സംബന്ധിച്ച്

വാര്‍ഷിക പദ്ധതിയില്‍ ഉള്‍പ്പെടുത്തിയിട്ടുള്ള ഐ സി ഡി എസ് സൂപ്പര്‍വൈസര്‍ നിര്‍വ്വഹ ഉദ്യോഗസ്ഥയായിട്ടുള്ള 'സ്ത്രീകളുടെ സമഗ്ര വികസനവും സുരക്ഷയും - ജ്വാല' (പ്രൊജക്ട് നം 35) എന്ന പദ്ധതിയുടെ നിര്‍വ്വഹണത്തിനായി അനീമിയ സ്ക്രീനിംഗ് പ്രവര്‍ത്തനങ്ങള്‍ നടത്തുന്നതിനായി കേരള സിവില്‍ സപ്ലൈസ് കോര്‍പ്പറേഷന്‍ ലിമിറ്റഡ് എന്ന സ്ഥാപനം ലഭ്യമാക്കിയിട്ടുള്ള 10/10/2025 ലെ 29 നമ്പര്‍ പ്രോഫോര്‍മ ഇന്‍വോയിസ് അംഗീകരിച്ച് തീരുമാനിച്ചു. വര്‍ക്ക് ഓര്‍ഡര്‍ നല്‍കുന്നതിന് ഐ സി ഡി എസ് സൂപ്പര്‍വൈസറെ ചുമതലപ്പെടുത്തി തീരുമാനിച്ചു.

വാര്‍ഷിക പദ്ധതി സംബന്ധിച്ച്

2025-26 വാര്‍ഷിക പദ്ധതിയില്‍ ഉള്‍പ്പെടുത്തിയിട്ടുള്ള അസിസ്റ്റന്‍റ് എഞ്ചിനീയര്‍ നിര്‍വ്വഹ​ണ ഉദ്യോഗസ്ഥനായിട്ടുള്ള 'എംസിഎഫ് പൂർത്തീകരണം' (പ്രൊജക്ട് നം 280) എന്ന പദ്ധതിക്കായി വകയിരുത്തിയിരുന്ന സ്വച്ഛ ഭാരത് മിഷന്‍ ഫണ്ട് ലഭ്യമാകാത്ത സാഹചര്യമുണ്ടാകുന്ന പക്ഷം തനത് ഫണ്ടില്‍ നിന്നും തുക അനുവദിക്കുന്നതിനായി പദ്ധതി ഭേദഗതി ചെയ്യുന്നതിന് നിര്‍വ്വഹണ ഉദ്യോഗസ്ഥനെ ചുമതലപ്പെടുത്തി തീരുമാനിച്ചു.

വാര്‍ഷിക പദ്ധതി സംബന്ധിച്ച്

2025-26 വാര്‍ഷിക പദ്ധതിയില്‍ ഉള്‍പ്പെട്ടിട്ടുള്ള മെഡിക്കല്‍ ഓഫീസര്‍ നിര്‍വ്വഹണ ഉദ്യോഗസ്ഥനായിട്ടുള്ള ഹെല്‍ത്ത് ഗ്രാന്‍റ് വകയിരുത്തിയിട്ടുള്ളതുമായ 'രോഗ നിര്‍ണ്ണയ സംവിധാനങ്ങള്‍ ഏര്‍പ്പെടുത്തല്‍' (പ്രൊജക്ട് നം 322/26) എന്ന പദ്ധതിയില്‍ ഉള്‍പ്പെടുത്തി ലാബ് നവീകരണം നടത്തുന്നതിന് KADCO യില്‍ നിന്നും ലഭിച്ചിട്ടുള്ള 10/10/2025 തീയതിയിലെ KADCO/SRO/S&SS/ETTE/CHC-ARND-TVM/25-26/175 നമ്പര്‍ എസ്റ്റിമേറ്റ് യോഗം പരിശോധിച്ചു. KADCO സര്‍ക്കാര്‍ അംഗീകരിച്ചിട്ടുള്ള അക്രഡിറ്റഡ് ഏജന്‍സിയായതിനാലും പദ്ധതി അടിയന്തിരമായി പൂര്‍ത്തീകരിക്കേണ്ടതുള്ള തിനാലും KADCO ലഭ്യമാക്കിയിട്ടുള്ള 4,99,149/- രൂപയുടെ എസ്റ്റിമേറ്റ് അംഗീകരിച്ചു തീരുമാനിച്ചു. പ്രവൃത്തികള്‍ അടിയന്തിരമായി പൂര്‍ത്തീകരിക്കുന്നതിനുള്ള നടപടി സ്വീകരിക്കുന്നതിന് നിര്‍വ്വഹണ ഉദ്യോഗസ്ഥന് നിര്‍ദ്ദേശം നല്‍കി തീരുമാനിച്ചു.

വാര്‍ഷിക പദ്ധതി സംബന്ധിച്ച്

ആര്യനാട് ഗ്രാമപഞ്ചായത്തിലെ 2025-26 വാര്‍ഷിക പദ്ധതിയില്‍ ഉള്‍പ്പെടുത്തി നടപ്പിലാക്കി വരുന്ന ചുവടെ ചേർക്കുന്ന പദ്ധതികളുടെ തൃപ്തികരമായ പൂർത്തീകരണത്തിന് എസ്റ്റിമേറ്റ് റിവൈസ് ചെയേണ്ടതായുണ്ടെന്ന് കാണിച്ച് നിര്‍വ്വഹണ ഉദ്യോഗസ്ഥനായ അസിസ്റ്റന്‍റ് എഞ്ചിനീയര്‍ നല്‍കിയ കത്ത് യോഗം ചര്‍ച്ച ചെയ്തു. പദ്ധതി തുകയില്‍ അധികരിക്കാതെ എസ്റ്റിമേറ്റ് റിവൈസ് ചെയ്യുന്നതിന് അനുമതി നല്‍കി തീരുമാനിച്ചു. 119/2024-25 - ഹരിത എക്കൊ ഷൊപ് നിർമാണം - ബെനിഫിഷറീസിന്റെ ആവശ്യപ്രകാരം ഷോപ്പിന്റെ ഭംഗി കൂട്ടുന്നതിനായി മുൻവശത്തും സൈഡിലും Trafold profile ഷീറ്റ് സ്ഥാപിക്കുക, അലുമിനിയം വർക്ക് ഒഴിവാക്കി സ്റ്റീൽ റാക്കുകൾ നിർമിക്കുക, Multiwood lettering എന്നീ ഇനങ്ങൾ ഉൾപെടുത്തുന്നതിനായി 144/2024-25 - ആയൂർവേദ ആശുപത്രി നവീകരണം - ബെനിഫിഷറീസിന്റെ ആവശ്യപ്രകാരം സ്റ്റീൽ റാക്കുകൾ നിർമിച്ചതിന് അലുമിനിയം സലൈഡിങ് ഷട്ടർ എന്നീ ഇനങ്ങൾ ഉൾപെടുത്തുന്നതിനായി 367/2023-24 - ശ്മശാനം നിർമ്മാണം രണ്ടാംഘട്ടം - ഫണ്ട് ലഭ്യതക്കനുസൃതമായി ടോയ്‌ലറ്റിന്റെ പൂർത്തീകരണ പ്രവർത്തികൾ , മുറ്റം ഇന്റർലോക്ക് എന്നിവ 2025-26-ലെ പദ്ധതിയിൽ ഏറ്റെടുക്കുന്നതിനാൽ ആദ്യത്തെ റിവൈസ്ഡ് എസ്റ്റിമേറ്റിൽ നിന്നും വ്യത്യസ്തമായി ഓഫീസ് ബിൽഡിംഗ് ഷീറ്റ് റൂഫിങ്ങിന് പകരം RCC റൂഫിങ്ങ് നൽകി നിർമിക്കുക, മണ്ഡപത്തിന് ജിപ്സം ബോർഡ് സിലിങ്, റാമ്പ് നിർമാണം എന്നീ ഇനങ്ങൾ ഉൾപെടുത്തുന്നതിനായി 336/2024-25 - ആര്യനാട് ഗവൺമെന്റ് ഹോമിയോ ആശുപത്രി ഹെൽത്ത് ആൻഡ് വെൽന സെന്റർ ആയി ഉയർത്തുന്നതിനുള്ള അടിസ്ഥാന സൗകര്യം ഒരുക്കൽ- ബെനിഫിഷറീസിന്റെ ആവശ്യപ്രകാരം ഒപി കൗണ്ടർ , ഫർമസി സ്റ്റോർ എന്നിവയുടെ അളവിൽ വ്യതാസം വന്നതിനാൽ 350/2024-25 - ടിവി കിയോസ്ക് കെട്ടിട നവീകരണം - ബെനിഫിഷറീസിന്റെ ആവശ്യപ്രകാരം സ്ഥല ലഭ്യതക്കനുസരിച്ചു പ്ലാനിന്റെ അളവിൽ വ്യത്യാസം വരുത്തേണ്ടി വന്നതിനാൽ 394/2024-25 - മാനവീയം വീഥി അധിക സൌകര്യമൊരുക്കൽ - ബെനിഫിഷറീസിന്റെ ആവശ്യപ്രകാരം കസേര നിരയായി സ്ഥാപിക്കുന്നതിന് സ്റ്റേജിനനുസൃതമായി സ്റ്റെപ്പുകൾ നിർമിച്ചു ഫ്ലോർ പെയിന്റിംഗ് ചെയ്യുക എന്നീ ഇനങ്ങൾ ഉൾപെടുത്തുന്നതിനായി 296/2023-24 - മാനവീയം വീഥി പൂർത്തീകരണം - ഫണ്ട് ലഭ്യതക്കനുസൃതമായി ആദ്യത്തെ റിവൈസ്ഡ് എസ്റ്റിമേറ്റിൽ നിന്നും വ്യത്യസ്തമായി ബെനിഫിഷറീസിന്റെ ആവശ്യപ്രകാരം ലെറ്റെറിങ്ങിന്റെ അളവിനനുസൃതമായി സ്റ്റീൽ ലെറ്ററിങ് ചിലവേറിയതിനാൽ പകരം മൾട്ടിവുഡ് ലെറ്ററിങ് ഇനങ്ങൾ ഉൾപെടുത്തുന്നതിനായി 379/2023-24 - സ്കൂളുകളിൽ ശുചിമുറി സ്ഥാപിക്കൽ - ബെനിഫിഷറീസിന്റെ ആവശ്യപ്രകാരം സ്ഥല ലഭ്യതക്കനുസരിച്ചു പ്ലാനിന്റെ അളവിൽ വ്യത്യാസം വരുത്തേണ്ടി വന്നതിനാൽ 111/2024-25 - അംഗൻവാടി പുനരുദ്ധാരണം - ബെനിഫിഷറീസിന്റെ ആവശ്യപ്രകാരം അളവിൽ വ്യത്യാസം വരുത്തേണ്ടി വന്നതിനാൽ 1130/2024-25 - കണിയാംവിളാകം കുടലി ഭാഗം റോഡ് നവീകരണം - റോഡ് ടാറിങ്ങിന്റെ നീളം കൂട്ടുന്നതിനായി

വാര്‍ഷിക പദ്ധതി സംബന്ധിച്ച്

ആര്യനാട് ഗ്രാമപഞ്ചായത്തിലെ 2025-26 വാര്‍ഷിക പദ്ധതിയില്‍ ഉള്‍പ്പെട്ടി‌ട്ടുള്ള എൽഇഡി ലൈറ്റ് വാങ്ങൽ' (പ്രൊജ. നം 208) എന്ന പദ്ധതിയില്‍ ഉള്‍പ്പെട‌ുത്തി ആവശ്യമായ തെരുവ് വിളക്ക് ഉപകരണങ്ങള്‍ വാങ്ങുന്നതിനായി ചുവടെ പറയുന്ന സാധനങ്ങളുടെ നിരക്ക് ലഭ്യമാക്കുന്നതിനുള്ള നടപടി സ്വീകരിക്കുന്നതിന് സെക്രട്ടറിയെ ചുമതലപ്പെടുത്തി തീരുമാനിച്ചു. 1 24/25 W LED Light with all Accessories and Installation Charges 2 30/35 W LED Light with all Accessories and Installation Charges 3 50/60 W LED Light with all Accessories and Installation Charges 4 100 W LED Light with all Accessories and Installation Charges

2025-ലെ കേരള പഞ്ചായത്ത് രാജ് (സംരംഭങ്ങൾക്ക് ലൈസൻസ് നൽകൽ) ചട്ടങ്ങൾ ഭേദഗതി പ്രകാരമുള്ള നടപടികള്‍

ബഹു.കേരള സർക്കാരിന്റെ 14-08-2025 തിയതിയിലെ സ.ഉ.(അച്ചടി) നം. 46/2025/LSGD നമ്പർ പ്രകാരം കേരള സംസ്ഥാനത്ത് 2025 ലെ കേരള പഞ്ചായത്ത് രാജ് സംരംഭങ്ങൾക്ക് (ലൈസൻസ് നൽകൽ) ചട്ടങ്ങൾ കേരള സംസ്ഥാനത്ത് നടപ്പിലാക്കി ഉത്തരവ് പുറപ്പെടുവിച്ചിട്ടുണ്ട്. അതിൻറെ ഭാഗമായി ചട്ടം 3 നു വിധേയമായി സൂചന 2 പ്രകാരം ചുവടെപ്പറയുന്ന വസ്‌തുതകൾ ആര്യനാട് ഗ്രാമപഞ്ചായത്ത് പ്രദേശത്തെ പൊതുജനങ്ങൾക്കായി വിജ്ഞാപനം വി‍ജ്ഞാനം പുറപ്പെടുവിക്കുന്നതിന് തീരുമാനിച്ചു. 1. ആര്യനാട് ഗ്രാമ പഞ്ചായത്ത് പ്രദേശത്തെ യാതൊരു സ്ഥലമോ കെട്ടിടമോ ഒന്നോ അതിലധികമോ സേവന ആവശ്യങ്ങൾക്കോ വ്യാപാര വാണിജ്യ പ്രവർത്തനങ്ങൾക്കോ ഉപയോഗിക്കുന്നതിന് 1994 ലെ കേരള പഞ്ചായത്ത് രാജ് നിയമം 232 ആം വകുപ്പ് പ്രകാരം സെക്രട്ടറി നൽകുന്ന ലൈസൻസ് നിർബന്ധമായും എടുത്തിരിക്കേണ്ടതാണ്. 2. സൂചന ചട്ടങ്ങളിലെ കാറ്റഗറി 2 വിഭാഗത്തിൽപ്പെട്ട വ്യാപാര സംരംഭങ്ങളിൽ നാളിതുവരെ ലൈസൻസ് എടുത്തിട്ടില്ലാത്ത സംരംഭകർ വിജ്ഞാപനത്തീയതി മുതൽ 30 ദിവസത്തിനുള്ളിൽ K-Smart വഴി സ്വന്തം ലോഗിനിൽ നിന്ന് ഓൺലൈൻ ആയി അപേക്ഷയും അനുബന്ധ രേഖകളും സമർപ്പിച്ച് നിശ്ചിത ഫീസ് ഒടുക്കി ലൈസൻസ് എടുക്കേണ്ടതും അതിന്റെ ഒരു പകർപ്പ് സംരംഭം നടത്തുന്ന സ്ഥലത്ത് നിർബന്ധമായും സൂക്ഷിക്കേണ്ടതുമാണ്. 3. ഈ വിജ്ഞാപന തിയതിയ്ക്ക് ശേഷം ആര്യനാട് ഗ്രാമ പഞ്ചായത്ത് പ്രദേശത്ത് ഏതെങ്കിലും സ്ഥലമോ കെട്ടിടമോ കാറ്റഗറി രണ്ട് വിഭാഗത്തിൽപ്പെട്ട വ്യാപാര സംരംഭക പ്രവർത്തനങ്ങൾക്ക് ഉപയോഗിച്ച് പുതുതായി തുടങ്ങാൻ ഉദ്ദേശിക്കുന്ന തിയതിയ്ക്ക് 15 ദിവസങ്ങൾക്ക് മുൻപ് കെ-സ്‌മാർട്ട് വഴി സ്വന്തം ലോഗിനിൽ നിന്ന് ഓൺലൈൻ ആയി അപേക്ഷയും അനുബന്ധ രേഖകളും സമർപ്പിച്ച് നിശ്ചിത ഫീസ് ഒടുക്കി ലൈസൻസ് എടുക്കേണ്ടതും അതിന്റെ ഒരു പകർപ്പ് സംരംഭം നടത്തുന്ന സ്ഥലത്ത് നിർബന്ധമായും സൂക്ഷിക്കേണ്ടതുമാണ്. 4. വാഹനങ്ങൾ ഉപയോഗിച്ച് റെസ്റ്റോറൻ്റുകൾ, തട്ടുകടകൾ, മറ്റു സംരംഭങ്ങൾ എന്നിവ നടത്തുന്നവർക്കും ടി വ്യവസ്ഥകൾ ബാധകമാണ്. 5. സൂചന ചട്ടങ്ങളിലെ കാറ്റഗറി ഒന്ന് വിഭാഗങ്ങളിൽപ്പെട്ട സംരംഭങ്ങൾ സ്ഥാപിക്കുന്നതിന് ഉദ്ദേശിക്കുന്ന തിയതിയ്ക്ക് 45 ദിവസങ്ങൾക്ക് മുമ്പായി വകുപ്പ് 233 പ്രകാരമുളള ഗ്രാമ പഞ്ചായത്തിൻ അനുമതിയ്ക്കായി സെക്രട്ടറിയ്ക്ക് അപേക്ഷ നൽകേണ്ടതാണ്. 6. കാറ്റഗറി ഒന്ന് പ്രകാരമുള്ള സംരംഭങ്ങൾ സ്ഥാപിക്കുന്നതിന് പഞ്ചായത്തിന്റെ അനുമതി ലഭിച്ച സംരംഭകർ അവ സ്ഥാപിച്ചശേഷം അവയുടെ പ്രവർത്തനം ആരംഭിക്കുന്നതിന് മുമ്പായി കേരള സംസ്ഥാന മലിനീകരണ നിയന്ത്രണ ബോർഡിന്റെയും, മറ്റ് വകുപ്പുകളോ സ്ഥാപനങ്ങളോ നൽകേണ്ട അനുമതികളും നിരാക്ഷേപ സാക്ഷ്യപത്രങ്ങളും നേടിയ ശേഷം മേൽപ്പറഞ്ഞ പ്രകാരം ഓൺലൈൻ ആയി അപേക്ഷ സമർപ്പിച്ച് ലൈസൻസ് എടുത്തിരിക്കേണ്ടതാണ്. 7. നിലവിൽ ലൈസൻസ് ഉളളതോ പുതിയതായി ലൈസൻസ് എടുക്കുന്നതോ ആയ സ്ഥാപനങ്ങൾ പ്രസ്‌തുത ലൈസൻസ് കാലാവധി അവസാനിക്കുന്നതിന് 30 ദിവസങ്ങൾക്ക് മുമ്പായി നിശ്ചിത ഫീസ് സഹിതം സ്വയം സാക്ഷ്യപത്രം സമർപ്പിക്കുന്ന മുറയ്ക്ക് ലൈസൻസ്/ രജിസ്ട്രേഷൻ ലഭിക്കുന്നതാണ്. 8. കേരള സംസ്ഥാന മലിനീകരണ നിയന്ത്രണ ബോർഡ് വൈറ്റ് / ഗ്രീൻ വിഭാഗമായി പ്രഖ്യാപിച്ചിട്ടുള്ള ഫാക്‌ടറി / വ്യവസായം / വർക്ക്ഷോപ്പ് എന്നിവയ്ക്ക് ലൈസൻസോ അനുമതിയോ ആവശ്യമില്ലാത്തതാണ്. എന്നാൽ അത്തരം സ്ഥാപനങ്ങൾ നിശ്ചിത ഫീസ് അടച്ച് ഓൺലൈൻ ആയി സംരംഭക രജിസ്ട്രേഷൻ സർട്ടിഫിക്കറ്റ് സഹിതം ഗ്രാമ പഞ്ചായത്തിൽ അപേക്ഷ നൽകി നിശ്ചിത ഫീസ് ഒടുക്കി രജിസ്റ്റർ ചെയ്യേണ്ടതും രജിസ്ട്രേഷൻ കാലാവധി അവസാനിക്കുന്ന മുറയ്ക്ക് ആയത് പുതുക്കേണ്ടതുമാണ്. 9. പഞ്ചായത്ത് പ്രദേശത്ത് നടത്തുന്ന വ്യാപാര സംരംഭക പ്രവർത്തനങ്ങൾക്ക് മതിയായ രേഖകൾ സമർപ്പിച്ച് നിശ്ചിത ഫീസ് പൂർണ്ണമായി അടയ്ക്കുന്ന സംരംഭങ്ങൾക്ക് സംരംഭകൻ ആവശ്യപ്പെടുന്ന പക്ഷം പരമാവധി അഞ്ചു വർഷം വരെയുള്ള കാലാവധിക്ക് ലൈസൻസ് ലഭിക്കുന്നതാണ്. എന്നാൽ സംരംഭത്തിന് ഹരിതകർമ്മസേനയുടെ യൂസർ ഫീ, തൊഴിൽ നികുതി മുതലായവ കുടിശ്ശികയാകുന്ന പക്ഷം ടി ലൈസൻസ് റദ്ദാവുന്നതാണ്. 10. ആര്യനാട് ഗ്രാമ പഞ്ചായത്ത് പ്രദേശത്ത് ലൈസൻസിൽ നിന്ന് ഒഴിവാക്കിയിട്ടുളളവ ഒഴികെ ലൈസൻസോ / അനുമതിയോ / രജിസ്ട്രേഷനോ കൂടാതെ യാതൊരുവിധ സംരംഭവും പ്രവർത്തിക്കാൻ പാടുളളതല്ല. അപ്രകാരം പ്രവർത്തിക്കുന്ന വ്യക്തികൾ / സ്ഥാപനങ്ങൾക്കെതിരെ പിഴ, പ്രോസിക്യൂഷൻ മുതലായ നടപടികൾ സ്വീകരിക്കു ന്നതാണ്. ഈ വിജ്ഞാപനത്തിലെ നിർദ്ദേശങ്ങൾക്ക് 14.10.2025 തീയതി മുതൽ പ്രാബല്യമുണ്ടായിരിക്കുന്നതാണ്. 11. ആര്യനാട് ഗ്രാമപഞ്ചായത്ത് പ്രദേശത്തെ സംരംഭങ്ങൾക്ക് ബാധകമാകുന്ന ലൈസൻസ് ഫീസ് ഒന്നാം പട്ടിക പ്രകാരവും, പെർമിഷൻ ഫീസ് രണ്ടാം പട്ടിക പ്രകാരവും, രജിസ്ട്രേഷൻ ഫീസ് മൂന്നാം പട്ടിക പ്രകാരവും ഈടാക്കേണ്ടതാണ്. ഒന്നാം പട്ടിക (4, 6, 7, 12, 13 എന്നീ ചട്ടങ്ങള്‍ കാണുക) ക്രമ നമ്പർ വിഭാഗം ആ വർഷത്തേക്ക് ചുമത്തുന്ന പരമാവധി ലൈസൻസ് ഫീസ് 1 ഒരു ലക്ഷം രൂപയിൽ കവിയാത്ത മൂലധന നിക്ഷേപമുള്ള സംരംഭങ്ങൾ 90 രൂപ 2 മൂലധന നിക്ഷേപം ഒരു ലക്ഷം രൂപയിൽ കൂടുതലായും എന്നാൽ 5 ലക്ഷം രൂപയിൽ കവിയാത്തതുമായ സംരംഭങ്ങൾ 185 രൂപ 3 മൂലധന നിക്ഷേപം 5 ലക്ഷം രൂപയിൽ കൂടുതലായും എന്നാൽ 15 ലക്ഷം രൂപയിൽ കവിയാത്തതുമായ സംരംഭങ്ങൾ 275 രൂപ 4 മൂലധന നിക്ഷേപം 15 ലക്ഷം രൂപയിൽ കൂടുതലായും എന്നാൽ 25 ലക്ഷം രൂപയിൽ കവിയാത്തതുമായ സംരംഭങ്ങൾ 475 രൂപ 5 മൂലധന നിക്ഷേപം 25 ലക്ഷം രൂപയിൽ കൂടുതലായും എന്നാൽ 1 കോടി രൂപയിൽ കവിയാത്തതുമായ സംരംഭങ്ങൾ 950 രൂപ 6 മൂലധന നിക്ഷേപം 1 കോടി രൂപയിൽ കൂടുതലായും എന്നാൽ 5 കോടി രൂപയിൽ കവിയാത്തതുമായ സംരംഭങ്ങൾ 4,800 രൂപ 7 മൂലധന നിക്ഷേപം 5 കോടി രൂപയിൽ കൂടുതലായും എന്നാൽ 10 കോടി രൂപയിൽ കവിയാത്തതുമായ സംരംഭങ്ങൾ 9,500 രൂപ 8 മൂലധന നിക്ഷേപം 10 കോടി രൂപയിൽ കൂടുതലുള്ള സംരംഭങ്ങൾ 14,000 രൂപ രണ്ടാം പട്ടിക (ചട്ടം 11 കാണുക) ക്രമ നമ്പർ വിഭാഗം പെർമിഷൻ ഫീസ് 1 25 ലക്ഷം രൂപയിൽ കവിയാത്ത മൂലധന നിക്ഷേപമുള്ള സംരംഭങ്ങൾ 950 രൂപ 2 മൂലധന നിക്ഷേപം 25 ലക്ഷം രൂപയിൽ കൂടുതലായും എന്നാൽ 1 കോടി രൂപയിൽ കവിയാത്തതുമായ സംരംഭങ്ങൾ 1800 രൂപ 3 മൂലധന നിക്ഷേപം 1 കോടി രൂപയിൽ കൂടുതലായും എന്നാൽ 5 കോടി രൂപയിൽ കവിയാത്തതുമായ സംരംഭങ്ങൾ 9,500 രൂപ 4 മൂലധന നിക്ഷേപം 5 കോടി രൂപയിൽ കൂടുതലായും എന്നാൽ 10 കോടി രൂപയിൽ കവിയാത്തതുമായ സംരംഭങ്ങൾ 19,000 രൂപ 5 മൂലധന നിക്ഷേപം 10 കോടി രൂപയിൽ കൂടുതലുള്ള സംരംഭങ്ങൾ 28,500 രൂപ മൂന്നാം പട്ടിക (11, 13 എന്നീ ചട്ടങ്ങള്‍ കാണുക) ക്രമ നമ്പർ വിഭാഗം ആ വർഷത്തേക്ക് ചുമത്തുന്ന പരമാവധി രജിസ്ട്രേഷൻ ഫീസ് 1 ഒരു ലക്ഷം രൂപയിൽ കവിയാത്ത മൂലധന നിക്ഷേപമുള്ള സംരംഭങ്ങൾ 90 രൂപ 2 മൂലധന നിക്ഷേപം ഒരു ലക്ഷം രൂപയിൽ കൂടുതലായും എന്നാൽ 5 ലക്ഷം രൂപയിൽ കവിയാത്തതുമായ സംരംഭങ്ങൾ 185 രൂപ 3 മൂലധന നിക്ഷേപം 5 ലക്ഷം രൂപയിൽ കൂടുതലായും എന്നാൽ 15 ലക്ഷം രൂപയിൽ കവിയാത്തതുമായ സംരംഭങ്ങൾ 275 രൂപ 4 മൂലധന നിക്ഷേപം 15 ലക്ഷം രൂപയിൽ കൂടുതലായും എന്നാൽ 25 ലക്ഷം രൂപയിൽ കവിയാത്തതുമായ സംരംഭങ്ങൾ 475 രൂപ 5 മൂലധന നിക്ഷേപം 25 ലക്ഷം രൂപയിൽ കൂടുതലായും എന്നാൽ 1 കോടി രൂപയിൽ കവിയാത്തതുമായ സംരംഭങ്ങൾ 950 രൂപ 6 മൂലധന നിക്ഷേപം 1 കോടി രൂപയിൽ കൂടുതലായും എന്നാൽ 5 കോടി രൂപയിൽ കവിയാത്തതുമായ സംരംഭങ്ങൾ 4,800 രൂപ 7 മൂലധന നിക്ഷേപം 5 കോടി രൂപയിൽ കൂടുതലായും എന്നാൽ 10 കോടി രൂപയിൽ കവിയാത്തതുമായ സംരംഭങ്ങൾ 9,500 രൂപ 8 മൂലധന നിക്ഷേപം 10 കോടി രൂപയിൽ കൂടുതലുള്ള സംരംഭങ്ങൾ 14,000 രൂപ

സദ്ഭരണം

ആര്യനാട് ഗ്രാമപഞ്ചായത്തിൻറെ ഉടമസ്ഥതയിലെ ഈഞ്ചപ്പുരി വാർഡിലെ 'തണൽ' എന്നു നാമകരണം ചെയ്ത ക്രിമിറ്റോറിയത്തില്‍ 2 ഓപ്പറേറ്ററുടെ തസ്തികയിലേക്ക് 29/09/2025 തീയതി നടന്ന ഇൻറർവ്യൂവിൽ പങ്കെടുത്തവരെ ഉള്‍പ്പെടുത്തി റാങ്ക് പട്ടിക തയാറാക്കിയത് 03/10/2025 തീയിലെ ഭരണസമിതി യോഗം പരിശോധിച്ചു അംഗീകരിച്ച് തീരുമാനിച്ചിരുന്നു. ആയതിന്‍റെ അടിസ്ഥാനത്തില്‍ റാങ്ക് പട്ടികയില്‍ ഒന്നാം റാങ്ക് കരസ്ഥമാക്കിയ ശ്രീ. അരുൺ പി, അരുൺഭവൻ, ചെറുമഞ്ചൽ, കൊക്കോട്ടേല എന്നയാളെയും, രണ്ടാം റാങ്ക് കരസ്ഥമാക്കിയ ശ്രീ. റ്റി. ഷിബു, ​​എ.ആർ. നിവാസ്, മഞ്ചാടി നിന്ന വിള, ബൗണ്ടർമുക്ക്, പറണ്ടോട് പി.ഒ എന്നയാളെയും ക്രിമിറ്റോറിയം ഓപ്പറേറ്ററായി നിയമിക്കുന്നതിനുള്ള നിയമന ഉത്തരവ് നല്‍കിയിരുന്നു. ​​എന്നാല്‍ ഒന്നാം റാങ്ക് കരസ്ഥമാക്കിയ ശ്രീ. അരുൺ പി, അരുൺഭവൻ, ചെറുമഞ്ചൽ, കൊക്കോട്ടേല എന്നയാള്‍ക്ക് വേറെ ജോലി ലഭ്യമായതിനാല്‍ ക്രിമിറ്റോറിയത്തിലെ ജോലി ആവശ്യമില്ലെന്ന് കാണിച്ച് കത്ത് നല്‍കിയത് യോഗം ചര്‍ച്ച ചെയ്തു. ക്രിമിറ്റോറിയത്തില്‍ രണ്ട് ജീവനക്കാരെ നിയമിക്കേണ്ടതുള്ളതിനാല്‍ റാങ്ക് പട്ടികയില്‍ മൂന്നാമതായി ഉള്‍പ്പെട്ടിട്ടുള്ള ശ്രീ. മധു റ്റി. എന്നയാളെ ക്രിമിറ്റോറിയം ഓപ്പറേറ്ററായി നിയമിക്കുന്നതിനുള്ള നടപടി സ്വീകരിക്കുന്നതിന് സെക്രട്ടറിയെ ചുമതലപ്പെടുത്തി തീരുമാനിച്ചു. ക്രിമിറ്റോറിയത്തിലെ ക്ലീനിംഗ് ജോലികള്‍ക്കായി താല്‍ക്കാലികമായി നിയമിക്കുന്നതിന് ലഭ്യമായിട്ടുള്ള ശ്രീ. സുകുമാരന്‍ പി, തടത്തരികത്ത് വീട്, മൈലമൂട്, കൊക്കോട്ടേല, ആര്യനാട് എന്നവരുടെ പ്രകാരം ടിയാനെ 179 ദിവസത്തേക്ക് നിയമിക്കുന്നതിനും പ്രതിദിനം 100 രൂപ നിശ്ചയിച്ച് പ്രതിമാസം പരമാവധി 3000 രൂപ വേതനം അനുവദിക്കുന്നതിനും തീരുമാനിച്ചു.

സദ്ഭരണം

ആര്യനാട് ക‍ൃഷി ഭവനോട് ചേര്‍ന്ന് മാനവീയം വീഥിയില്‍ പ്രവര്‍ത്തിക്കുന്ന ബയോപാര്‍ക്കില്‍ വൈദ്യുത കണക്ഷന്‍ ലഭ്യമാക്കുന്നതിനുള്ള നടപടി സ്വീകരിക്കുന്നതിനും, ആയതിനുള്ള ചെലവ് തനത് ഫണ്ടില്‍ നിന്നും അനുവദിക്കുന്നതിനും സെക്രട്ടറിയെ ചുമതലപ്പെടുത്തി തീരുമാനിച്ചു.

സദ്ഭരണം

പുറുത്തിപ്പാറ വാര്‍ഡിലെ ഗ്രാമസഹായിയായി സേവനമനുഷ്ഠിക്കുന്നതിന് വര്‍ഷ എം, ജ്യോതി ഹൗസ്, പുറുത്തിപ്പാറ, പറണ്ടോട് പി.ഒ. എന്നിവര്‍ നല്‍കിയിട്ടുള്ള അപേക്ഷ സംബന്ധിച്ച് യോഗം ചര്‍ച്ച ചെയ്തു. പുറുത്തിപ്പാറ വാര്‍ഡിലെ ഗ്രാമഭവന്‍റെ പ്രവര്‍ത്തനം തടസ്സമില്ലാതെ നടത്തുന്നതിനും, മറ്റ് അപേക്ഷകര്‍ ഇല്ലാത്ത സാഹചര്യത്തിലും വര്‍ഷ എം എന്നവരെ പുറുത്തിപ്പാറ വാര്‍ഡിലെ ഗ്രാമസഹായിയായി നിയമിക്കുന്നതിന് തീരുമാനിച്ചു.

സദ്ഭരണം

ആര്യനാട് ഗ്രാമപഞ്ചായത്ത് കൃഷി ഭവനോട് ചേര്‍ന്ന് മാനവീയം വീഥിയില്‍ നിര്‍മ്മിച്ചിരിക്കുന്ന 'എക്കോ ഷോപ്പ്' കാര്‍ഷിക ഉല്പന്നങ്ങള്‍ വില്‍പ്പന നടത്തുന്നതിനും, കാര്‍ഷിക അനുബന്ധ പ്രവര്‍ത്തനങ്ങള്‍ക്കുമായി ആര്യനാട് ഗ്രാമപഞ്ചായത്തിലെ മാര്‍ക്കറ്റില്‍ 2008 മുതല്‍ ആരംഭിച്ച് തൃപ്തികരമായി പ്രവര്‍ത്തിച്ചുവരുന്ന കാര്‍ഷിക വിപണന കേന്ദ്രത്തിന് പ്രതിമാസം 250 രൂപ വാടക നിശ്ചയിച്ച് കരാര്‍ അടിസ്ഥാനത്തിലും, കൃഷി ഓഫീസറുടെ മേല്‍നോട്ടത്തിലും, 15 വര്‍ഷത്തേക്ക് ചുവടെ ചേര്‍ത്തിരിക്കുന്ന വ്യവസ്ഥകള്‍ ബാധകമാക്കി പാട്ടത്തിന് നല്‍കുന്നതിന് സെക്രട്ടറിയെ ചുമതലപ്പെടുത്തി തീരുമാനിച്ചു. കെട്ടിടത്തിന്‍റെ വെള്ളക്കരം, വൈദ്യുത ചാര്‍ജ്ജ് തുടങ്ങിയവ പാട്ടക്കാരൻ തന്നെ കൃത്യമായി അടവാക്കേണ്ടതാണ്. കെട്ടിടം കാര്‍ഷിക ഉല്പന്നങ്ങള്‍ വില്‍പ്പന നടത്തുന്നതിനും, കാര്‍ഷിക അനുബന്ധ പ്രവര്‍ത്തനങ്ങള്‍ക്കുമായി മാത്രമേ ഉപയോഗിക്കാൻ പാടുള്ളൂ. അനുവദനീയമല്ലാത്ത മറ്റ് ആവശ്യങ്ങൾക്ക് ഉപയോഗിക്കുന്നത് കരാർ ലംഘനമായി കണക്കാക്കുന്നതാണ്. വിപണന കേന്ദ്രം മറ്റാർക്കും ഉപകരാറായി നൽകാനോ കൈമാറ്റം ചെയ്യാനോ അവകാശം ഉണ്ടായിരിക്കുന്നതല്ല. കെട്ടിടത്തിന് ഉണ്ടാകുന്ന ചെറിയ അറ്റകുറ്റപ്പണികൾ പാട്ടക്കാരൻ സ്വന്തം ചെലവിൽ നടത്തണം. കെട്ടിടത്തിൻ്റെ ഘടനയിൽ പഞ്ചായത്തിൻ്റെ മുൻകൂർ രേഖാമൂലമുള്ള അനുമതിയില്ലാതെ യാതൊരു മാറ്റങ്ങളും വരുത്താൻ പാടില്ല. നിശ്ചയിച്ച പാട്ടത്തുക (വാർഷികം/മാസം) കൃത്യ സമയത്ത് പഞ്ചായത്തിൽ അടവാക്കേണ്ടതാണ്. പ്രതിവര്‍ഷം വാടകയില്‍ 50 രൂപ വര്‍ദ്ധിപ്പിച്ച് നല്‍കേണ്ടതാണ്. പഞ്ചായത്ത് ഉദ്യോഗസ്ഥർക്ക് വിപണന കേന്ദ്രത്തിൽ പരിശോധന നടത്താനുള്ള അധികാരം ഉണ്ടായിരിക്കും. പാട്ടക്കാരൻ്റെ ഭാഗത്ത് നിന്നുണ്ടാകുന്ന വീഴ്ചകളോ അശ്രദ്ധയോ മൂലം പഞ്ചായത്തിനോ പൊതുജനങ്ങൾക്കോ ഉണ്ടാകുന്ന എല്ലാ നഷ്ടങ്ങൾക്കും പാട്ടക്കാരൻ പൂർണ്ണമായും ഉത്തരവാദിയായിരിക്കും. വിപണന കേന്ദ്രത്തിന്റെ പ്രവര്‍ത്തനം കൃഷി ഓഫീസറുടെ മേല്‍നോട്ടത്തില്‍ നടത്തേണ്ടതാണ്.

സദ്ഭരണം

ആര്യനാട് സബ്‌രജിസ്ട്രാര്‍ 2901/10 നമ്പറായി രജിസ്റ്റര്‍ ചെയ്തിട്ടുള്ള ആര്യനാട് വില്ലേജ് 562/1 ല്‍ 6.99 ആര്‍ വസ്തുവില്‍ ഉള്‍പ്പെട്ടിട്ടുള്ള 2.5 സെന്‍റ് ഭൂമി റോഡ് വികസനത്തിനായി പഞ്ചായത്തിന് വിട്ടു നല്‍കുന്നതിന് സമ്മതമാണെന്ന് കാണിച്ച് മുല്ലശ്ശേരി വീട്ടില്‍ ശ്രീമതി ലീന ബീഗം എസ് എന്നവര്‍ നല്‍കിയ കത്ത് യോഗം ചര്‍ച്ച ചെയ്തു. റോഡ് വികസനത്തിനായി സൗജന്യമായി വിട്ടുതരുന്ന ഭൂമി ഏറ്റെടുക്കുന്നത് ഉചിതമാണെന്ന് യോഗം വിലയിരുത്തി. ആയതിനാല്‍ മേല്‍ ഭൂമി പഞ്ചായത്തിനായി സെക്രട്ടറിയുടെ പേരില്‍ രജിസ്റ്റര്‍ ചെയ്തു നല്‍കുന്നമുറയ്ക്ക് ആസ്തി രജിസ്റ്ററില്‍ ഉള്‍പ്പെടുത്തുന്നതിന് അസിസ്റ്റന്‍റ് ​എഞ്ചിനീയറെ ചുമതലപ്പെടുത്തി തീരുമാനിച്ചു.

സദ്ഭരണം

ആര്യനാട് ഗ്രാമപഞ്ചായത്തില്‍ തുലായത്ത്കോണത്ത് ആഷിക് ഭവനില്‍ ശ്രീ ആഷിക് എച്ച് എന്നവരുടെ ഭവന നിര്‍മ്മാണത്തിനായി വഴി സൗകര്യം ലഭ്യമല്ലാത്തതിനാല്‍ വീടുപണിക്കുള്ള സാധനങ്ങള്‍ ഇറക്കുന്നതിന് പഞ്ചായത്ത് റോഡിന്‍റെ വശത്ത് പണിതിരിക്കുന്ന ഹാന്‍ഡ് റെയില്‍ 3 മീറ്റര്‍ ദൂരം കട്ട് ചെയ്യുന്നതിനായി നല്‍കിയ കത്ത് യോഗം ചര്‍ച്ച ചെയ്തു. അപേക്ഷകന്‍റെ സ്വന്തം ചെലവില്‍ പുനസ്ഥാപിച്ചു നല്‍കുന്ന പക്ഷം അസിസ്റ്റന്‍റ് എഞ്ചിനീയറുടെ മേല്‍ നോട്ടത്തില്‍ 3 മീറ്റര്‍ ദൂരം കട്ട് ചെയ്യുന്നതിന് അനുമതി നല്‍കുന്നതിന് തീരുമാനിച്ചു.

പടക്ക നിര്‍മ്മാണശാലക്കെതിരെയുള്ള പരാതി - സബ്‍കമ്മിറ്റി റിപ്പോര്‍ട്ട് സംബന്ധിച്ച്

ആര്യനാട് ഗ്രാമ പഞ്ചായത്ത് ഭരണസമിതിയുടെ 2025 ജൂൺ മാസം 18-ാം തീയതി 11 മണിക്ക് ചേർന്ന സാധാരണ യോഗത്തിൽ മീനാങ്കൽ വാർഡിൽ മലയൻതേരി എന്ന സ്ഥലത്ത് ചെറുപടക്ക നിർമ്മാണത്തിന് ശ്രീ. ജിബു എസ് എസ് സമർപ്പിച്ച അപേക്ഷ സംബന്ധിച്ച് യോഗം ചർച്ച ചെയ്യുകയും ഭരണസമിതി അംഗങ്ങളായ ശ്രീ. എം. എൽ. കിഷോർ, ശ്രീമതി. റീനസുന്ദരം, ശ്രീ. ഐത്തി അശോകൻ, ശ്രീമതി. കെ. മോളി, ശ്രീ. അനിൽകുമാർ എന്നിവരെ ഉൾപ്പെടുത്തി രൂപീകരിച്ച സബ് കമ്മറ്റി റിപ്പോര്‍ട്ട് യോഗം ചര്‍ച്ച ചെയ്തു. ടി ചെറുപടക്ക നിർമ്മാണ യൂണിറ്റ് പ്രവർത്തിക്കുന്നതുകൊണ്ട് പരിസരവാസികൾക്കോ, നാട്ടുകാർക്കോ, യാത്രക്കാർക്കോ മറ്റ് ബുദ്ധിമുട്ടുകൾ യാതൊന്നും ഉണ്ടാവാൻ സാധ്യതയില്ലായെന്നും ടി ചെറുപടക്ക നിർമ്മാണ യൂണിറ്റുമായി ബന്ധപ്പെട്ട് പഞ്ചായത്തിന് ലഭിച്ച പരാതിയിൽ പറയുന്ന കാര്യങ്ങൾ വസ്തുതയ്ക്ക് നിരക്കാത്തതാണെന്നും, മേൽപ്പടി ചെറുപടക്ക നിർമ്മാണത്തിനുള്ള പഞ്ചായത്ത് ലൈസൻസ് അനുവദിയ്ക്കാവുന്നതാ​ണെന്നും കാണിച്ച് ലഭ്യമാക്കിയിട്ടുള്ള റിപ്പോർട്ട് യോഗം അംഗീകരിച്ചു. മീനാങ്കൽ വാർഡിൽ മലയൻതേരി എന്ന സ്ഥലത്ത് ചെറുപടക്ക നിർമ്മാണത്തിന് ശ്രീ. ജിബു എസ് എസ് സമർപ്പിച്ച അപേക്ഷ പ്രകാരം ലൈസൻസ് അനുവദിയ്ക്കുന്നതിന് സെക്രട്ടറിയെ ചുമതലപ്പെടുത്തി തീരുമാനിച്ചു.

ജി. കാര്‍ത്തികേയന്‍ മെമ്മോറിയല്‍ കണ്‍വെര്‍ജന്‍റ് സെന്ററിലെ ലിഫ്റ്റ് സ്ഥാപിക്കല്‍ - കരാറുകാരനായ ശ്രീ. ശ്രീജിത്ത് എന്നവര്‍ക്കെതിരെ നിയമനടപടി സ്വീകരിക്കുന്നത് സംബന്ധിച്ച്

ആര്യനാട് ഗ്രാമപഞ്ചായത്തിന്റെ ഉടമസ്ഥതയിലുള്ള ജി.കാർത്തികേയൻ മെമ്മോറിയൽ കൺവെർജന്റ് സെന്ററിൽ ലിഫ്റ്റ് സ്ഥാപിക്കുന്നതുമായി ബന്ധപ്പെട്ട് ശ്രീജിത്ത് നാഷണൽ ട്രേഡേഴ്സ് ആൻഡ് എക്സ്പോർട്ടേഴ്സ്, എസ്.എൻ. പ്ലാസ, ഹോസ്പിറ്റൽ റോഡ്, തൈക്കാട്, തിരുവനന്തപുരം എന്നവര്‍ പഞ്ചായത്തുമായി കരാറിൽ ഏർപ്പെട്ടിരുന്നു. എന്നാൽ പ്രസ്തുത പ്രവൃത്തിയുടെ 80% തുക കൈപ്പറ്റി ലിഫ്റ്റിനുള്ള സാധന സാമഗ്രികൾ സപ്ലൈ ചെയ്തതിനുശേഷം ടിയാന്‍ പ്രവർത്തി പൂർത്തിയാക്കി പഞ്ചായത്തിന് കൈമാറുകയോ ഇതുമായി ബന്ധപ്പെട്ട യാതൊരു അറിയിപ്പോ രേഖപ്പെടുത്തലുകളോ ടിയാന്‍റെ ഭാഗത്തുനിന്നും കൃത്യമായി ഉണ്ടായിട്ടില്ലാത്തതുമാണ്. ടിയാന്‍റെ വഞ്ചനാപരമായ നിലപാട് കാരണം ആര്യനാട് ഗ്രാമപഞ്ചായത്ത് രണ്ടരക്കോടി രൂപ ചെലവഴിച്ച് നിർമ്മിച്ച കൺവർജെന്റ് സെന്റർ സമയബന്ധിതമായി പ്രവർത്തിപ്പിക്കുവാൻ കഴിയാത്ത സാഹചര്യം ഉണ്ടായി. ഇത് പഞ്ചായത്തുമായി ഏർപ്പെട്ടിട്ടുള്ള കരാറുകളുടെ നഗ്നമായ ലംഘനവും ഗുരുതരമായ വീഴ്ചയുമാണ്. ആര്യനാട് ഗ്രാമപഞ്ചായത്ത് കമ്മറ്റിയുടെ 14.02.2025 തീയതിയിലെ 19(5) നമ്പർ തീരുമാനപ്രകാരം ടിയാനെ ഈ കരാറിൽ നിന്നും ഒഴിവാക്കിയിട്ടുള്ളതും ടിയാന്‍ ലിഫ്റ്റ് സ്ഥാപിക്കുന്ന സ്ഥലത്തെ പണിപൂര്‍ത്തിയാക്കാതെ ടി പ്രദേശം അപകടകരമായ അവസ്ഥയില്‍ പണി നിര്‍ത്തിയിട്ടിട്ടുള്ളതിനാലും, ജനങ്ങളുടെ ജീവഹാനി വരാതിരിക്കുന്നതിനും കൺവെർജന്റ് സെന്ററിൽ ഇറക്കി വച്ചിട്ടുള്ള ലിഫ്റ്റുമായി ബന്ധപ്പെട്ട സാധന സാമഗ്രികൾ പഞ്ചായത്ത് കണ്ടുകെട്ടിയിട്ടുള്ളതും ആയത് പഞ്ചായത്ത് സ്വന്തം നിലയിൽ സ്ഥാപിചിട്ടുള്ളതുമാണ്. അപ്രകാരം ടിയാന്‍ പഞ്ചായത്തിനോടും പൊതുസമൂഹത്തിനോടും കാണിച്ച വഞ്ചനാപരമായ നടപടിക്ക് ടിയാനെതിരെ നിയമ നടപടി സ്വീകരിക്കുന്നതിനും, നഷ്ടപരിഹാരം ഈടാക്കുന്നതിനും തീരുമാനിച്ചു. വക്കീല്‍ നോട്ടീസ് നല്‍കുന്നതിനുള്ള നടപടി സ്വീകരിക്കുന്നതിനും, ടി വിഷയവുമായി ബന്ധപ്പെട്ട കോടതി വ്യവഹാരങ്ങള്‍ അഡ്വ. ശ്രീഹര്‍ഷന്‍ എന്നവരെ ഏല്‍പ്പിക്കുന്നതിനും സെക്രട്ടറിയെ ചുമതലപ്പെടുത്തി തീരുമാനിച്ചു.

കുടുംബശ്രീ, എംജിഎന്‍ആര്‍ഇജി പ്രവര്‍ത്തം സംബന്ധിച്ച്.

മഹാത്മാ ഗാന്ധി ദേശീയ ഗ്രാമീണ തൊഴിലുറപ്പ് പദ്ധതി 2025-26 സാമ്പത്തിക വർഷത്തിൽ തോട് സൈഡ് വാൾ പ്രവർത്തികൾക്ക് വേണ്ടി ഇ-ടെൻഡർ റീ ഇ-ടെൻഡർ എന്നിവ നൽകിയിട്ടും ഏറ്റെടുക്കാത്ത പ്രവർത്തികൾക്ക് ക്വട്ടേഷൻ ക്ഷണിക്കുന്നതിന് അനുമതി നല്‍കി തീരുമാനിച്ചു. മഹാത്മാ ഗാന്ധി ദേശീയ ഗ്രാമീണ തൊഴിലുറപ്പ് പദ്ധതിയില്‍ ഉള്‍പ്പെട്ടിട്ടുള്ള 21 റോഡ് കോൺക്രീറ്റ് പ്രവർത്തികൾക്ക് ഇ-ടെൻഡർ ചെയ്തത് സാങ്കേതിക കാരണങ്ങളാല്‍ ഓപ്പൺ ചെയ്യാൻ കഴിയാത്തതിനാൽ റീ ഇ-ടെൻഡർ നൽകുന്നതിനും അനുമതി നല്‍കി തീരുമാനിച്ചു.

കുടുംബശ്രീ, എംജിഎന്‍ആര്‍ഇജി പ്രവര്‍ത്തം സംബന്ധിച്ച്.

മഹാത്മാ ഗാന്ധി ദേശീയ ഗ്രാമീണ തൊഴിലുറപ്പ് പദ്ധതി 2026-27 സാമ്പത്തിക വർഷത്തിലെ ലേബർ ബഡ്‌ജറ്റ് തയ്യാറാക്കുന്നതിലേയ്ക്കായി പഞ്ചായത്ത് തലഗ്രാമസഭയ്ക്കും വാർഡ്‌തല ഗ്രാമസഭ കൂടുന്നതിനുമുള്ള സ്ഥലവും തീയതിയും സമയവും ചുവടെ ചേര്‍ത്തിരിക്കുന്ന പ്രകാരം തീരുമാനിച്ചു. വാര്‍ഡ് തീയതി സമയം കീഴ്പാലൂര്‍ 29.10.2025 10. AM മീനാങ്കല്‍ 29.10.2025 12:00 PM തേവിയാരുകുന്ന് 29.10.2025 11.30 AM പൊട്ടന്‍ചിറ 29.10.2025 2:00 PM ഈഞ്ചപ്പുരി 30.10.2025 3:00 PM കൊക്കോട്ടേല 29.10.2025 3:00 PM പാലൈക്കോണം 30.10.2025 12:00 PM ഇരിഞ്ചല്‍ 28.10.2025 12:00 PM പള്ളിവേട്ട 28.10.2025 3:00 PM കാഞ്ഞിരംമൂട് 28.10.2025 10:00 AM കാനക്കുഴി 28.10.2025 12:00 PM ചൂഴ 28.10.2025 11:00 AM ആര്യനാട് ഠൌണ്‍ 27.10.2025 11.30. AM കോട്ടയ്ക്കകം 27.10.2025 10. AM ഇറവൂര്‍ 27.10.2025 12.30 PM വലിയകലുങ്ക് 27.10.2025 3:00 PM പറണ്ടോട് 30.10.2025 10. AM പുറുത്തിപ്പാറ 30.10.2025 11:00 AM

കുടുംബശ്രീ, എംജിഎന്‍ആര്‍ഇജി പ്രവര്‍ത്തം സംബന്ധിച്ച്.

തദ്ദേശ സ്വയംഭരണ വകുപ്പ് മഹാത്മാഗാന്ധി ദേശീയ ഗ്രാമീണ തൊഴിലുറപ്പ് പദ്ധതി കരാറടിസ്ഥാനത്തിൽ ജീവനക്കാരെ നിയമിക്കുന്നതിനുള്ള മാനദണ്ഡങ്ങൾ പരിഷ്കരിച്ചും പദ്ധതിച്ചെലവിന് ആനുപാതികമായി ജീവനക്കാരെ അധികമായി നിയമിക്കുന്നതിനും നിലവിലുള്ള ജീവനക്കാരുടെ കരാർ പുതുക്കുന്നതിനും അനുമതി നൽകിയും 29-06-2024 തീയതിയിലെ സ.ഉ. (കൈ) നം 80/2024/LSGD പ്രകാരം ഉത്തരവ് യോഗം ചര്‍ച്ച ചെയ്തു. തൊഴിലുറപ്പ് പദ്ധതിയ്ക്ക് കീഴിൽ ചെലവഴിക്കപ്പെടുന്ന തുക മുൻകാലങ്ങളെ അപേക്ഷിച്ച് ഉയർന്നത്, ആസ്തി നിർമ്മാണ പ്രവർത്തനങ്ങൾ വർധിച്ച തോതിൽ ഏറ്റെടുക്കുന്നത്, പട്ടിക വർഗ്ഗ കുടുംബങ്ങൾക്കായി പ്രത്യേക പദ്ധതികൾ നടപ്പാക്കുന്നത് എന്നിവ പഞ്ചായത്തുകളിലെ ജോലിഭാരം ഗണ്യമായി വർധിപ്പിച്ചിട്ടുള്ളതിനാലും, മുൻ സാമ്പത്തിക വർഷം 6 കോടിയിലേറെ ചെലവഴിക്കുകയും സാധനഘടകത്തിൽ 15%-ൽ അധികം വിനിയോഗിച്ചിട്ടുള്ളതുമായ പട്ടിക വർഗ്ഗ കുടുംബങ്ങൾ അധികമുള്ള പഞ്ചായത്തുകളില്‍ ഒരു എം.ജി.എൻ.ആർ.ഇ.ജി.എസ് ഓവർസിയറെ കൂടി മേല്‍ ഉത്തരവ് പ്രകാരം നിയമിക്കാവുന്നതാണ്. മേല്‍ സാഹചര്യത്തില്‍ ആര്യനാട് ഗ്രാമപഞ്ചായത്തില്‍ ഒരു എം.ജി.എൻ.ആർ.ഇ.ജി.എസ് ഓവർസിയറെ കൂടി നിയമിക്കുന്നത് അനുമതി നല്‍കുന്നതിന് അധികാരികളോട് അഭ്യര്‍ത്ഥിച്ച് തീരുമാനിച്ചു.