Meeting Manager

കടമുറി വാടക- പരാതി

ഗവണ്‍മെന്‍റ് എല്‍ പി എസ് പഴയ തെരുവ്, ഗവണ്‍മെന്‍റ് വെല്‍ഫെയര്‍ എല്‍ പി എസ്- വാട്ടര്‍ ചാര്‍ജ് കുടിശ്ശിക

പഞ്ചായത്ത് വാഹനം മെയിന്‍റനന്‍സ്

പെറ്റിഷന്‍- ശ്രീ എന്‍ ജയകുമാര്‍ vs ഗ്രാമപഞ്ചായത്ത് സെക്രട്ടറി

ആര്യനാട് ഗ്രാമപഞ്ചായത്തില്‍ ഐ സി ഡി എസ് സൂപ്പര്‍വൈസര്‍ നിര്‍വ്വഹണ ഉദ്യോസ്ഥയായ സ്നേഹ സ്പര്‍ശം (പ്രോജക്ട് നമ്പര്‍ 87)എന്ന പദ്ധതിയില്‍ ഗുണഭോക്താവായ ഫിദഫാത്തിമ എസ് എസ് എന്ന കുട്ടിക്ക് ആധാറുമായി ലിങ്ക് ചെയ്ത ബാങ്ക് അക്കൌണ്ട് ലഭ്യമല്ലാത്തതിനാല്‍ സ്കോളര്‍ഷിപ്പ് നല്‍കാന്‍ സാധിക്കുന്നില്ല എന്നും ശാരീരിക വെല്ലുവിളികള്‍ നേരിടുന്നവര്‍ക്കുള്ള സ്കോളര്‍ഷിപ്പ് (പ്രോജക്ട് നമ്പര്‍ 84) എന്ന പദ്ധതിയിലേക്ക് ശ്രീജിത്ത്, രമ്യാ ഭവന്‍, ചൂഴ, ആര്യനാട് പി ഒ എന്ന വിദ്യാര്‍ത്ഥിയെകൂടി ഉള്‍പ്പെടുത്തണമെന്നും കാണിച്ച് സമര്‍പ്പിച്ച അപേക്ഷകള്‍ യോഗം പരിശോധിച്ചു. നിര്‍വ്വഹണ ഉദ്യോഗസ്ഥയുടെ ശുപാര്‍ശ കണക്കിലെടുത്ത് ഫിദഫാത്തിമ എസ് എസ്എന്ന വിദ്യാര്‍ത്ഥിയുടെ മാതാവായ ശ്രീമതി ഷമ്ന എസ് എസ്, ബുഷ്റ മന്‍സില്‍, കടുവാക്കുഴി, പള്ളിവെട്ട ആര്യനാട് പി ഒ എന്നയാളുടെ പേരില്‍ സ്നേഹ സ്പര്‍ശം പദ്ധതി പ്രകാരമുള്ള സ്കോളര്‍ഷിപ്പ് തുക അനുവദിക്കുന്നതിനും ശാരീരിക വെല്ലുവിളികള്‍ നേരിടുന്നവര്‍ക്കുള്ള സ്കോളര്‍ഷിപ്പ്എന്ന പദ്ധതിയിലേക്ക് ശ്രീജിത്ത്, രമ്യാ ഭവന്‍, ചൂഴ, ആര്യനാട് പി ഒ എന്ന വിദ്യാര്‍ത്ഥിയെകൂടി ഉള്‍പ്പെടുത്തുന്നതിന് അനുമതി നല്‍കിയും ഈ യോഗം ഐക്യകണ്ഠ്യേന തീരുമാനിച്ചു.

ആര്യനാട് ഗ്രാമപഞ്ചായത്തിലെ വലിച്ചെറിയല്‍ മുക്ത കേരളം കാമ്പയിന്‍, ഗ്രാമസഭ, എന്നീ ആവശ്യങ്ങള്‍ക്ക് തുണി ബാനര്‍ തയ്യാറാക്കിയ ഇനത്തില്‍ ദൃശ്യം പ്രിന്‍റേഴ്സ് എന്ന സ്ഥാപനത്തിന് 4720 രൂപ അനുവദിക്കുന്നതിന് യോഗം ഐക്യകണ്ഠ്യേന തീരുമാനിച്ചു.

21/02/2023 പഞ്ചായത്ത് രാജ് ആക്ട് സെക്ഷൻ 276 - പ്രകാരം അപ്പീൽ അധികാരി എന്ന നിലയിൽ പഞ്ചായത്ത് കമ്മറ്റി കൂടി പഞ്ചായത്തിലെ കൊക്കോട്ടേല, മൈലമൂട് ക്വാറിയുടെ അനുമതിയെ സംബന്ധിച്ച് സബ്കമ്മിറ്റി നൽകിയ റിപ്പോർട്ട് പൂർണമായി ഐകകണ്ഠേന അംഗീകരിക്കുകയുണ്ടായി. അപ്പീൽ അപേക്ഷയിൽ മൈലമൂട് പാറസംരക്ഷണസമിതി പരാമർശിച്ച കാര്യങ്ങളിൽ സബ്കമ്മിറ്റിയുടെ കണ്ടെത്തലുകൾ വീണ്ടും ഈ കമ്മിറ്റി പൂർണമായും അംഗീകരിക്കുന്നു. കൊക്കോട്ടേല നിവാസികളുടെ ആവാസവ്യവസ്ഥയെയും, കൃഷിയെയും, സ്വൈരജീവിതത്തെയും തകർക്കുന്നതായിരിക്കും ക്വാറി പ്രവർത്തനം തുടങ്ങിയാൽ ഉണ്ടാവുക എന്ന് എല്ലാ അംഗങ്ങളും അഭിപ്രായപ്പെട്ടു. ക്വാറി സ്ഥിതി ചെയ്യുന്ന മലയുടെ അടിവാരത്തിൽ നിന്നും ഉത്ഭവിക്കുന്ന നാലു തോടുകൾ കൊക്കോട്ടേല പ്രദേശത്തെ കൃഷിയിടങ്ങളെ ജലസമ്പന്നമാക്കുന്നതിലെ പ്രധാന ഉറവിടങ്ങൾ ആണെന്ന് എല്ലാ അംഗങ്ങളും ഒരേ സ്വരത്തിൽ അഭിപ്രായപ്പെട്ടു. മുൻകാലങ്ങളിൽ സ്വകാര്യ വ്യക്തികൾ ഈ പാറയിൽ നടത്തിയ ഖനനത്തിനെ തുടർന്ന് സമീപവാസികളുടെ വീടുകൾക്കുണ്ടായ നാശനഷ്ടങ്ങൾ മെമ്പർമാരായ ശ്രീ. എം. എൽ. കിഷോറും, ശ്രീമതി. റീന സുന്ദരവും ചൂണ്ടിക്കാട്ടി. റവന്യൂവകുപ്പ് തയ്യാറാക്കിയ സർവ്വേ പ്ലാൻ പ്രകാരം സമീപവാസികളുടെ വീടുകളെ സംബന്ധിച്ചുള്ള അകലം തെറ്റാണെന്നും പലവീടുകളും 50 മീറ്ററിന് താഴെയാണെന്നും മെമ്പർമാർ ഐകകണ്ഠേന അഭിപ്രായപ്പെട്ടു. അവർ സ്ഥലം നേരിൽ സന്ദർശിച്ച് അളന്ന് നോക്കി ഇത് ബോധ്യപ്പെട്ടതായും അഭിപ്രായപ്പെട്ടു. തെറ്റായ സർവ്വേ പ്ലാൻ തയ്യാറാക്കിയ റവന്യൂവകുപ്പിലെ ഉദ്യോഗസ്ഥർക്കെതിരെ വിജിലൻസ് അന്വേഷണത്തിന് ആവശ്യപ്പെടണമെന്നും അംഗങ്ങൾ അഭിപ്രായപ്പെട്ടു.സർവ്വേ പ്ലാനിൽ ഗുരുതരമായ പോരായ്മകൾ ഉണ്ടെന്ന് സ്ഥലം സന്ദർശിച്ച് ബോധ്യപ്പെട്ട അംഗങ്ങൾ അഭിപ്രായപ്പെട്ടു. 100 മീറ്ററിനുള്ളിൽ സമീപത്തായി സ്ഥിതി ചെയ്യുന്ന ക്ടാവുരുട്ടികുന്നില്‍ 1977 ഉരുൾപ്പൊട്ടലണ്ടായ സംഭവം സ്ഥലം സന്ദർശിച്ച് സമീപവാസികളിൽ നിന്നും വിവരശേഖരണം നടത്തിയതിന്റെ അടിസ്ഥാനത്തിൽ ശരിയാണെന്ന് മെമ്പർ ശ്രീമതി. സനൂജ അഭിപ്രായപ്പെട്ടു. മനുഷ്യാവകാശ കമ്മീഷന്റെ 20/02/2014 തീയതിയിലെ HRMP No. 9140/13 നമ്പർ ഉത്തരവ് പ്രകാരം ഈ പാറയിൽ ക്വാറി പ്രവർത്തനം പാടില്ല എന്ന നിർദ്ദേശം പാലിക്കപ്പെടേണ്ടതാണെന്നും ആ ഉത്തരവ് ലംഘിക്കേണ്ട ഒരു സാഹചര്യവും പുതുതായി അവിടെ ഉണ്ടായിട്ടില്ല എന്നും അംഗങ്ങൾ ഐകകണ്ഠേന അഭിപ്രായപ്പെട്ടു ഇന്ത്യൻ ഭരണഘടന ആർട്ടിക്കിൾ-14, ആർട്ടിക്കിൾ-21 പ്രകാരമുള്ള മനുഷ്യാവകാശങ്ങളുടെ ലംഘനമാണ് പാറക്വാറി അനുമതി നൽകുന്നതിലൂടെ ഉണ്ടാകുന്നതെന്ന പരാതിക്കാരുടെ വാദം തികച്ചും ശരിയാണെന്ന് കമ്മിറ്റി ഐകകണ്ഠേന അഭിപ്രായപ്പെട്ടു. ശ്രീമതി. പത്മാവതിയമ്മയുടെ വീട് സർവ്വേ പ്രകാരം 51 മീറ്റർ അകലത്തിലാണെന്ന അദാനി വിഴിഞ്ഞം പോര്‍ട്ട് ട്രസ്റ്റ് പ്രൈവറ്റ് ലിമിറ്റഡിന് വേണ്ടി ഹാജരായവരുടെ വാദം തെറ്റാണെന്ന് സബ്കമ്മിറ്റി അംഗങ്ങൾ നേരിട്ട് പോയി ബോധ്യപ്പെട്ട് കണ്ടെത്തിയത് ഈ കമ്മിറ്റി പൂർണമായും അംഗീകരിക്കുന്നു. മേൽ സാഹചര്യങ്ങൾ വിശദമായി ചർച്ച ചെയ്തതിന്റെ അടിസ്ഥാനത്തിൽ 05/01/2023 തീയതിയിൽ JC3-83/2023 നമ്പർ പ്രകാരം സെക്രട്ടറി അദാനി വിഴിഞ്ഞം പോര്‍ട്ട് ട്രസ്റ്റ് പ്രൈവറ്റ് ലിമിറ്റഡിന് മൈലമൂട് പാറഖനനം ചെയ്യുന്നതിന് നൽകിയ ലൈസൻസ് കമ്മിറ്റി ഇതിനാൽ ഐകകണ്ഠേന റദ്ദ് ചെയ്യുന്നു. ഈ തീരുമാനം ഉത്തരവായി പുറപ്പെടുവിക്കുന്നതിന് പ്രസിഡന്റിനെ ഈ കമ്മിറ്റി ഐകകണ്ഠേന ചുമതലപ്പെടുത്തി തീരുമാനിച്ചു.

2023-24 സാമ്പത്തിക വർഷത്തെ ബഡ്ജറ്റ് ചർച്ചയിൽ നിന്ന് ലഭിച്ച നിർദ്ദേശങ്ങളും അഭിപ്രായങ്ങളും ചേർത്ത് കൊണ്ട് ചുവടെ പറയും പ്രകാരം ഐകകണ്ഠേന അംഗീകരിച്ച് തീരുമാനിച്ചു. കാർഷിക മേഖലയിലും ക്ഷീര വികസന മേഖലയിലും നൂതന സാങ്കേതിക വിദ്യയിലധിഷ്ഠിതമായ പദ്ധതികൾക്ക് ഊന്നൽ നൽകികൊണ്ട് അവതരിപ്പിച്ച ബഡ്ജറ്റിൽ 345272328/- കോടി രൂപ വരവും 341999500/- കോടി രൂപ ചിലവും പ്രതീക്ഷിച്ചുകൊണ്ട് നീക്കി ബാക്കി 3272828/- രൂപയുടെ മിച്ച ബഡ്ജറ്റാണ് അംഗീകരിച്ചത്.

2023-2024 സാമ്പത്തിക വര്‍ഷത്തെ ബഡ്ജറ്റ് അവതരിപ്പിച്ചു.

അധിക ഗുണഭോക്തൃ ലിസ്റ്റ്

ആര്യനാട് ഗ്രാമപഞ്ചായത്തിന്റെ 2022-23 വാർഷിക പദ്ധതിയിൽ ഉൾപ്പെട്ടതും ജില്ലാ ആസൂത്രണസമിതിയുടെ അംഗീകാരം ലഭിച്ചതുമായ “പ്രോജക്ട് നം- 242/23(പഞ്ചായത്താഫീസിലേക്ക് കമ്പ്യൂട്ടറും അനുബന്ധ ഉപകരണങ്ങളും വാങ്ങല്‍) 30/2023(ഘടക സ്ഥാപനങ്ങള്‍ക്ക് ഫര്‍ണിച്ചറും കമ്പ്യൂട്ടറും വാങ്ങല്‍ ) , എന്നീ പദ്ധതികളില്‍ ഉൾപ്പെടുത്തി പ്രിന്‍ററുകള്‍ വാങ്ങുന്നതിന്റെ ഭാഗമായി Keltron നൽകിയ Invoice Nos. TVM/ITBG/PI/RM/0648/22-23, Dated - 20/02/2023,TVM/ITBG/PI/RM/0649/22-23, Dated - 20/02/2023 എന്നിവ കമ്മിറ്റി അംഗീകരിച്ച് തുടർ നടപടി സ്വീകരിക്കുന്നതിന് സെക്രട്ടറിയെ ചുമതലപ്പെടുത്തി തീരുമാനിച്ചു.

ആര്യനാട് ഗ്രാമപഞ്ചായത്തിലെ കാഞ്ഞിരം മൂട് വാര്‍ഡില്‍താളിക്കല്ല് റോഡില്‍ ഗതാഗത തടസ്സം സൃഷ്ടിക്കുന്ന ഇലക്ട്രിക് പോസ്റ്റ് മാറ്റി സ്ഥാപിക്കുന്നതിനുള്ള എസ്റ്റിമേറ്റ് തയ്യാറാക്കുന്നതിനുള്ള തുടര്‍ നടപടി സ്വീകരിക്കാന്‍ കെ എസ് ഇ ബി അധികാരികളോട് അഭ്യര്‍ത്ഥിച്ച് ഈ യോഗം ഐക്യകണ്ഠ്യേന തീരുമാനിച്ചു.

ആര്യനാട് ഗ്രാമപഞ്ചായത്തില്‍ LID & EW അസ്സി എഞ്ചിനിയര്‍ നിര്‍വ്വഹണ ഉദ്യോഗസ്ഥനായ 2022-2023 സാമ്പത്തിക വര്‍ഷത്തെ പദ്ധതികള്‍ ടെന്‍ഡര്‍ ക്ഷണിച്ചതില്‍ കരാറുകാരുടെ പങ്കാളിത്തവും നിരക്കും നിര്‍വ്വഹണ ഉദ്യോഗസ്ഥന്‍ ഹാജരാക്കിയത് യോഗം പരിശോധിക്കുകയും ചുവടെ പറയും പ്രകാരം തീരുമാനം കൈക്കൊള്ളുകയും ചെയ്തു. ക്രമനമ്പര്‍ പ്രവര്‍ത്തിയുടെ പേര് ജി എസ് ടി തുക കിഴിവാക്കിയ മതിപ്പ് ചെലവ് കരാറുകാരന്‍ തുക Bid Rank നിരക്ക് % തീരുമാനം 1 Annual Plan-AGP122- Upgradation of Sub Center- General Civil Work 448129 Mohanachandran T 448129 L1 0 ശ്രീമോഹന ചന്ദ്രന്‍ റ്റിയുടെ ദര്‍ഘാസ് അംഗീകരിച്ച് തീരുമാനിച്ചു. Vinukumar V 457085 L2 +2 2 Annual Plan-AGP 245- Parandode Anganavadi Construction-Center No 9- General Civil Work 2288077 Single Tender റി ടെന്‍ഡര്‍ചെയ്യുന്നതിന് നിര്‍വ്വഹണ ഉദ്യോഗസ്ഥനെ ചുമതലപ്പെടുത്തി തീരുമാനിച്ചു.

02.03.2023 ന് ഉച്ചക്ക് 2 മണിക്ക് തേവിയാരുകുന്ന് കമ്മ്യൂണിറ്റി ഹാളില്‍ വച്ച് മഹാത്മാ ഗാന്ധി ദേശീയ ഗ്രാമീണ തൊഴിലുറപ്പ് പദ്ധതി, ഡിജിറ്റല്‍ സാക്ഷരത, പകര്‍ച്ച വ്യാധി പ്രതിരോധം, ആരോഗ്യ ജാഗ്രത-കോവിഡ് പ്രതിരോധം, സുസ്ഥിര കാര്‍ഷിക വികസനം, അനുബന്ധ വിഷയങ്ങള്‍ എന്നീ അജണ്ടകളിന്‍മേല്‍ ഊരുക്കൂട്ടം ചേരുന്നതിന് യോഗം ഐക്യകണ്ഠ്യേന തീരുമാനിച്ചു.

അംഗീകരിച്ചു.

ബഡ്സ് സ്കൂളിനാവശ്യമായ ഡീറ്റയില്‍ഡ് പ്രോജക്ട് റിപ്പോര്‍ട്ട് അടിയന്തിരമായി തയ്യാറാക്കുന്നതിന് വേണ്ട നടപടി സ്വീകരിക്കാന്‍ കുടുംബശ്രീ സിഡി എസ് കമ്മറ്റിയെ ചുമതലപ്പെടുത്തിയും ആയതിന് ആവശ്യമായ സഹകരണം നല്‍കാന്‍ ഗ്രാമപഞ്ചായത്ത് സെക്രട്ടറിയേയും ചുമതലപ്പെടുത്തി ഈ യോഗം ഐക്യകണ്ഠ്യേന തീരുമാനിച്ചു.

ആര്യനാട് ഗ്രാമപഞ്ചായത്തിലെ കുടുംബശ്രീയുടെ പങ്കാളിത്തത്തോടെ വനിതകള്‍ക്ക് ഫിറ്റ്നസ് സെന്‍റെര്‍ ആരംഭിക്കുന്നതിന്‍റെ ഭാഗമായി ശ്രീമതി. അനുകുമാരി, ശ്രീമതി. ഷാഹിത. കെ, ശ്രീമതി. സമീറ, ശ്രീമതി. സജിതകുമാരി എന്നിവരെ ഉള്‍പ്പെടുത്തി Escalera എന്ന പേരില്‍ ഫിറ്റ്നസ് സെന്‍റര്‍ ആരംഭിക്കുന്നതിന് ഈ യോഗം ഐക്യകണ്ഠ്യേന തീരുമാനിച്ചു.

അംഗീകരിച്ചു.

ആര്യനാട് ഗ്രാമപഞ്ചായത്തിലെ ചൂഴ വാര്‍ഡില്‍ നില്‍ക്കുന്ന ഒരു ആഞ്ഞിലി വൃക്ഷം, രണ്ട് പ്ളാവ് മരം എന്നിവ സോഷ്യല്‍ ഫോറസ്ട്രി വിഭാഗത്തിന്‍റെ 26.04.2022 ലെ എസ് എഫ് എ2 4356/22 നമ്പര്‍ അനുമതിക്ക് അനുസൃതമായി 21.02.2023ന് ലേലം/ക്വട്ടേഷന്‍ നടത്തിയ സെക്രട്ടറിയുടെ നടപടി യോഗം പരിശോധിച്ചു. ലേലത്തില്‍ 3 പേര്‍ പങ്കെടുത്തു. ലേലത്തില്‍ പങ്കെടുത്ത ശ്രീ ജോണി വി 15000 രൂപക്കും ശ്രീ ജയകുമാര്‍ 16500 രൂപക്കും ശ്രീ സുരേഷ് ബി 16000 രൂപക്കും ലേലം വിളിച്ചു. ശ്രീ സുരേഷ് ബി 41000 രൂപക്ക് ക്വട്ടേഷന്‍ സമര്‍പ്പിക്കുകയുണ്ടായി. ഇതില്‍ ശ്രീ സുരേഷ് ബിയുടെ 41000 രൂപയുടെ ക്വട്ടേഷന്‍ അംഗീകരിച്ച് ഈ യോഗം ഐക്യകണ്ഠ്യേന തീരുമമാനിച്ചു.

ആര്യനാട് ഗ്രാമപഞ്ചായത്തിലെ ഈഞ്ചപ്പുരി വാര്‍ഡില്‍ പഞ്ചായത്ത് വക വസ്തുവില്‍ നില്‍ക്കുന്ന 161 റബ്ബര്‍ മരങ്ങള്‍ റബ്ബര്‍ ബോര്‍ഡിന്‍റെ 03.02.2023 ലെ അനുമതിക്കനുസൃതമായി സെക്രട്ടറി ലേലം/ക്വട്ടേഷന്‍ നടപടി സ്വീകരിച്ചത് യോഗം പരിശോധിച്ചു. ലേലത്തില്‍ 3 പേര്‍ പങ്കെടുത്തു. ലേലത്തില്‍ പങ്കെടുത്ത ശ്രീ സജികുമാര്‍ 110000 രൂപക്കും, ശ്രീ ഷാജി 120000 രൂപക്കും ശ്രീ ബൈജു 105000 രൂപക്കും ലേലം വിളിക്കുകയുണ്ടായി. ശ്രീ സതീശന്‍ 222100 രൂപക്കും ക്വട്ടേഷന്‍ സമര്‍പ്പിച്ചു. ഇതില്‍ ശ്രീ സതീശന്‍ സമര്‍പ്പിച്ച 222100 രൂപയുടെ ക്വട്ടേഷന്‍ അംഗീകരിച്ച് ഈ യോഗം ഐക്യകണ്ഠ്യേന തീരുമാനിച്ചു.

ആര്യനാട് ഗ്രാമപഞ്ചായത്തിന്‍റെ ഘടക സ്ഥാപനമായി പറണ്ടോട് ഗവണ്‍മെന്‍റ് യു പി എസില്‍ സ്കൂള്‍ കെട്ടിടത്തിന്‍റെ അടിസ്ഥാനം പൊളിച്ച് മാറ്റിയതിന്‍റെ ഭഗമായി ലഭിച്ച കരിങ്കല്ലിന്‍റെ വാല്യുവേഷന്‍ തയ്യാറാക്കുന്നതിന് LID & EW അസ്സി എഞ്ചിനിയറേയും LID & EW അസ്സി എഞ്ചിനിയറുടെ വാല്യുവേഷന് അനുസൃതമായി ലേല നടപടി സ്വീകരിക്കുന്നതിന് ഗ്രാമപഞ്ചായത്ത് സെക്രട്ടറിയേയും ചുമതലപ്പെടുത്തി ഈ യോഗം ഐക്യകണ്ഠ്യേന തീരുമാനിച്ചു.

ആര്യനാട് ഗ്രാമപഞ്ചായത്തിന്‍റെ വിവിധ ഭാഗങ്ങളില്‍ പഞ്ചായത്ത് ഉടമസ്ഥതയിലുള്ള ഫലവൃക്ഷങ്ങളില്‍ നിന്നും 01.04.2023 മുതല്‍ 31.03.2024 വരെയുള്ള കാലയളവിലേക്ക് മേലാദായം എടുക്കുന്നതിനും ആര്യനാട് ഗ്രാമപഞ്ചായത്തിന്‍റെ ഉടമസ്ഥതയിലുള്ള പബ്ളിക് മാര്‍ക്കറ്റില്‍ നിന്നും 01.04.2023 മുതല്‍ 31.03.2024 വരെയുള്ള കാലയളവിലേക്ക് ഗേറ്റ് ഫീസ് പിരിക്കുന്നതിനും ഉള്ള ലേലം/ ക്വട്ടേഷന്‍ നടപടി സ്വീകരിക്കുന്നതിനും ലേലം 01.03.2023 പകല്‍ 11 മണിക്ക് പഞ്ചായത്ത് കമ്മ്യൂണിറ്റിഹാളില്‍ വച്ച് നടത്തുന്നതിനും സെക്രട്ടറിയെ ചുമതലപ്പെടുത്തി ഈ യോഗം ഐക്യകണ്ഠ്യേന തീരുമാനിച്ചു.

കേരള ഗ്രാമപഞ്ചായത്ത് അസ്സോസിയേഷന്‍, കൃഷി വകുപ്പ്, കില എന്നിവരുമായി ചേര്‍ന്ന് സുസ്ഥിര കാര്‍ഷി വികസനം ലക്ഷ്യമാക്കി സര്‍ക്കാര്‍ പദ്ധതിയായ "ഞങ്ങളും കൃഷിയിലേക്ക് " ന് തുടര്‍ പ്രവര്‍ത്തനം നടത്തുന്നതിനും ആയതിന്‍റെ ഭാഗമായി ഗ്രാമപഞ്ചത്തംഗങ്ങള്‍ക്ക് ഏകദിന ശില്‍പ്പശാല സംഘടിപ്പിക്കുക, പഞ്ചായത്ത് തല അഗ്രികള്‍ച്ചര്‍ പ്രമോഷന്‍ ടീമിന് രൂപം നല്‍കുക, പഞ്ചായത്ത് തല അഗ്രികള്‍ച്ചര്‍ പ്രൊമോഷന്‍ ടീമിന് രൂപം നല്‍കുന്നതിനും ,പഞ്ചായത്ത് തല ഇന്‍റഗ്രേഷന്‍ കമ്മറ്റിക്ക് രൂപം നല്‍കുക, പഞ്ചായത്തിലെ കര്‍ഷക കൂട്ടായ്മകള്‍ക്ക് പരിശീലനം നല്‍കുക, കൃഷി ഭവന്‍ മാസ്റ്റര്‍ പ്ളാന്‍ തയ്യാറാക്കുക, കര്‍ഷകരെ സഹായിക്കാന്‍ പഞ്ചായത്ത് തല ഹെല്‍പ്പ് ഡസ്കിന് രൂപം നല്‍കുക വിഭവ സമാഹരണത്തിന് കര്‍മ്മ പദ്ധതി തയ്യാറാക്കുക, കാര്‍ഷിക രംഗത്ത് നവീന സാങ്കേതിക വിദ്യയും കാര്‍ഷിക വിപണന രംഗത്ത് വിവരസാങ്കേതിക വിദ്യയും വ്യാപകമാക്കുക എന്നീ പ്രവര്‍ത്തനങ്ങള്‍ സംഘടിപ്പിക്കുന്നതിനും ഈ യോഗം ഐക്യകണ്ഠ്യേന തീരുമാനിച്ചു.

ലൈസന്‍സ് റദ്ദ് ചെയ്ത് തീരുമാനിച്ചു.

ആര്യനാട് വില്ലേജില്‍ ബ്ലോക്ക് നമ്പര്‍ 47 ല്‍ റീസര്‍വ്വേ നമ്പര്‍ 345/6-2 ല്‍ ഉള്‍പ്പെട്ട 81 ച മി വസ്തുവില്‍ 11.56 ച മി വലിപ്പമുള്ള കുരിശ്ശടി സ്ഥാപിക്കുന്നതിനുള്ള അനുമതിക്കായി ശ്രീ. ആന്റണി മേരി മെലിന്‍ഡ സമര്‍പ്പിച്ച അപേക്ഷ പഠിച്ച് പഞ്ചായത്ത് കമ്മറ്റി മുമ്പാകെ റിപ്പോര്‍ട്ട് സമര്‍പ്പിക്കുന്നതിന് ശ്രീമതി ഷീജ. എ( ഗ്രാമപഞ്ചായത്ത് വൈസ് പ്രസിഡന്‍റ്), ശ്രീ കെ കെ രതീഷ് (ഗ്രാമപഞ്ചായത്തംഗം), ശ്രീ. രാധാകൃഷ്ണന്‍ (ഗ്രാമപഞ്ചായത്തംഗം), ശ്രീമതി. സനൂജ ആര്‍ (ഗ്രാമപഞ്ചായത്തംഗം), ശ്രീമതി. ആതിര. ജെ (ഗ്രാമപഞ്ചായത്തംഗം) എന്നിവരെ ഉള്‍പ്പെടുത്തിയും ശ്രീമതി ഷീജ. എ -യെ കണ്‍വീനറാക്കിയും, 17.02.2023 ലെ പഞ്ചായത്ത് കമ്മറ്റി 9(1) നമ്പര്‍ തീരുമാന പ്രകാരം സബ് കമ്മറ്റി രൂപീകരിക്കുികയുണ്ടായി. ഇപ്രകാരം രൂപീകരിച്ച സബ് കമ്മറ്റി സമര്‍പ്പിച്ച റിപ്പോര്‍ട്ട് യോഗം പരിശോധിച്ചു. കുരിശ്ശടി നിര്‍മ്മിക്കാന്‍ ഉദ്ദേശിക്കുന്ന സ്ഥലത്തെ വ്യാപാരി വ്യവസായികള്‍, പ്രദേശ വാസികള്‍, ക്ഷേത്ര വിശ്വാസികള്‍, ക്ഷേത്ര ഭാരവാഹികള്‍ രാഷ്ട്രീയ സാമൂഹ്യപ്രവര്‍ത്തകര്‍ എന്നിവരുടെ അഭിപ്രായം ആരാഞ്ഞതിന്‍റെ അടിസ്ഥാനത്തിലും കുരിശ്ശടി നിര്‍മ്മാണത്തിനെതിരേ രേഖാമൂലം പരാതികള്‍ ഒന്നും ലഭിക്കാത്ത സാഹചര്യത്തിലും കുരിശ്ശടി നിര്‍മ്മാണത്തിന് അനുമതി നല്‍കാന്‍ സബ് കമ്മറ്റി ശുപാര്‍ശ ചെയ്തിട്ടുണ്ട്. സബ് കമ്മറ്റിയുടെ ശുപാര്‍ശ പരിഗണിച്ച് ആര്യനാട് വില്ലേജില്‍ ബ്ലോക്ക് നമ്പര്‍ 47 ല്‍ റീസര്‍വ്വേ നമ്പര്‍ 345/6-2 ല്‍ ഉള്‍പ്പെട്ട 81 ച മി വസ്തുവില്‍ 11.56 ച മി വലിപ്പമുള്ള കുരിശ്ശടി സ്ഥാപിക്കുന്നതിന് ശ്രീ. ആന്റണി മേരി മെലിന്‍ഡക്ക് അനുമതി നല്‍കാന്‍ സെക്രട്ടറിയെ ചുമതലപ്പെടുത്തി ഈ യോഗം ഐക്യകണ്ഠ്യേന തീരുമാനിച്ചു.

ആര്യനാട് ഗ്രാമപഞ്ചായത്തിലെ ജനറേറ്റർ ഓയിൽ സർവ്വീസ് ചെയ്തയിനത്തിൽ ലഭ്യമായ 3309/- രൂപയുടെ ബിൽ യോഗം അംഗീകരിച്ചു. തുക തനത് ഫണ്ടിൽ നിന്നും അനുവദിയ്ക്കുന്നതിന് യോഗം സെക്രട്ടറിയെ ചുമതലപ്പെടുത്തി തീരുമാനിച്ചു.

ആര്യനാട് ഗ്രാമപഞ്ചായത്തിലെ മാര്‍ക്കറ്റില്‍ വീണ് കിടക്കുന്ന തെങ്ങ് ലേലം ചെയ്യുന്നതിനുള്ള നിയമാനുസൃത തുടര്‍ നടപടി സ്വീരിക്കാന്‍ സെക്രട്ടറിയെ ചുമതലപ്പെടുത്തി ഈ യോഗം ഐക്യകണ്ഠ്യേന തീരുമാനിച്ചു.

അംഗീകരിച്ചു.

ആര്യനാട് ഗ്രാമപഞ്ചയത്തിലെ ഇറവൂര്‍ വാര്‍ഡ്(15ാം വാര്‍ഡ്) അംഗം ശ്രീമതിമോളി കെ മോളി കെ 08.02.2023 മുതല്‍ മോളി കെ ഗുരുതരമായ ആരോഗ്യ പ്രശ്നങ്ങള്‍ മൂലം പഞ്ചായത്ത് കമ്മറ്റിയില്‍ ഹാജരാകാന്‍ സാധിക്കാത്ത അവസ്ഥയാണ് ഉള്ളതെന്ന് പഞ്ചായത്ത് കമ്മറ്റിയില്‍ അറിയിച്ചിട്ടുണ്ട്. 08.02.2023 മുതല്‍ ടിയാള്‍ക്ക് പഞ്ചായത്ത് കമ്മറ്റിയില്‍ ഹാജരാകുന്നതില്‍ നിന്നും അവധി അനുവദിച്ച് ഈ യോഗം ഐക്യകണ്ഠ്യേന തീരുമാനിച്ചു.

ഡയാലിസിസ് രോഗികളുടെ ലിസ്റ്റ് അംഗീകരിച്ചു.

ശ്യാമപ്രസാദ് മുഖർജി നാഷണൽ റർബൻമിഷൻ - മിനിഹൈമാസ്റ്റ് ലൈറ്റ് സ്ഥാപിക്കൽ എസ്റ്റിമേറ്റ് റിവൈസ് ചെയ്യുന്നതിന് അംഗീകരിച്ച് തീരുമാനിച്ചു.

ഗതാഗത തടസ്സം സൃഷ്ടിക്കുന്ന പോസ്റ്റുകള്‍- എസ്റ്റിമേറ്റ് തയ്യാറാക്കാന്‍ കെ എസ് ഇ ബി അധികൃതരോട് അഭ്യര്‍ത്ഥിച്ച് തീരുമാനിച്ചു.

അന്ത്യോദയ- സര്‍ക്കാര്‍ നിര്‍ദ്ദേശങ്ങള്‍ക്കനുസരിച്ച് തുടര്‍ നടപടി സ്വീകരിക്കാന്‍ തീരുമാനിച്ചു.

MP LADS - UPKEEP AND Maintanance certificate അനുവദിക്കുന്നതിന് തീരുമാനിച്ചു.

ആര്യനാട് ഗ്രാമപഞ്ചായത്തില്‍ സര്‍ക്കാര്‍ ആയുര്‍വേദ ഡിസ്പെന്‍സറി ആരംഭിക്കണമെന്ന ആര്യനാട് ഗ്രാമപഞ്ചായത്ത് ഭരണ സമതിയുടെ 30/10/2020 ലെ V(3) നമ്പര്‍ തീരുമാനത്തിന് മറുപടിയായി ഭാരതീയ ചികിത്സാവകുപ്പ് ജില്ലാ മെഡിക്കല്‍ ഓഫീസറുടെ 31.01.2023 ലെ ജി 2-3719/2021 നമ്പര്‍ കത്ത് യോഗം പരിശോധിച്ചു. സര്‍ക്കാരിന്‍റെ നിലവിലെ സാമ്പത്തിക സ്ഥിതി പരിഗണിച്ച് സര്‍ക്കാര്‍ ആയുര്‍വേദ ഡിസ്പെന്‍സറി ആരംഭിക്കാന്‍ നിര്‍വ്വാഹമില്ല എന്ന മറുപടി യോഗം ചര്‍ച്ച ചെയ്തു. ബഹു സര്‍ക്കാരിനോട് ആശുപത്രി പഞ്ചായത്തില്‍ ലഭിക്കുന്നതിന് തുടര്‍ നടപടി സ്വീകരിക്കാന്‍ വേണ്ട നടപടി സ്വീകരിക്കുന്നതിന് അഭ്യര്‍ത്ഥിച്ച് യോഗം ഐക്യകണ്ഠ്യേന തീരുമാനിച്ചു.

ഉപയോഗശൂന്യമായ ടോയ്ലറ്റ് കോംമ്പ്ളക്സ് പൊളിച്ച് നീക്കുന്നതിന് വെള്ളനാട് ബ്ളോക്ക് പഞ്ചായത്ത് അസ്സി എക്സിക്യൂട്ടീവ് എഞ്ചിനിയറുടെ എസ്റ്റിമേറ്റ് അംഗീകരിച്ചു.

പദ്ധതികളുടെ ടെന്‍ഡര്‍ എ ഇ സമര്‍പ്പിത് പ്രകാരം അംഗീകരിച്ച് തീരുമാനിച്ചു.

അംഗീകരിച്ചു.

അരുവിക്കര നിയോജക മണ്ഡലം എം എല്‍ എ യുടെ ആസ്തി വികസന പദ്ധതിയില്‍ ഉള്‍പ്പെടുത്തി നിര്‍മ്മിക്കുന്ന ഹൈമാസ്റ്റ്/മിനിമാസ്റ്റ് ലൈറ്റുകള്‍ സ്ഥാപിക്കുന്നതിനുള്ള സമ്മതമറിയിക്കുന്നതിനും തീരുമാനിച്ചു.

ICDS സൂപ്പര്‍വൈസര്‍ 15.02.2023 ന് സമര്‍പ്പിച്ച 973/23 നമ്പര്‍ കത്ത് യോഗം പരിശോധിച്ചു. കത്തിലെ ആവശ്യങ്ങള്‍ വരുന്ന വാര്‍ഷിക പദ്ധതിയില്‍ പരിഗണിക്കുന്നതിന് യോഗം ഐക്യകണ്ഠ്യേന തീരുമാനിച്ചു.

2022-2023 സാമ്പത്തിക വര്‍ഷത്തെ ICDS സൂപ്പര്‍വൈസര്‍ നിര്‍വ്വഹണ ഉദ്യോഗസ്ഥയായ പ്രോജക്ട് നമ്പര്‍ 88 ന്‍റെ നിര്‍വ്വഹണവുമായി ബന്ധപ്പെട്ട്ആവശ്യമായ അങ്കണവാടികളുടെ റെന്‍റ് ഫിക്സ് ചെയ്യുന്നതിന് പി ഡബ്ള്യു ഡി അധികാരികളുമായി ബന്ധപ്പെടുന്നതിന് നിര്‍വ്വഹണ ഉദ്യോഗസ്ഥയായ ICDS സൂപ്പര്‍വൈസറെ ചുമതലപ്പെടുത്തി ഈ യോഗം ഐക്യകണ്ഠ്യേന തീരുമാനിച്ചു.

കുഴല്‍കിണര്‍ സ്ഥാപിക്കല്‍ ഇന്‍സ്പെക്ഷന്‍ ഫീസ് ഒടുക്കുന്നതിന് തീരുമാനിച്ചു.

പറണ്ടോട് എല്‍ എസ് പരിസരവാസികളുടെ അപേക്ഷ- സാങ്കേതിക പരിശോധന, സ്ഥലപരിശോധന എന്നിവക്ക് ശേഷം നടപടി സ്വീകരിക്കുന്നതിന് തീരുമാനിച്ചു.

2023/24 വാര്‍ഷിക പദ്ധതി രൂപീകരണവുമായി ബന്ധപ്പെട്ട് 21.02.2022 ന് നിര്‍വ്വഹണ ഉദ്യോഗസ്ഥരുടെ യോഗം ചേരുന്നതിന് തീരുമാനിച്ചു.

2022-2023 സാമ്പത്തിക വര്‍ഷത്തിലെ ബഡ്ജറ്റ് റിവിഷന്‍ നടത്തിയത് അംഗീകരിച്ച് യോഗം ഐക്യകണ്ഠ്യേന തീരുമാനിച്ചു.

നദീതട കമ്മറ്റി വിളിച്ച് ചേര്‍ക്കുന്നതിന് തീരുമാനിച്ചു.

വലിച്ചെറിയല്‍ മുക്ത കേരളം കാമ്പയിന്‍ വേണ്ട സ്ഥലങ്ങളില്‍ സി സി ടി വി കാമറ സ്ഥാപിക്കുുന്നന് തീരുമാനിച്ചു.

ആര്യനാട് ഗ്രാമപഞ്ചായത്തില്‍ പഞ്ചായത്തിന്‍റെ നേതൃത്വത്തില്‍ കുടുംബശ്രീ മുഖാന്തിരം ബഡ്സ് സ്കൂള്‍ സ്ഥാപിക്കുന്നതിന് നിയമാനുസൃത തുടര്‍ നടപടി സ്വീകരിക്കാന്‍ കുടുംബശ്രീ സി ഡി എസ് കമ്മറ്റിയെ ചുമതലപ്പെടുത്തി ഈ യോഗം ഐക്യകണ്ഠ്യേന തീരുമാനിച്ചു.

പറണ്ടോട് കേന്ദ്രീകരിച്ച് ജനകീയ ഹോട്ടല്‍

സോക്ക് പിറ്റ് - കമ്പോസ്റ്റ് പിറ്റ്