Meeting Manager

.

കുടുംബശ്രീ ഓണം കാര്‍ഷിക വിപണനമേള- 2023 ന്‍റെ സ്വാഗത സംഘത്തില്‍ അവതരിപ്പിച്ച് അംഗീകരിച്ച വരവ് ചെലവ് കണക്ക് അസ്സി സെക്രട്ടറി അവതരിപ്പിച്ചത് യോഗം അംഗീകരിച്ച് തീരുമാനിച്ചു.

ആര്യനാട് ഗ്രാമപഞ്ചായത്തില്‍ മീനാങ്കല്‍ വാര്‍ഡിലെ ഹെല്‍ത്ത് സബ്സെന്‍റര്‍ നിര്‍മ്മാണവുമായി ബന്ധപ്പെട്ട് പ്രളയത്തില്‍ നശിച്ചുപോയ ഹെല്‍ത്ത് സബ് സെന്‍റര്‍ നിന്ന സ്ഥലത്ത് ഹെല്‍ത്ത് ഗ്രാന്‍റ് ഉപയോഗിച്ച് നിര്‍മ്മിക്കുന്ന പുതിയ ഹെല്‍ത്ത് സബ് സെന്‍റര്‍ കെട്ടിട നിര്‍മ്മാണത്തിന്, ബന്ധപ്പെട്ട അധികാരികളില്‍ നിന്നും നിരാക്ഷേപ സാക്ഷപത്രം ലഭിക്കാത്തത് മൂലം കാലതാമസം നേരിടുന്നതായി യോഗം വിലയിരുത്തി. മേല്‍ സാഹചര്യത്തില്‍ ഹെല്‍ത്ത് സബ്സെന്‍റര്‍ നിര്‍മ്മാണത്തിന് സൌജന്യമായി ഭൂമി ലഭിക്കുന്നതിനുള്ള സാദ്ധ്യത പരിശോധിക്കുന്നതിനും സൌജന്യമായി ഭൂമി ലഭിക്കുന്നതിനുള്ള അവസ്ഥ ഇല്ല എങ്കില്‍ ടി ആരോഗ്യ സബ്സെന്‍ററിന്‍റെ പരിധിയില്‍ വരുന്ന തേവിയാര്‍ കുന്ന് പ്രദേശത്ത് സര്‍ക്കാര്‍ നിയന്ത്രണത്തിലുള്ള സ്ഥലത്ത് കെട്ടിട നിര്‍മ്മാണത്തിന് വേണ്ട തുടര്‍ നടപടി സ്വീകരിക്കുന്നതിനും ഈ യോഗം തീരുമാനിച്ചു.

ആര്യനാട് ഗ്രാമപഞ്ചായത്തില്‍ ഏഴ് സബ് സെന്‍ററുകള്‍ നിര്‍മ്മിക്കുന്നതിന് ഹെല്‍ത്ത് ഗ്രാന്‍റ് ലഭിച്ചതിന്‍റെ അടിസ്ഥാനത്തില്‍ പ്രവര്‍ത്തനങ്ങള്‍ നടന്നുവരികയാണ്. എന്നാല്‍ മാതൃ ഹെല്‍ത്ത് സെന്‍ററിന് ഠൌണ്‍ വാര്‍ഡില്‍ സി എച്ച് സി കേന്ദ്രീകരിച്ച് ബ്ളോക്ക് പഞ്ചായത്തും ഗ്രാമപഞ്ചായത്തും സംയുക്തമായി വാങ്ങിയ സ്ഥലത്ത് ടി സബ്സെന്‍റര്‍ നിര്‍മ്മാണത്തിന് ആവശ്യം വേണ്ടുന്ന സ്ഥലം ടി പ്രദേശത്തോ അനുബന്ധ പ്രദേശങ്ങളിലോ അനുവദിക്കാന്‍ ബ്ളോക്ക് പഞ്ചായത്തിനോടാവശ്യപ്പെട്ടപ്പോള്‍ അവിടെ വാഹനം പാര്‍ക്ക് ചെയ്യുന്നതിന് ലക്ഷങ്ങള്‍ മുടക്കി താല്‍ക്കാലിക ഷെഡ് പണിതിരിക്കുകയാണെന്ന് അറിയാന്‍ കഴിഞ്ഞു. നിലവില്‍ കിടത്തി ചികിത്സിക്കുന്നതിനും മറ്റ് ലാബ് സൌകര്യങ്ങള്‍ക്കും പാലിയേറ്റീവ് പ്രവര്‍ത്തനങ്ങള്‍ക്കും മാതൃ സബ് സെന്‍ററിന്‍റേത് അടക്കം കെട്ടിട സൌകര്യം മെച്ചപ്പെടുത്തുന്നതിനും വേണ്ടി മാത്രം വാങ്ങിയ സ്ഥലത്താണ് പഞ്ചായത്തിന്‍റെയോ HMC യുടേയോ അനുവാദം ലഭിക്കാതെ ടി സ്ഥലം വാങ്ങിയതിന്‍റെ ഉദ്ദേശ ലക്ഷ്യം മറന്ന് അവിടെ വാഹന പാര്‍ക്കിംഗിന് വേണ്ടി മാത്രം വിനിയോഗിച്ചത് നടപടിക്രമങ്ങള്‍ പാലിക്കാതെയുംകൂടി ആയതിനാല്‍ ടി ബ്ളോക്ക് പഞ്ചായത്തില്‍ ടി പ്രവര്‍ത്തി നടത്തുന്നതിന് നേതൃത്വം നല്‍കിയവര്‍ പഞ്ചായത്ത് രാജ് നിയമങ്ങള്‍ ലംഘിച്ചതായി മനസിലാക്കാന്‍ കഴിയുന്നു. ആയതിനാല്‍ ടി അനധികൃത നിര്‍മ്മാണം നടത്തുന്നതിലൂടെ പൊതുഘജനാവില്‍ നിന്നും പണത്തിന്‍റെ ദുര്‍വിനിയോഗവും സ്ഥലം വാങ്ങി നിര്‍മ്മാണം നടത്തുന്നതിന്‍റെ ലക്ഷ്യങ്ങള്‍ മാറ്റി ചട്ട ലംഘനവും വരുത്തിയിരിക്കുകയാണ്. പഞ്ചായത്തിന്‍റെ കൂടി അധീനതയില്‍ വാങ്ങിയ സ്ഥലത്ത് മാതൃ ഹെല്‍ത്ത് സബ്സെന്‍റര്‍ നിര്‍മ്മാണം സമയബന്ധിതമായി നടത്താനാവാത്തതിനാല്‍ പൊതുജനങ്ങള്‍ക്ക് ആരോഗ്യ സേവന രംഗത്ത് ബോധ പൂര്‍വ്വമായ തടസ്സം സൃഷ്ടിച്ചിരിക്കുകയുമാണ്. ബ്ളോക്ക് പഞ്ചായത്ത് അധികാരികളുടെ മേല്‍ സൂചിപ്പിച്ച നടപടിയും സാമ്പത്തിക ദുര്‍വിനിയോഗവും പരിശോധിച്ച് മാതൃകാപരവും നിയമപരവുമായ നടപടി സ്വീകരിക്കുന്നതിന് ബന്ധപ്പെട്ട അധികാരികളെ സമീപിക്കുന്നതിന് യോഗം തീരുമാനിച്ചു.

ആര്യനാട് ഗ്രാമപഞ്ചായത്തില്‍ ചൂഴ ഹെല്‍ത്ത് സബ്സെന്‍റര്‍ നിര്‍മ്മാണവുമായി ബന്ധപ്പെട്ട പ്രവര്‍ത്തനങ്ങള്‍ക്ക് തടസ്സം നില്‍ക്കുന്ന ഹാന്‍ഡ് റെയില്‍ നീക്കം ചെയ്യുന്നതിന് സെക്യൂരിറ്റി ഡെപോസിറ്റ് ഇനത്തില്‍ 14986 രൂപ അടവാക്കണമെന്ന് കാണിച്ച് നെടുമങ്ങാട് പൊതുമരാമത്ത് നിരത്ത് ഉപവിഭാഗം അസ്സി എഞ്ചിനിയറുടെ കാര്യാലയത്തില്‍ നിന്നുള്ള കത്ത് യോഗം പരിശോധിച്ചു. സുമനസുകളിളുടെ സംഭാവനകൂടി ഉപയോഗപ്പെടുത്തി ടി തുക സമാഹരിക്കുന്നതിന് ഈ യോഗം തീരുമാനിച്ചു.

ആര്യനാട് ഗ്രാമപഞ്ചായത്തിൽ ആര്യനാട് വില്ലേജിൽ ആര്യനാട് – മേലേച്ചിറ - കൊല്ലറം റോഡിന് സമാന്തരമായും ഉഴമലയ്ക്കൽ വില്ലേജിന്‍റെ അതിർത്തി പങ്കിടുന്നതുമായ ആര്യനാട് വില്ലേജിൽ ബ്ലോക്ക് നമ്പർ 47ൽ റിസർവേ നമ്പർ 73 /1 ൽ പെട്ട റോഡ് പുറമ്പോക്കും വില്ലേജ് രേഖകളിൽ റവന്യൂ പുറമ്പോക്ക് എന്ന് കാണുന്നതുമായ 14.70 ആർ പുറമ്പോക്ക് ഭൂമിയിൽ ആര്യനാട് ഗ്രാമപഞ്ചായത്തിന്റെ ആര്യനാട് ടൗൺ ആരോഗ്യ സബ് സെൻറർ നിർമ്മിക്കുന്നതിന് അനുവാദം നൽകുന്നതിന് ബഹു തിരുവനന്തപുരം ജില്ലാ കളക്ടർക്ക് തദ്ദേശ പൊതു സർവീസ് തിരുവനന്തപുരം ജില്ല ജോയിൻറ് ഡയറക്ടർ മുഖാന്തരം അപേക്ഷ സമർപ്പിച്ചിട്ടുള്ള വിവരവും, ടി വസ്തു സമീപ വാസിയായ ശ്രീമതി. ജലജ എന്ന സ്വകാര്യ വ്യക്തി റവന്യൂ അധികാരികളെ കബളിപ്പിച്ച് കൈവശപ്പെടുത്താൻ ശ്രമം നടത്തുന്നതുമായുള്ള വിവരം കമ്മറ്റി വിശദമായി ചർച്ച ചെയ്തു. ടി വസ്തു ആര്യനാട് ഗ്രാമപഞ്ചായത്തിന്റെ ഉടമസ്ഥതയിലുള്ള ആര്യനാട് – മേലേച്ചിറ - കൊല്ലം റോഡിൻറെ പുറമ്പോക്ക് ഭൂമിയായിട്ടുള്ളതാണെന്നും നിലവിൽ ഈ ഭൂമി ആര്യനാട് ഗ്രാമപഞ്ചായത്തിന്റെ കൈവശത്തിലും നിയന്ത്രണത്തിലുമാണെന്നും ശ്രീമതി. ജലജ ടി വസ്തുവിൽ അപകടാവസ്ഥയിൽ നിന്നിരുന്ന റബ്ബർ മരങ്ങൾ ടിയാളുടെ ജീവനും സ്വത്തിനും അപകടമാണെന്ന് കാണിച്ച് അര്യനാട് വില്ലേജില്‍ സമര്‍പ്പിച്ച പരാതി വില്ലേജ് ആഫീസർ പഞ്ചായത്തിന് കൈമാറി തന്നിട്ടുള്ളതും ടി മരങ്ങള്‍ പഞ്ചായത്തിന്റെ ചെലവിൽ മുറിച്ച് നീക്കം ചെയ്യുകയും പ്രസ്തുത റബ്ബർ തടികൾ ലേലം ചെയ്തു കൊടുത്തിട്ടുള്ളതും 2024 - 25 സാമ്പത്തിക വർഷം മുതൽ ഈ പുറമ്പോക്ക് ഭൂമിയിൽ നിൽക്കുന്ന ഫലവൃക്ഷങ്ങളിൽ നിന്ന് മേലാദായമെടുക്കുന്നതിന് ലേലം ചെയ്തു കൊടുത്തിട്ടുള്ളതുമാണെന്ന് കമ്മിറ്റി വിലയിരുത്തി. ഈ സാഹചര്യത്തിൽ റവന്യൂ വകുപ്പ് അധികാരികളെ കബളിപ്പിച്ച് ഈ വസ്തു തട്ടിയെടുക്കുന്നതിന് ടി വസ്തുവിന്റെ സമീപവാസിയും ഉഴമലയ്ക്കൽ പഞ്ചായത്തിലും ഉഴമലയ്ക്കൽ വില്ലേജിലും താമസക്കാരിയും ടിയാളുടെ കൈവശ ഭൂമി ടി പുറമ്പോക്ക് ഭൂമിയുമായി അതിർത്തി പങ്കിടുന്നു എന്ന കാരണത്താൽ ഇയാളുടെ കൈവശത്തിൽ ആണെന്ന് തെറ്റായി കാണിച്ചു മറ്റൊരു വില്ലേജിൽപ്പെട്ട വസ്തു തട്ടിയെടുക്കുവാനുള്ള നീക്കം അംഗീകരിക്കാൻ കഴിയുന്നതല്ല എന്നും ശ്രീമതി. ജലജക്ക് സ്വന്തമായി ഭൂമിയും വീടും 4 ചക്രവാഹനവും ആര്യനാട് ജംഗഷനില്‍ കച്ചവട സ്ഥാപനവും ഉള്ള ആളാണെന്നും, സര്‍ക്കാര്‍ ഭൂമി സൌജന്യമായി പതിച്ച് കിട്ടുന്നതിന് അര്‍ഹതയുള്ള ആളല്ലായെന്നും യോഗം വിലയിരുത്തി. റവന്യൂ അധികാരികള്‍ ഇക്കാര്യത്തിൽ മതിയായ അന്വേഷണവും പരിശോധനയും ഇല്ലാതെ ടി വസ്തു പതിച്ചു നൽകുന്നതിനുള്ള നടപടി സ്വീകരിക്കരുത് എന്നും സമീപവാസികളെയും പഞ്ചായത്തിനെയും നേരിൽ കേൾക്കുന്നതിനുള്ള നടപടി സ്വീകരിക്കേണ്ടതാണെന്നും പൊതുജനങ്ങളിൽ നിന്ന് ആക്ഷേപം സ്വീകരിക്കേണ്ടതാണെന്നും സർക്കാരിന്റെ ഉടമസ്ഥതയിലും പഞ്ചായത്തിന്റെ കൈവശത്തിലുമുള്ള പുറമ്പോക്ക് ഭൂമി പതിച്ചുനൽകി സർക്കാരിന് ഭീമമായ നഷ്ടം ഉണ്ടാക്കുന്നതിനുള്ള നടപടി സ്വീകരിക്കരുതെന്നും പ്രസ്തുത വസ്തു ആര്യനാട് ഗ്രാമപഞ്ചായത്തിലെ പൊതുജനങ്ങൾക്ക് ഗുണകരമാകുന്ന തരത്തിൽ ആര്യനാട് ആരോഗ്യ സബ് സെൻറർ നിർമ്മിക്കുന്നതിന് ലഭ്യമാക്കുന്നതിനുള്ള നടപടികൾക്ക് തടസ്സം വരുത്തുന്നതിനുള്ള നടപടി സ്വീകരിക്കരുത് എന്നും ബന്ധപ്പെട്ട അധികാരികളോട് അഭ്യർത്ഥിച്ചു തീരുമാനിച്ചു.

ആര്യനാട് ഗ്രാമപഞ്ചായത്തിൽ പറണ്ടോട് വാർഡിൽ ആര്യനാട് വില്ലേജിൽ ബ്ലോക്ക് നമ്പർ 48 റിസർവ്വേ നമ്പർ 329/1 ല്‍ പെട്ട 6.55 ആര്‍ പുറമ്പോക്ക് ഭൂമി ടി സ്ഥലത്തിന്‍റെ സമീപവാസിയായ വ്യക്തിക്ക് പതിച്ചു കൊടുക്കാനുള്ള നടപടി സ്വീകരിച്ചു വരുന്നത് കമ്മിറ്റി ചർച്ച ചെയ്തു. ആര്യനാട് ഗ്രാമപഞ്ചായത്തിലെ പ്രധാനപ്പെട്ട ജംഗ്ഷനുകളിൽ ഒന്നാണ് വലിയകലുങ്ക്. പറണ്ടോട് വലിയകലുങ്ക് പൊട്ടന്‍ചിറ വാർഡുകൾ സംയോജിക്കുന്ന സ്ഥലമാണ് വലിയകലുങ്ക്. ഈ പ്രദേശത്ത് പഞ്ചായത്തിന്റെ വികസന പ്രവർത്തനങ്ങൾക്ക് സ്വന്തമായി ഭൂമി ലഭ്യമല്ല. ഭൂമിക്ക് ഉയർന്ന മാർക്കറ്റ് വിലയുള്ള സ്ഥലം ആയതിനാൽ ഭൂമി വാങ്ങി വികസന പ്രവർത്തനങ്ങൾ നടത്തുന്നതിനുള്ള സാമ്പത്തിക അവസ്ഥ നിലവിൽ പഞ്ചായത്തിന് ഇല്ല. പഞ്ചായത്തിൻറെ ഗ്രാമ കേന്ദ്രവും ഗ്രാമ കേന്ദ്രത്തിനോട് അനുബന്ധിച്ചുള്ള ഗ്രാമ ലൈബ്രറിയും ആരോഗ്യ സബ് സെന്‍ററും, അംഗൻവാടിയും വാടക കെട്ടിടത്തിലാണ് പ്രവർത്തിച്ചു വരുന്നത്. ആര്യനാട് ഗ്രാമപഞ്ചായത്തിന് അനുവദിച്ചു കിട്ടിയ ഏഴ് ആരോഗ്യ സബ് സെന്‍ററുകളില്‍ ഒരെണ്ണം നിർമ്മിക്കുന്നതിന് ടി സ്ഥലം ലഭ്യമാക്കുന്നതിന് റവന്യൂ അധികാരികളോട് ആവശ്യപ്പെട്ട് നടപടികൾ നടന്നുവരുന്ന സാഹചര്യത്തില്‍ പഞ്ചായത്തിന്‍റെ അനുവാദം ചോദിക്കാതെയും ലാന്‍ഡ് അസസ്മെന്‍റ് കമ്മറ്റിയില്‍ വയ്ക്കാതെയും ടി ഭൂമി പതിച്ചു നൽകുന്നതുമായി ബന്ധപ്പെട്ട നടപടികൾ സ്വീകരിച്ചിരിക്കുന്നത്. ഗ്രാമ പഞ്ചായത്തിന്റെ വികസന പ്രവർത്തനങ്ങൾക്ക് പൊതുസ്ഥലം ലഭ്യമല്ലാത്ത സാഹചര്യത്തിലും ആരോഗ്യ സബ് സെൻറർ അടിയന്തരമായി നിർമ്മിക്കേണ്ടത് ഉള്ളതിനാലും ഗ്രാമകേന്ദ്രത്തിനും ഗ്രാമ ലൈബ്രറിക്കും മറ്റ് സാംസ്കാരിക പ്രവർത്തനങ്ങൾക്കുള്ള സ്ഥാപനങ്ങൾക്കും സ്വന്തമായി കെട്ടിടം നിർമ്മിക്കുന്നതിന് ഭൂമി ആവശ്യമുള്ളതിനാലും ഡി വസ്തു പതിച്ചു നൽകുന്നതിനുള്ള നടപടി പുന പരിശോധിക്കണമെന്നും പ്രസ്തുത വസ്തുവില്‍ 5 സെന്‍റ് ഭൂമി ആര്യനാട് ഗ്രാമപഞ്ചായത്തിലെ പൊതുജനങ്ങൾക്ക് ഗുണകരമാകുന്ന തരത്തിൽ മേല്‍പറഞ്ഞ പൊതുസ്ഥാപനങ്ങള്‍ നിർമ്മിക്കുന്നതിന് ലഭ്യമാക്കുന്നതിനുള്ള നടപടി സ്വീകരിച്ചതിന് ശേഷം ശേഷിക്കുന്ന വസ്തു പതിച്ചുനല്‍കുന്നതിനുള്ള നടപടി സ്വീകരിക്കാവൂ എന്നും ശേഷിക്കുന്ന ഭൂമി പതിച്ച് നല്‍കുന്നതിന്പഞ്ചായത്തിന് തടസ്സം ഇല്ല എന്നും ബന്ധപ്പെട്ട അധികാരികളോട് അഭ്യർത്ഥിച്ചു തീരുമാനിച്ചു.

ഹരിതകര്‍മ്മ സേനാംഗങ്ങള്‍ക്ക് യൂസര്‍ ഫീസ് നല്‍കുന്നതിന് തയ്യാറാകാത്ത സര്‍ക്കാര്‍/ മറ്റ് സ്ഥാപനങ്ങള്‍ക്കെതിരേ സര്‍ക്കാര്‍ ഉത്തരവ് പ്രകാരമുള്ള നിയനടപടികള്‍ സ്വീകരിക്കുന്നതിന് സെക്രട്ടറിയെ ചുമതലപ്പെടുത്തി ഈ യോഗം തീരുമാനിച്ചു.

ജലജന്യ രോഗങ്ങള്‍ തടയുന്നതിന്‍റെ ഭാഗമായി ഹോട്ടലുകളിലും ആഹാരം നിര്‍മ്മിക്കുന്ന മറ്റ് സ്ഥലങ്ങളിലും കര്‍ശന പരിശോധന നടത്തുന്നതിന് യോഗം തീരുമാനിച്ചു.

2023/2024 വാര്‍ഷിക പദ്ധതിയുടെ ഭാഗമായി (പ്രോ നം 20- മാലിന്യം പൊതുസ്ഥലത്ത് നിക്ഷേപിക്കുന്നവരെ കണ്ടെത്തുന്നതിന് സി സി ക്യാമറകള്‍ സ്ഥാപിക്കല്‍ ) സ്ഥാപിച്ച സി സി ടിവി ക്യാമറകള്‍ ആര്യനാട് ഗ്രാമപഞ്ചായത്തിലെ പൊട്ടന്‍ ചിറ വാര്‍ഡില്‍ പേഴും മൂട് പ്രദേശത്തും, ചേരപ്പള്ളി പ്രദേശത്തും എന്ന സ്ഥലത്തും ക്രമീകരിക്കുന്നതിന് കെല്‍ട്രോണ്‍ അധികൃതരോട് അഭ്യര്‍ത്ഥിച്ച് യോഗം തീരുമാനിച്ചു.

.

ആര്യനാട് ഗ്രാമപഞ്ചായത്തില്‍ എം ജി എന്‍ ആര്‍ ഇ ജി എസ് സെക്ഷനിലേക്ക് 2024-2025 സാമ്പത്തിക വര്‍ഷത്തേക്ക് 25 പേജുകളുള്ള 1000 M BOOK കള്‍ സര്‍ക്കാര്‍/ സര്‍ക്കാര്‍ അംഗീകൃത സ്ഥാപനങ്ങളില്‍ നിന്നും വാങ്ങുന്നതിന്/ പ്രിന്‍റ് ചെയ്യിക്കുന്നതിന് ആയതിനാവശ്യമായ തുക തനതുഫണ്ടില്‍ നിന്നും ചെലവഴിക്കുന്നതിനും എം ജി എന്‍ ആര്‍ ഇ ജി എസ് അഡ്മിന്‍ ഫണ്ട് ലഭ്യമാകുന്ന മുറക്ക് ടി തുക തനതുഫണ്ടിലേക്ക് റീകൂപ്പ് ചെയ്യുന്നതിനും ഈ യോഗം തീരുമാനിച്ചു.

ആര്യനാട് ഗ്രാമപഞ്ചായത്തില്‍ 7ാം വാര്‍ഡില്‍ അണിയിലക്കടവ് പാലത്തിന് സമീപത്തുള്ള തരിശ് ഭൂമിയില്‍ കൃഷി ചെയ്യുന്നതിന് കാട്ടാക്കട കൃഷി ബ്ളോക്കില്‍ രൂപീകരിച്ച കൃഷി ഭദ്ര ഫാര്‍മര്‍ പ്രൊഡ്യൂസേഴ്സ് ഓര്‍ഗനൈസേഷന് അനുവാദം നല്‍കണമെന്ന് ആവശ്യപ്പെട്ട് ആര്യനാട് കൃഷി ഓഫീസറുടെ കാര്യാലയത്തില്‍ നിന്നുള്ള 28/05/2024 ലെ KB-ARD-38/2024-2025 നമ്പര്‍ കത്ത് യോഗം പരിശോധിച്ചു. കൃഷി ഓഫീസറുടെ ആവശ്യം അംഗീകരിച്ചും തൊഴിലുറപ്പ് പദ്ധതിയില്‍ ഉള്‍പ്പെടുത്തി ടി സ്ഥലം കൃഷിയോഗ്യമാക്കുന്നത് സംബന്ധിച്ച് എം ജി എന്‍ ആര്‍ ഇ ജി എസ് അക്രഡിറ്റഡ് എഞ്ചിനിയറോട് അടിയന്തിര റിപ്പോര്‍ട്ട് ആവശ്യപ്പെടുന്നതിനും ഈ യോഗം തീരുമാനിച്ചു.

.

.

.

കുടുംബശ്രീ സി ഡി എസ് ചെയര്‍പേഴ്സന്‍റെ 25/05/2024 ലെ ARND/CDS/12/2024 നമ്പര്‍ കത്ത് കമ്മറ്റി പരിശോധിച്ചു. കത്തിലെ ആവശ്യത്തിനനുസൃതമായി എല്ലാ എ ഡി എസ് ഓഫീസുകളിലും നിശ്ചിത അളവില്‍ ബോര്‍ഡ് വയ്ക്കുന്നതിനും കുടുംബശ്രീ സി ഡി എസ് സംഘടിപ്പിക്കുന്ന "എന്നിടം"(റിക്രിയേഷന്‍ & കള്‍ച്ചറല്‍ സെന്‍റര്‍) പരിപാടിക്ക് മെമ്പര്‍മാരുടെ സാന്നിദ്ധ്യവും സഹകരണവും ഉറപ്പാക്കുന്നതിനും യോഗം തീരുമാനിച്ചു.

സംസ്ഥാന ബഡ്ജറ്റില്‍, വരുമാന ദയാക വ്യവസായ യൂണിറ്റായി അരുവിക്ക നിയോജക മണ്ഡലത്തില്‍ അനുവദിച്ച "അരുവിക്കര മണ്ഡലം വനിത മള്‍ട്ടി പര്‍പ്പസ് വ്യവസായ സഹകരണ സംഘം IND T 980 " എന്ന ഒരു സഹകരണ സംഘം രജിസ്റ്റര്‍ ചെയ്തിട്ടുള്ളതായും പ്രസ്തുത സംഘത്തിന്‍റെ ആസ്ഥാനം സ്ഥാപിക്കുന്നതിനായി ആര്യനാട് പഞ്ചായത്തില്‍ 20 സെന്‍റില്‍ കുറയാത്ത വസ്തുവും 1200 സ്ക്വര്‍ ഫീറ്റില്‍ കുറയാത്ത കെട്ടിടവും അനുവദിച്ച് നല്‍കണമെന്ന് കാണിച്ച് ടി സ്ഥാപനത്തില്‍ നിന്നും ലഭ്യമായ കത്ത് യോഗം പരിശോധിച്ചു. ടി കത്തിലെ ആവശ്യത്തിനനുസൃതമായി സ്ഥലം കെട്ടിടവും നല്‍കുന്നതിനുള്ള ശ്രമം നടത്തുന്നതിനും അപ്രകാരം കണ്ടെത്തുന്ന സ്ഥലത്ത് കെട്ടിട നിര്‍മ്മാണം നടക്കുന്നത് വരെ താല്‍ക്കാലികമായി കീഴ്പാലൂര്‍ കമ്മ്യൂണിറ്റി ഹാളില്‍ പ്രസ്തുത സംഘത്തിന്‍റെ ആസ്ഥാനം സ്ഥാപിക്കുന്നതിന് അനുമതി നല്‍കി വിവരം വ്യവസായ വകുപ്പ് അധികാരികളെ അറിയിക്കുന്നതിനും പഞ്ചായത്ത് കമ്മറ്റി തീരുമാനിച്ചു.

കുടുംബശ്രീ സി ഡി എസിന്‍റെ നേതൃത്വത്തില്‍ നടന്നുവരുന്ന " വിഷന്‍ ബില്‍ഡിംഗ്" എന്ന പേരില്‍ അയല്‍ക്കൂട്ട അംഗങ്ങള്‍ക്ക്പരിശീലനം നല്‍കുന്ന പരിപാടിക്കും വാര്‍ഡ് തലത്തില്‍ ബാല ശുചിത്വോത്സവം, ബാല സമിതി, ബാല പഞ്ചായത്ത് എന്നിവ സമയബന്ധിതമായി പൂര്‍ത്തിയാക്കുന്നതിനും കുടുംബശ്രീ സി ഡ് എസിന് ഭരണ സമിതിയുടെ സമ്പൂര്‍ണ പിന്തുണ നല്‍കുന്നതിന് ഈ യോഗം തീരുമാനിച്ചു.

.

2024 ലെ അന്താരാഷ്ട്ര പരിസ്ഥിതി ദിനത്തിന്‍റെ തീം ആയ "Land Restoration , Desertification, and Drought Resilience" ന് അനുസൃതമായ പ്രവര്‍ത്തനങ്ങള്‍ ആര്യനാട് ഗ്രാമപഞ്ചായത്തില്‍ സംഘടിപ്പിക്കേണ്ടതുണ്ട് എന്ന് അംഗങ്ങള്‍ അഭിപ്രായപ്പെട്ടു. ഭൂ സംരക്ഷണത്തിനും, മരുഭൂവല്‍ക്കരണം തടയുന്നതിനും വരള്‍ച്ചാപ്രതിരോധപ്രവര്‍ത്തനങ്ങള്‍ക്കും ഭൂമിയിലെ പച്ചപ്പ് കൂട്ടേണ്ടതായിട്ടുണ്ട്. ഇതിന്‍റെ ഭാഗമായി MGNREGS ആര്യനാട് സെക്ഷന്‍റെ നേതൃത്വത്തില്‍ 5000 വൃക്ഷ തൈകള്‍ തയ്യാറാക്കിയിട്ടുള്ളത് വാര്‍ഡ് ഒന്നിന് 225 എന്ന കണക്കില്‍ നട്ടുപിടിപ്പിക്കുന്നതിനും VHSC 50, HIGH SCHOOL 25 LP/UP SCHOOL 10 വീതം എന്ന നിരക്കില്‍ വൃക്ഷതൈകള്‍ വച്ച് പിടിപ്പിക്കുന്നതിനും എല്ലാ വീട്ടിലും ഒരു ഫലവൃക്ഷതൈ വീതമെങ്കിലും നട്ടുപിടിപ്പിക്കുന്നതിനും പരിസ്ഥിതി ദിനത്തോടനുബന്ധിച്ച തീമിന് അനുസൃതമായ പ്രചാരണ പരിപാടികള്‍ സംഘടിപ്പിക്കുന്നതിനും യോഗം തീരുാമാനിച്ചു.

2024 പരിസ്ഥിതി ദിനാചനണത്തിന്‍റെ ഭാഗമായും നവകേരളം കര്‍മ്മ പദ്ധതി കോഡിനേറ്ററുടെ 13.05.245 ലെ NKP/19/HKM/2023/TVPM കത്തിലെ നിര്‍ദ്ദേശത്തിനനുസൃതമായും MGNREGS സെക്ഷനുമായി യോജിച്ച് ആര്യനാട് ഗ്രാമപഞ്ചായത്തില്‍ പച്ചത്തുരുത്തുകള്‍ സ്ഥാപിക്കുന്നതിനും ആയതിനാവശ്യമായ തുടര്‍ നടപടി സ്വീകരിക്കാന്‍ എം ജി എന്‍ ആര്‍ ഇ ജി എസ് അക്രഡിറ്റഡ് എഞ്ചിനിയറെ ചുമതലപ്പെടുത്തിയും ഈ യോഗം തീരുമാനിച്ചു.

.

കൊക്കോട്ടേല ഹെല്‍ത്ത് സബ്സെന്‍റര്‍ നിര്‍മ്മാണവുമായി ബന്ധപ്പെട്ട് വാര്‍ഡ് മെമ്പറുടെ അഭിപ്രായം കൂടി കണക്കിലെടുത്ത് നിലവിലുള്ള ഹെല്‍ത്ത് സബ് സെന്‍ററിന്‍റെ മേല്‍ക്കൂര ഇളക്കിമാറ്റി പണി ചെയ്യുന്നതാണ് അഭികാമ്യം എന്ന് നിര്‍വ്വഹണ ഉദ്യോഗസ്ഥനായ LID & EW അസ്സി എഞ്ചിനിയര്‍ റിപ്പോര്‍ട്ട് ചെയ്തത് കമ്മറ്റി പരിശോധിച്ചു. ബന്ധപ്പെട്ട വാര്‍ഡ് മെമ്പറുടെ അഭിപ്രായവും LID & EW അസ്സി എഞ്ചിനിയറുടെ റിപ്പോര്‍ട്ടും പരിഗണിച്ച് നിലവിലുള്ള കെട്ടിടത്തിന്‍റെ മേല്‍ക്കൂരയും തൊട്ടടുത്ത് നില്‍ ക്കുന്ന ഗ്രാമകേന്ദ്രത്തിന്‍റെ പടിയും പൊളിച്ച്മാറ്റുന്നതിനുള്ള വാല്യുവേഷന്‍ അടിയന്തിരമായി തയ്യാറാക്കുന്നതിന് നിര്‍വ്വഹണ ഉദ്യോഗസ്ഥനെ ചുമതലപ്പെടുത്തി ഈ യോഗം തീരുമാനിച്ചു.

ആര്യനാട് ഗ്രാമപഞ്ചായത്ത് സെക്രട്ടറി ഔദ്യോഗിക കൃത്യനിര്‍വ്വഹണത്തിന്‍റെ ഭാഗമായി യാത്രകള്‍ നടത്തിയതിന് ചട്ടപ്രകാരം അനുവദനീയമായ യാത്രാബത്ത ഈ യോഗം വായിച്ച് അംഗീകരിച്ചു.

ആര്യനാട് ഗ്രാമപഞ്ചായത്ത് ജീവനക്കാര്‍ ഔദ്യോഗിക കൃത്യനിര്‍വ്വഹണത്തിന്‍റെ ഭാഗമായി യാത്രകള്‍ നടത്തിയതിന് ചട്ടപ്രകാരം അനുവദനീയമായ യാത്രാബത്ത ഈ യോഗം വായിച്ച് അംഗീകരിച്ചു.

.

ആര്യനാട് ഗ്രാമപഞ്ചായത്തില്‍ കാലവര്‍ഷ കെടുതിയില്‍ പൊതുമരാമത്ത് പ്രവര്‍ത്തികള്‍ക്ക് കേടുപാടുകള്‍ സംഭവിച്ചിട്ടുണ്ടെങ്കില്‍ പരിശോധിച്ച് അടിയന്തിര തുടര്‍ നടപടി സ്വീകരിക്കുന്നതിന് LID & EW അസ്സി എഞ്ചിനിയറെ ചുമതലപ്പെടുത്തി ഈ യോഗം തീരുമാനിച്ചു.

.

ആര്യനാട് ഗ്രാമപഞ്ചായത്തില്‍ വെള്ളനാട് ചെറ്റച്ചല്‍ റോഡിന്‍റെ ഭാഗമായ കാഞ്ഞിരം മൂട് ജംഗ്ഷനില്‍ നിന്നും ഏകദേശം 50 മീറ്റര്‍ മാറി തോട്ടില്‍ നിന്നും കലുങ്കിലേക്ക് വെള്ളം പ്രവേശിക്കുന്ന ഭാഗത്ത് വെള്ളക്കെട്ട് നിലവിലുള്ളതായി വാര്‍ഡ് മെമ്പര്‍ അഭിപ്രായപ്പെട്ടു. പൊതുജനങ്ങള്‍ക്ക് ബുദ്ധിമുട്ടുണ്ടാക്കുന്ന ടി വെള്ളക്കെട്ടിന് പരിഹാരം കാണുന്നതിന് റിക്ക് അധികാരികളോട് അഭ്യര്‍ത്ഥിച്ച് ഈ യോഗം തീരുമാനിച്ചു.

ആര്യനാട് ഗ്രാമപഞ്ചായത്തില്‍ തേവിയാരുന്ന് ട്രൈബല്‍ എല്‍ പി സ്കൂളില്‍ 7 അക്വേഷ്യ വ വൃക്ഷങ്ങള്‍ അപകടാവസ്ഥയില്‍ നില്‍ക്കുന്നതായും ആയത് നീക്കം ചെയ്യുന്നതിസ് പി റ്റി എ ഫണ്ട് ലഭ്യമല്ല എന്നും ഹെഡ്മാസ്റ്റര്‍ റിപ്പോര്‍ട്ട് ചെയ്തത് കമ്മറ്റി പരിശോധിച്ചു. പരിശോധനയില്‍ ഹെഡ്മാസ്റ്റര്‍ റിപ്പോര്‍ട്ട് ശരിയാണെന്ന് പഞ്ചായത്ത് കമ്മറ്റിക്ക് ബോധ്യപ്പെട്ട സാഹചര്യത്തില്‍ ഒന്ന് മുതല്‍ ഏഴ് വരെ നമ്പര്‍ രേഖപ്പെടുത്തിയ മരങ്ങള്‍ മുറിച്ച് മാറ്റുന്നതിനുള്ള എസ്റ്റിമേറ്റ്/ വാല്യുവേഷന്‍ ലഭ്യമാക്കാന്‍ സോഷ്യല്‍ ഫോറസ്ട്രി അധികൃതരോട് അഭ്യര്‍ത്ഥിച്ചും ആയതിനനുസൃതമായി ലേല നടപടി കൈക്കൊള്ളുന്നതിന് പഞ്ചായത്ത് സെക്രട്ടറിയെ ചുമതലപ്പെടുത്തിയും യോഗം തീരുമാനിച്ചു.

സംസ്ഥാന സ്കൂള്‍ പ്രവേശനോത്സവത്തോടനുബന്ധിച്ച് ജില്ലാ പ്രവേശനോത്സവം മീനാങ്കല്‍ ട്രൈബല്‍ ഹൈസ്കൂളില്‍ വച്ച് നടക്കുന്ന സാഹചര്യം യോഗം പരിശോധിച്ചു. പ്രസ്തുത പ്രവേശനോത്സവത്തിന് ഭരണസമിതിയുടെ ഭാഗത്തുനിന്നും പിന്തുണ നല്‍കുന്നതിനും, ഇതോടൊപ്പം പഞ്ചായത്ത് പ്രവേശനോത്സവം കൂടി നടത്തുന്നതിനാല്‍ ആയതിന് നിയമപരിധിക്കുള്ളില്‍ നിന്ന് വേണ്ടുന്ന സാമ്പത്തിക സഹായം നല്‍കുന്നതിനും പ്രവേശനോത്സവത്തോടനുബന്ധിച്ച വിവിധ പ്രവര്‍ത്തനങ്ങള്‍ സൂക്ഷ്മമായി വിലയിരുത്തുന്നതിന് ആരോഗ്യ വിദ്യാഭ്യാസ സ്റ്റാന്‍ഡിംഗ് കമ്മറ്റിയെ ചുമതലപ്പെടുത്തിയും ഈ യോഗം തീരുമാനിച്ചു.

ആര്യനാട് ഗ്രാമപഞ്ചായത്തില്‍ അപകടകരമായ വൃക്ഷങ്ങള്‍ നീക്കം ചെയ്യുന്നതിന് കേരള പഞ്ചായത്ത് രാജ് ചട്ടങ്ങളും അനുബന്ധ ഉത്തരവുകളും പ്രകാരമുള്ള നിയമപരമായ തുടര്‍ നടപടി സ്വീകരിക്കുന്നതിന് യോഗം സെക്രട്ടറിയെ ചുമതലപ്പെടുത്തി തീരുമാനിച്ചു.,

ആര്യനാട് ഗ്രാമപഞ്ചായത്തിലെ സ്വകാര്യ ഭൂമിയില്‍ അപകടകരമായ അവസ്ഥയില്‍ നില്‍ക്കുന്ന വൃക്ഷങ്ങള്‍ വെട്ടിമാറ്റുന്നതുമായി ബന്ധപ്പെട്ട് പരസ്യ പ്രചാരണം നടത്തുന്നതിനും അപകടകരമായ അവസ്ഥയില്‍ നില്‍ക്കുന്ന വൃക്ഷങ്ങള്‍ വെട്ടിമാറ്റാത്തവരുടെമേല്‍ കര്‍ശന നിയമനടപടികള്‍ സ്വീകരിക്കുന്നതിനും യോഗം തീരുമാനിച്ചു.

ആര്യനാട് ഗ്രാമപഞ്ചായത്തില്‍ ഇറവൂര്‍ വാര്‍ഡില്‍ ഏറെപുളിമൂട് ഭാഗത്ത് പൊതുമരാമത്തിന്‍റെ ഉടമസ്ഥതയിലുള്ള പുറമ്പോക്ക് ഭൂമിയില്‍ അപകടാവസ്ഥയില്‍ നില്‍ക്കുന്ന രണ്ട് ആഞ്ഞിലി വൃക്ഷങ്ങള്‍ മുറിച്ച്മാറ്റണമെന്നാവശ്യപ്പെട്ട് നാട്ടുകാര്‍ നല്‍കിയ പരാതിയിന്‍മേല്‍ പഞ്ചായത്ത് നടത്തിയ അന്വേഷണത്തില്‍ ആയത് ശരിയാണെന്ന് പഞ്ചായത്തിന് ബോധ്യപ്പെട്ടിട്ടുണ്ട്. പൊതുമരാമത്തിന്‍റെ ഉടമസ്ഥതയിലുള്ള സ്ഥലമായതിനാല്‍ ടി മരങ്ങള്‍ മുറിച്ച് മാറ്റി അപകടാവസ്ഥ ഒഴിവാക്കുന്നതിന് പൊതുമരാമത്ത് വകുപ്പിന് മാത്രമേ സാധിക്കൂ എന്നും കമ്മറ്റി വിലയിരുത്തി. മേല്‍ സാഹചര്യത്തില്‍ മരങ്ങള്‍ മുറിച്ച് മാറ്റി അപകടാവസ്ഥ ഒഴിവാക്കുന്നതിന് സത്വര തുടര്‍ നടപടി സ്വീകരിക്കാന്‍ പൊതുമരാമത്ത് വകുപ്പിനോട് അഭ്യര്‍ത്ഥിച്ച് ഈ യോഗം തീരുമാനിച്ചു.

ആര്യനാട് ഗ്രാമപഞ്ചായത്തില്‍ പഞ്ചംതാങ്ങി കടവില്‍ പൊതുജനങ്ങളുടെ ജീവന് ഭീഷണി ഉയര്‍ത്തി നില്‍ക്കുന്ന ആഞ്ഞിലി വൃക്ഷം സോഷ്യല്‍ ഫോറസ്ട്രി അധികൃതരുടെ വാല്യുവേഷന്‍, 28.310.23 ലെ7(10) നമ്പര്‍ പഞ്ചായത്ത് കമ്മറ്റി തീരുമാനം എന്നിവക്കനുസൃതമായി ലേലം ചെയ്തിരുന്നു. എന്നാല്‍ ഏറ്റവും ഉയര്‍ന്ന തുകക്ക് ലേലം വിളിച്ചയാള്‍ വിളിച്ച തുക നാളിതുവരെ അടവാക്കുന്നതിന് തയ്യാറായിട്ടില്ല. മേല്‍ സാഹചര്യത്തില്‍ മരം വീണ്ടും ലേലം ചെയ്യുന്നതിനും പുനര്‍ലേലം ചെയ്യുമ്പോള്‍ മുന്‍ പഞ്ചായത്ത് കമ്മറ്റി തീരുമാനപ്രകാരം ലേലം ഉറപ്പിച്ച തുകയേക്കാള്‍ കുറഞ്ഞ തുകക്ക് മാത്രം ലേലം ഉറപ്പിക്കുന്ന സാഹചര്യം ഉണ്ടായാല്‍ മുന്‍ പഞ്ചായത്ത് കമ്മറ്റി തീരുമാനപ്രകാരം ലേലം ഉറപ്പിച്ച വ്യക്തിയില്‍ നിന്നും ബാലന്‍സ് തുക ഈയാക്കുന്നതിന് നിയമപരമായ തുടര്‍ നടപടി സ്വീകരിക്കുന്നതിനും ഈ യോഗം തീരുമാനിച്ചു.

.

.

.

പറണ്ടോട് യു പി എസ് സ്കൂളിന്‍റെ ചുറ്റുമതില്‍ അപകടാവസ്ഥയിലാണെന്ന് കാണിച്ച് ഹെഡ്മിസ്ട്രസ് സമര്‍പ്പിച്ച അപേക്ഷ LID & EW അസ്സി എഞ്ചിനിയറുടെ കാര്യാലയത്തില്‍ നിന്നുള്ള റിപ്പോര്‍ട്ട് എന്നിവ യോഗം പരിശോധിച്ചു . ചുറ്റുമതില്‍ അടിയന്തിരമായി പൊളിച്ച് പണിയേണ്ടതുണ്ടെന്നും ചുറ്റുമതില്‍ പണിയുന്നത് വരെ കുട്ടികളുടെ പ്രവേശനം തടയണമെന്നും LID & EW അസ്സി എഞ്ചിനിയര്‍ റിപ്പോര്‍ട്ട് ചെയ്തിരിക്കുന്നു. ഇത്തരത്തില്‍ അപകടാവസ്ഥയിലുള്ള മതിലിന്‍റെ അപകടാവസ്ഥ മാറ്റുന്നതിന് PTA കമ്മറ്റിയെ ചുമതലപ്പെടുത്തിയും ആയതിന് മേല്‍നോട്ടം വഹിക്കുന്നതിന് LID & EW അസ്സി എഞ്ചിനിയറെ ചുമതലപ്പെടുത്തിയും ആയതിന് വേണ്ടുന്ന തുക പഞ്ചായത്ത് കമ്മറ്റി വഹിക്കുന്നതിനും ഈ യോഗം തീരുമാനിച്ചു.

വലിയകലുങ്ക് യുപി സ്കൂളില്‍ SSK ഫണ്ട് ഉപയോഗിച്ച് നടത്തിയിട്ടുള്ള നിര്‍മ്മാണ പ്രവര്‍ത്തികളുടെ ഗുണമേന്‍മയില്‍ പരിശോധന ആവശ്യമാണെന്ന് 16ാം വാര്‍ഡ് മെമ്പര്‍ ആവശ്യം ഉന്നയിച്ച സാഹചര്യത്തില്‍ ടി വിഷയത്തിലെ നിജസ്ഥിതി മനസിലാക്കി പഞ്ചായത്ത് കമ്മറ്റി മുമ്പാകെ റിപ്പോര്‍ട്ട് ലഭ്യമാക്കുന്നതിന് ആരോഗ്യ വിദ്യാഭ്യാസ സ്റ്റാന്‍ഡിംഗ് കമ്മറ്റിയേയും ആയതിനാവശ്യമായ സാങ്കേതിക സഹായം നല്‍കുന്നതിന് LID & EW അസ്സി എഞ്ചിനിയറേയും ചുമതലപ്പെടുത്തി ഈ യോഗം തീരുമാനിച്ചു.

.

.

2024/2025 സാമ്പത്തിക വര്‍ഷം വിദ്യാവാഹിനി പദ്ധതി നടപ്പിലാക്കുന്നതിന് സ്കൂള്‍ വാഹനം ഉപയോഗിക്കാന്‍ അനുമതി തേടി തേവിയാരുകുന്ന് ട്രൈബല്‍ എല്‍ പി എസ് ഹെഡ് മാസ്റ്റര്‍ ലഭ്യമാക്കിയ കത്ത് പഞ്ചായ.ത്ത് കമ്മറ്റിയുടെ പരിശോധിച്ചു. സ.ഉ((സാധാ) 415/2023/SCSTD DTD 30/03/23 , നെടുമങ്ങാട് ട്രൈബല്‍ എക്സ്റ്റന്‍ഷന്‍ ഓഫീസറുടെ 06/05/24 ലെ റ്റി.ഇ.ഒ/എന്‍.ഡി.ഡി/12/24 നമ്പര്‍ കത്ത് എന്നിവക്കനുസൃതമായി നിര്‍വ്വഹണ ഉദ്യോഗസ്ഥന്‍റെ കത്തിലെ ആവശ്യം അംഗീകരിച്ച് ഈ യോഗം തീരുമാനിച്ചു.

2023/2024 സാമ്പത്തിക വര്‍ഷത്തെ വെള്ളനാട് ബ്ളോക്ക് പഞ്ചായത്തിന്‍റെ വാര്‍ഷിക പദ്ധതിയില്‍ ഉള്‍പ്പെട്ട " പ്രോ നം 198/പള്ളിവേട്ട അങ്കണവാടിക്ക് ടോയ്ലറ്റ് നിര്‍മ്മാണം എന്ന പ്രവര്‍ത്തിക്ക് " NOC അനുവദിക്കണമെന്ന് കാണിച്ച് വെള്ളനാട് അസ്സി എക്സിക്യൂട്ടിവ് എഞ്ചിനിയര്‍ ലഭ്യമാക്കിയ കത്ത് പഞ്ചായത്ത് കമ്മറ്റിയുടെ പരിഗണിച്ച് NOC അനുവദിക്കുന്നതിന് സെക്രട്ടറിയെ ചുമതലപ്പെടുത്തി തീരുമാനിച്ചു.

ആര്യനാട് ഗ്രാമപഞ്ചായത്തില്‍ വലിയ കലുങ്ക് വാര്‍ഡില്‍, ചേരപ്പള്ളി- ഐത്തി റോഡില്‍ നില്‍ക്കുന്ന മരം മുറിച്ച് മാറ്റണമെന്ന് കാണിച്ച് ലഭ്യമായ ഹര്‍ജി, എന്ന LID & EW അസ്സി എഞ്ചിനിയറുടെ റിപ്പോര്‍ട്ട്, സോഷ്യല്‍ ഫോറസ്ട്രി വകുപ്പിന്‍റെ ശുപാര്‍ശ എന്നിവ പഞ്ചായത്ത് കമ്മറ്റിയുടെ പരിശോധിച്ചു. മരം അപകടാവസ്ഥയിലുള്ളതല്ല എന്ന സോഷ്യല്‍ ഫോറസ്ട്രി വകുപ്പ് അധികൃതരുടെ ശുപാര്‍ശ പരിഗണിച്ച് മരം മുറിച്ച് മാറ്റേണ്ടതില്ല എന്ന് യോഗം തീരുമാനിച്ചു.

.

.

.

.