.

ബഹു. സര്‍ക്കാരിന്റെ 12.09.23 ലെ സ.ഉ(സാധാ) നം1803/20223/തസ്വഭവ നമ്പര്‍ ഉത്തരവ് കമ്മറ്റി വിശദമായി ചര്‍ച്ച ചെയ്തു. ആര്യനാട് ഗ്രാമപഞ്ചായത്ത് 74 ച. കി. മി. വിസ്തൃതിയുള്ള മലയോര ഗ്രാമമാണ്. പരാതി അന്വേഷണം, അപേക്ഷകളിന്‍മേലുള്ള അന്വേഷണം, നികുതി പിരിവ്, മാലിന്യ സംസ്ക്കരണ/പരിപാലന പ്രക്രിയകള്‍, പ്രകൃതി ക്ഷോഭ-ദുരന്ത നിവാരണം മുതലായ പ്രവര്‍ത്തനങ്ങള്‍ ഏകോപിപ്പിക്കുന്നതിന് വളരെയേറെ ബുദ്ധിമുട്ട് പഞ്ചായത്ത് അനുഭവിക്കുന്നുണ്ട്. കൂടാതെ ആര്യനാട് ഗ്രാമപഞ്ചായത്ത് അരുവിക്കര നിയോജക മണ്ഡലത്തിന്റെ കേന്ദ്രമായതിനാല്‍ സര്‍ക്കാരിന്റെ വിവിധമായ പ്രവര്‍ത്തനങ്ങളുടെ നടത്തിപ്പ് കേന്ദ്രമായും ആയതിന്റെ ഉത്തരവാദിത്വവും ഏറ്റെടുത്ത് നടപ്പിലാക്കുന്ന സ്ഥാപനമായും ആര്യനാട് ഗ്രാമപഞ്ചായത്ത് മാറാറുണ്ട്. മലയോര പ്രദേശമായതുകൊണ്ടുതന്നെ പഞ്ചായത്തിന്റെ ബഹുഭൂരിപക്ഷം പ്രദേശങ്ങളും പൊതുഗതാഗത സംവിധാനങ്ങള്‍ ഇല്ലാത്ത പ്രദേശങ്ങളാണ്. ജീവനക്കാരുടെ കുറവ് ജനങ്ങള്‍ക്ക് യഥാസമയം സേവനം നല്‍കുന്നതിന് തടസ്സമാകുന്നു. നിലവില്‍ മൂന്ന് സീനിയര്‍ ക്ലർക്കുമാര്‍ മാത്രമാണ് പഞ്ചായത്തില്‍ സേവനം ചെയ്യുന്നത്. ജീവനക്കാരുടെ കുറവുകാരണം ജനങ്ങള്‍ക്ക് മെച്ചപ്പെട്ട സേവനം നല്‍കാന്‍ കഴിയാതെ വരുകയും ഒപ്പം നിലവിലുള്ള ജീവനക്കാര്‍ക്ക് അവരുടെ ജോലികള്‍ ജോലിഭാരം നിമിത്തം യഥാസമയം ചെയ്യാന്‍ കഴിയാതെ വരുന്നുതുമാണ്. ഇതിന് പരിഹാരമുണ്ടാക്കുന്നതിന് മേല്‍ സര്‍ക്കാര്‍ ഉത്തരവ് പ്രകാരം മുന്‍ പഞ്ചായത്ത് വകുപ്പിലെ പെര്‍ഫോമൻസ് യൂണിറ്റുകള്‍ നിര്‍ത്തലാക്കിയതിന്റെ ഭാഗമായി അധികമായി വന്ന ജീവനക്കാരെ ജോലിഭാരമുള്ള പഞ്ചായത്തിലേക്ക് വിന്യസിക്കുന്നതിന് സര്‍ക്കാര്‍ തീരുമാനം എടുത്തിട്ടുള്ള സാഹചര്യത്തില്‍ ആര്യനാട് ഗ്രാമപഞ്ചായത്തിന്റെ ഭൂപ്രകൃതിയും യാത്രാക്ലേശവും ജോലിഭാരവം കണക്കിലെടുത്ത് സീനിയര്‍ ക്ലർക്കിന്റെ ഒരു തസ്തിക അനുവദിക്കണമെന്നും അപ്രകാരം തസ്തിക അനുവദിക്കുന്ന സാഹചര്യത്തില്‍ പില്‍ക്കാലത്ത് പഞ്ചായത്തിന്റെ തനതുഫണ്ടില്‍ നിന്നും ശമ്പളം കൊടുക്കേണ്ട സാഹചര്യം ഉണ്ടായാല്‍ ആയതിന് പഞ്ചായത്ത് തയ്യാറാണെന്നും സീനിയര്‍ ക്ലർക്ക് തസ്തിക ആര്യനാട് ഗ്രാമപഞ്ചായത്തിന് അനുവദിക്കണമെന്നും ബന്ധപ്പെട്ട അധികാരികളോട് അഭ്യര്‍ത്ഥിച്ചും ഈ യോഗം ഐകകണ്ഠേന തീരുമാനിച്ചു.