അംഗീകരിച്ചു.

ആര്യനാട് ഗ്രാമപഞ്ചായത്തിൽ ശ്യാമപ്രസാദ് മുഖർജി നാഷണൽ മിഷൻ പദ്ധതിയിൽ ഉൾപ്പെടുത്തി 3 കോടി 50 ലക്ഷം രൂപ വകയിരുത്തി ഏറ്റെടുത്തിട്ടുള്ള പദ്ധതിയാണ് തേവിയാരുകുന്ന് വാട്ടർ സപ്ലൈ പ്രോജക്ട്. പ്രസ്തുത പദ്ധതി തേവിയാരുകുന്നിലും ആറ്റുമുക്ക് പ്രദേശത്തും ആയിട്ടാണ് നടപ്പിലാക്കുന്നത്. കരമനയാറിനോട് ചേർന്നുള്ള ആറ്റുമുക്ക് എന്ന സ്ഥലത്ത് കിണർ, ഫിൽട്രേഷൻ ഗ്യാലറി, പൈപ്പ് ലേയിംഗ് എന്നിവയും. തേവിയാരുകുന്നിലെ ഉയർന്ന പ്രദേശത്ത് 5 ലക്ഷം കപ്പാസിറ്റിയുള്ള ടാങ്കും നിർമ്മിച്ച്, പ്രസ്തുത ടാങ്കിലേക്ക് കരമനയാറ്റിൽ നിന്നും ശുദ്ധീകരിച്ച വെള്ളം എത്തിക്കുകയും തുടര്‍ന്ന് കുടിവെള്ള ക്ഷാമം അനുഭവപ്പെടുന്ന എസ്. ടി മേഖലകളിലേക്ക് ശുദ്ധമായ കുടിവെള്ളമെത്തിക്കുകയുമാണ് പദ്ധതിയുടെ ലക്ഷ്യം. ആയത് പ്രകാരം കരമനയാറ്റിൽ നിന്ന് വെളളം തേവിയാർ കുന്നിൽ വാട്ടർ ടാങ്ക് പ്രദേശത്ത് എത്തിയ്ക്കാൻ കരമനയാറ്റിനു സമീപം താമസ്സക്കാരനായ സലിൽ പഞ്ചായത്തിന് സമ്മതപത്രം നൽകുകയും തുടർന്ന് പദ്ധതി നടപ്പിലാക്കാൻ 12/05/2020 തീയതിയിലെ G3/1716/2020 ഈ നമ്പർ ഉത്തരവ് പ്രകാരം ഡിവിഷണൽ ഫോറസ്റ്റ് ഓഫീസറുടെ അനുമതിയും ലഭിച്ചിരുന്നു. എന്നാൽ ഫോറസ്റ്റ് അനുവാദം നൽകിയിട്ടും ശ്രീ.സലിൽ തടസ്സമായി നിന്നതിനാൽ യഥാവിധി പ്രസ്തുത പദ്ധതി മുന്നോട്ടു കൊണ്ടു പോകാൻ സാധിച്ചില്ല. ആയതിനാൽ പൊതുജനങ്ങൾക്ക് വളരെ ഉപകാരപ്രദമായ ഈ പദ്ധതി നടപ്പിലാക്കുന്നതിന് പ്രസ്തുത അനുമതി ഉത്തരവ് പുതുക്കി നൽകണമെന്ന് ബഹു. തിരുവനന്തപുരം ഡിവിഷൻ ഫോറസ്റ്റ് ഓഫീസറോട് അഭ്യർത്ഥിച്ചു തീരുമാനിച്ചു.