ആര്യനാട് ഗ്രാമ പഞ്ചായത്തില്‍ 2020 -21 വര്‍ഷം എല്‍ എസ് ജി ഡി അസിസ്റ്റന്റ് എന്‍ജിനിയര്‍ നിര്‍വഹണ ഉദ്യോഗസ്ഥനായി ഏറ്റെടുത്ത് 20/05/2020 തീയതി തുറന്ന് പരിശോധിച്ച പ്രവൃത്തികള്‍ പഞ്ചായത്ത് കമ്മറ്റി ചര്‍ച്ച ചെയ്തു. കഴിഞ്ഞ സാമ്പത്തിക വര്‍ഷങ്ങളില്‍ ഗ്രാമ പഞ്ചായത്തിലെ പ്രവൃത്തികള്‍ ഏറ്റെടുത്തിട്ട് പൂര്‍ത്തീകരിക്കാതെ പദ്ധതി തുക നഷ്ടമാകുന്നതിന് കാരണമായ കരാറുകാര്‍ ടി ടെണ്ടറില്‍ കുറഞ്ഞ തുക ക്വാട്ട് ചെയ്തിട്ടുണ്ട് എങ്കില്‍ ടി കരാറുകാരുടെ ടെണ്ടര്‍ അംഗീകരിച്ച് നല്‍കണ്ട എന്നും ടി പ്രവൃത്തികള്‍ റീ ടെണ്ടര്‍ ചെയ്യാനും റീ ടെണ്ടര്‍ ചെയ്യുമ്പോള്‍ ടെണ്ടര്‍ ഫോം നല്‍കണ്ട എന്നും ഭരണസമിതിയുടെ 27/05/2020 ലെ II(3) നമ്പര്‍ തീരുമാന പ്രകാരം തീരുമാനമെടുത്തിരുന്നു. എന്നാല്‍ ആയതിനു ശേഷം ഗ്രാമ പഞ്ചായത്ത് പ്രസിഡന്റ്, വൈസ് പ്രസിഡന്റ് , സ്റ്റാന്‍ഡിംഗ് കമ്മറ്റി ചെയര്‍മാന്‍മാര്‍ , സെക്രട്ടറി, എല്‍ എസ് ജി ഡി അസ്സിസ്റ്റന്റ് എന്‍ജിനിയര്‍ എന്നിവര്‍ കരാറുകാരുമായി നടത്തിയ ചര്‍ച്ചയില്‍ കാലാവസ്ഥയും , കോവിഡ് മഹാമാരിയും ചില സൈറ്റുകളില്‍ ഉണ്ടായ പ്രശ്നങ്ങളും കാരണമാണ് ഏറ്റെടുത്ത പ്രവൃത്തികള്‍ പൂര്‍ത്തീകരിക്കാന്‍ കഴിയാത്തത് എന്നുള്ള കാര്യം തിരിച്ചറിഞ്ഞ് തങ്ങള്‍ക്ക് മേല്‍ ഉള്ള ടെണ്ടര്‍ നിരോധനം ഒഴുവാക്കിയും ഏറ്റെടുത്ത പ്രവൃത്തികള്‍ പൂര്‍ത്തീകരിക്കാന്‍ ഉള്ള അവസരവും നല്‍കണമെന്നും എന്നറിയിച്ചിരുന്നു. ടി വിഷയം ചര്‍ച്ച ചെയ്ത പഞ്ചായത്ത് കമ്മറ്റി കരാറുകാരുടെ ടി അപേക്ഷ പരിഗണിച്ച് ടി കരാറുകാരുടെ ടെണ്ടര്‍ അംഗീകരിച്ച് നല്‍കുന്നതിനും പുതിയ ടെണ്ടര്‍ നടക്കുമ്പോള്‍ ആയതില്‍ പങ്കെടുപ്പിക്കുന്നതിനും തീരുമാനിച്ചു