ആര്യനാട് ഗ്രാമപഞ്ചായത്തില്‍ പാലൈക്കോണം വാര്‍ഡില്‍ പ്രവര്‍ത്തിക്കുന്ന ഗണപതി സാമില്‍ എന്ന സ്ഥാപനം 18-19 സാമ്പത്തിക വര്ഷം ലൈസന്‍സ് പുതുക്കി നല്‍കുന്നതിന് 06/03/2018 ന് അപേക്ഷ സമര്‍പ്പിച്ചിരുന്നു. ടി അപേക്ഷ കമ്മറ്റിയില്‍ സമര്‍പ്പിക്കുകയും 25/06/2018 ലെ കമ്മറ്റി പൊതുജനങ്ങളുടെ പരാതി നിലനില്‍ക്കുന്നതിനാല്‍ ടി സ്ഥാപനത്തിന് ലൈസന്‍സ് അനുവദിക്കേണ്ട എന്ന് തീരുമാനിച്ചു. 30/07/2018 ല സുലോചന ഗണപതിയാംകുഴി വീട്, കാഞ്ഞിരംമൂട് എന്ന വ്യക്തി ടി സ്ഥാപനത്തിനെതിരെ പഞ്ചായത്തില്‍ സമര്‍പ്പിച്ച പരാതി വ്യാജമാണെന്നും ടി പരാതി പോലീസ് സ്റ്റേഷനിലേക്ക് കൈമാറണമെന്നും സെക്രട്ടറിയോട് അപേക്ഷിച്ചിരുന്നു.07/08/2018 ല്‍ ടി വ്യക്തി തന്റെ അപേക്ഷ പരിഗണിക്കണമെന്ന് വീണ്ടും സെക്രട്ടറിക്ക് അപേക്ഷ നല്‍കി. 30/07/2018 ലെ അപേക്ഷയും 07/08/2018 ലെ അപേക്ഷയും സെക്രട്ടറി 30/08/2018 ലെ പഞ്ചായത്ത്‌ കമ്മറ്റിയില്‍ ഹാജരാക്കി, മലിനീകരണ നിയന്ത്രണ ബോര്‍ഡിന്റെയും വനം വകുപ്പിന്റെയും അനുമതി ഹാജരാക്കിയിട്ടുള്ളതിനാല്‍ ലൈസന്‍സ് അനുവദിക്കാതിരിക്കാന്‍ നിര്‍വ്വാഹമില്ല എന്ന് സെക്രട്ടറി കമ്മറ്റിയെ അറിയിച്ചു. ടി വിഷയം പരിശോധിച്ച പഞ്ചായത്ത്‌ കമ്മറ്റി, തടികള്‍ പൊതുജനങ്ങള്‍ക്കോ വാഹനങ്ങള്‍ക്കോ യാത്രാതടസം ഉണ്ടാകുന്ന രീതിയില്‍ റോഡിലേക്ക് ഇറക്കിയിടില്ല എന്ന് സ്ഥാപന ഉടമയില്‍ നിന്നും മുദ്രപ്പത്രത്തില്‍ സത്യവാങ്മൂലം ഹാജരാക്കുന്ന മുറക്ക് ടി സ്ഥാപനത്തിന് ലൈസന്‍സ് അനുവദിക്കാന്‍ സെക്രട്ടറിയെ ചുമതലപ്പെടുത്തി തീരുമാനിച്ചു.