ആര്യനാട് ഗ്രാമപഞ്ചായത്തിലെ ചൂഴ കിഴക്കുംകര പുത്തന്‍ വീട്ടില്‍ ശ്രീ സുനില്‍ കുമാര്‍, ചൂഴ - മഞ്ചിറ റോഡ്‌ കോണ്‍ക്രീറ്റുമായി ബന്ധപ്പെട്ട് പുറമ്പോക്ക് കയ്യേറ്റം നടത്തിയിട്ടുണ്ട് എന്ന് കാണിച്ച് ബഹുമാനപ്പെട്ട തദ്ദേശ സ്വയംഭരണ സ്ഥാപനങ്ങള്‍ക്ക് വേണ്ടിയുള്ള ഓംബുഡ്സ്മാന്‍ മുമ്പാകെ OP/467/17 പ്രകാരം ഫയല്‍ ചെയ്ത കേസിന്മേല്‍ 21/04/2017 ലെ V(10) നമ്പര്‍ തീരുമാന പ്രകാരം ബ്ലോക്ക് നമ്പര്‍ 47 ല്‍ റീസര്‍വ്വേ നമ്പര്‍ 396/3, 397/14 തുടങ്ങിയ സര്‍വ്വേ നമ്പറുകളോട് ചേര്‍ന്നു കിടക്കുന്ന പുറമ്പോക്ക് വഴി മുഴുവനും അളന്നു തിട്ടപ്പെടുത്തി പഞ്ചായത്തിന്റെ അധീനതയില്‍ കൊണ്ട് വരാന്‍ തീരുമാനിച്ചിരുന്നു. ആയതിന്റെ അടിസ്ഥാനത്തില്‍ പ്രസ്തുത വഴി പൂര്‍ണ്ണമായും അളന്നു തിട്ടപ്പെടുത്തി അതിര്‍ത്തി സ്ഥാപിച്ച് സ്കെച്ചും പ്ലാനും നല്‍കുന്നതിന് നെടുമങ്ങാട് താലൂക്ക് തഹസില്‍ദാരോട് അപേക്ഷയും നല്‍കിയിരുന്നു. പഞ്ചായത്തിന്റെ അഭ്യര്‍ത്ഥണ പ്രകാരവും, ബഹുമാനപ്പെട്ട ഓംബുഡ്സ്മാന്റെ നിര്‍ദ്ദേശ പ്രകാരവും നെടുമങ്ങാട് താലൂക്ക് സര്‍വ്വെയര്‍ 01/02/2019, 02/02/2019 തീയതികളില്‍ പരാതിക്കാരന്റെയും പഞ്ചായത്ത് അധികൃതരുടെയും സാന്നിദ്ധ്യത്തില്‍ അതിര്‍ത്തി പുനര്‍നിര്‍ണ്ണയം ചെയ്ത് പോയിന്റുകള്‍ കാണിച്ച് അളവ് നടപടികള്‍ പൂര്‍ത്തിയാക്കി 06/02/2019 ല്‍ റീഫിക്സിംഗ് സ്കെച്ചും എന്‍ക്രോച്ച്മെന്റ് സ്കെച്ചും പഞ്ചായത്തില്‍ നല്‍കുകയുണ്ടായി. പ്രസ്തുത റിപ്പോര്‍ട്ടും സ്കെച്ചും വിശദമായി പരിശോധിച്ചപ്പോള്‍ പുറമ്പോക്ക് കയ്യേറി നിര്‍മ്മാണങ്ങള്‍ നടത്തിയിട്ടുള്ളതായും മനസിലാക്കി അതിര് കല്ലുകള്‍ സ്ഥാപിച്ചിട്ടുണ്ട്. പ്രസ്തുത കയ്യേറ്റങ്ങള്‍ നടത്തിയവര്‍ക്ക് പുറമ്പോക്ക് കയ്യേറ്റ നിര്‍മ്മാണങ്ങള്‍ പൊളിച്ചുമാറ്റുന്നതിന് നോട്ടീസ് നല്‍കുന്നതിനും, കയ്യേറിയ സ്ഥലം പഞ്ചായത്തിന്റെ അധീനതയില്‍ കൊണ്ടുവരുന്നതിനും ഐകകണ്ഠ്യേന തീരുമാനിച്ചു.