ആര്യനാട് ഗ്രാമ പഞ്ചായത്തില്‍ കാനക്കുഴി വാര്‍ഡില്‍ ശ്രീ.അനി ജയിംസ് (വിഷ്ണു) വിഷ്ണു ,വിഷ്ണു ഭവന്‍ കാനക്കുഴി എന്നയാളുടെ ഉടമസ്ഥതയില്‍ പ്രവര്‍ത്തിക്കുന്ന പൌള്‍ട്രി ഫാമില്‍ നിന്നുണ്ടാകുന്ന ദുര്‍ഗന്ധവും മാലിന്യവും കാരണം പരിസര വാസികള്‍ക്ക് ഗുരുതര ആരോഗ്യ പ്രശ്നങ്ങള്‍ ഉണ്ടാകുന്നതായും ആയതില്‍ നടപടി സ്വീകരിക്കുന്നതിനുമായി 13/09/2018 തീയതിയില്‍ പരിസരവാസികളായ ശ്രീ സെയ്ദുകുഞ്ഞ്, അതിയറമേക്കുംകര വീട് , പുനലാല്‍, ശ്രീ ജ്ഞാനദാസ് കാനക്കുഴി കിഴക്കും കര പുത്തന്‍ വീട് ആര്യനാട്, ശ്രീ പി തങ്കമണി ഷാരോണ്‍ കാനക്കുഴി , ശ്രീമതി ജയിനി കാനക്കുഴി കിഴക്കും കര പുത്തന്‍ വീട് ആര്യനാട്, ശ്രീ ചിഞ്ചു വില്ല്യം അശ്വിന്‍ നിലയം അത്തിയറ ആര്യനാട്,ശ്രീ ഷൈജു കാനക്കുഴി പുതുവല്‍ പുത്തന്‍ വീട് ആര്യനാട്,ശ്രീമതി ബേബി അമ്മ കാനക്കുഴി തെക തെക്കുംകര പുത്തന്‍ വീട് ആര്യനാട്, ശ്രീ . ബേബി കാനക്കുഴി തെക്കും കര പുത്തന്‍ വീട് ആര്യനാട് മുതല്‍പേര്‍ ഗ്രാമ പഞ്ചായത്ത് ഓഫീസില്‍ അപേക്ഷ നല്‍കിയിരുന്നു. ടി അപേക്ഷകളില്‍ അന്വേഷണം നടത്തിയ ഗ്രാമ പഞ്ചായത്ത്‌ സെക്രട്ടറിക്ക് ടി പരാതികളില്‍ പറഞ്ഞിരിക്കുന്ന സംഗതി വാസ്തവമാണ് എന്ന് ബോധ്യപ്പെടുകയും ടി പൌള്‍ട്രി ഫാമില്‍ നിന്നുള്ള ദുര്‍ഗന്ധം ഒഴുവാക്കുന്നതിനും , മാലിന്യ സംസ്കരണത്തിനു ആവശ്യമായ നടപടി സ്വീകരിക്കുന്നതിനും ഗ്രാമ പഞ്ചായത്തില്‍ നിന്നും നിയമാനുസൃത ലൈസന്‍സ് എടുക്കുന്നതിനും 19/09/2018 ല്‍ നോട്ടീസ് നല്‍കിയിരുന്നു. എന്നാല്‍ നാളിതുവരെ ആയതില്‍ യാതൊരു നടപടിയും ടിയാള്‍ സ്വീകരിക്കുകയുണ്ടായില്ല. പരിസരവാസികളുടെ ബുദ്ധിമുട്ട് അനുദിനം വര്‍ദ്ധിക്കുകയും ചെയ്യുന്നുണ്ട്. ടി വിഷയം ചര്‍ച്ച ചെയ്ത പഞ്ചായത്ത് കമ്മറ്റി ടിയാള്‍ക്ക് എതിരെ ഗൗരവതരമായ നിയമ നടപടി അടിയന്തിരമായി സ്വീകരിക്കാന്‍ സെക്രട്ടറിയെ ചുമതലപ്പെടുത്തി തീരുമാനിച്ചു.