ആര്യനാട് ഗ്രാമ പഞ്ചായത്ത് ചൂഴ വാര്‍ഡിലെ ലൂഥര്‍ഗിരി തോട്ടിന്‍കര വീട്ടില്‍ നല്ലതമ്പി മകന്‍ സതീഷ്‌ കുമാര്‍ന്റെ 19/10/2019 ലെ അപേക്ഷ കമ്മറ്റി ചര്‍ച്ച ചെയ്തു. അപേക്ഷകന്റെ വീടിനോട് ചേര്‍ന്ന് സ്ഥാപിച്ചിട്ടുള്ള കുടിവെള്ള പൊതുടാപ്പില്‍ നിന്നും വെള്ളം ശേഖരിക്കുമ്പോള്‍ വെള്ളം ചുമരിലും മറ്റും പതിക്കുകയും ചുവരില്‍ സ്ഥാപിച്ചിട്ടുള്ള വൈദ്യുത ഉപകരണങ്ങള്‍ക്കും മീറ്ററിനും കേടുപാടുകള്‍ സംഭവിക്കുകയും കൂടാതെ വെള്ളം വീടിന്റെ ഫൌണ്ടേഷനും മറ്റും ബലക്ഷയം ഉണ്ടാക്കുകയും ചെയ്യുന്നു. ആയതിനാല്‍ ടി ടാപ്പ് ഇവിടെ നിന്ന് നീക്കം ചെയ്യുകയോ മാറ്റി സ്ഥാപിക്കുകയോ ചെയ്യണമെന്നാണ് അപേക്ഷകന്റെ ആവശ്യം. ആയതിന് അനുയോജ്യമായ സ്ഥലം കണ്ടെത്തി മാറ്റി സ്ഥാപിക്കുവാന്‍ വേണ്ട നടപടി സ്വീകരിക്കാന്‍ പഞ്ചായത്ത് കമ്മറ്റി സെക്രട്ടറിയ്ക്ക് നിര്‍ദ്ദേശം നല്‍കി തീരുമാനിച്ചു.