ആര്യനാട് ഗ്രാമ പഞ്ചായത്തിലെ ഇറവൂര്‍ വാര്‍ഡില്‍ മാങ്കോട് അംഗന്‍വാടിയ്ക്ക് സമീപം അപകടകരമായി നില്‍ക്കുന്ന മരം അടിയന്തിരമായി മുറിച്ച് മാറ്റുന്നതിനുള്ള നടപടി സ്വീകരിക്കണം എന്നുള്ള വാര്‍ഡ്‌ മെമ്പറുടെ അപേക്ഷ പഞ്ചായത്ത് കമ്മറ്റി ചര്‍ച്ച ചെയ്തു. ടി മരത്തിന്റെ മൂട് ജീര്‍ണ്ണിച്ച് ഏതു നിമിഷവും അടുത്ത വീടിന്റെ മുകളില്‍ കൂടി വീഴാവുന്ന അവസ്ഥയിലാണ് ഉള്ളതെന്നും അംഗന്‍വാടിയില്‍ പഠിക്കുന്ന കുഞ്ഞുങ്ങളുടെയും അവിടെത്തെ ജീവനക്കാരുടെയും ജീവന് ആയത് ഭീഷണിയാകും എന്നും കമ്മറ്റി വിലയിരുത്തി. ആകയാല്‍ സുരക്ഷ മുന്‍നിര്‍ത്തി ടി മരത്തിന്റെ ഇപ്പോഴത്തെ അവസ്ഥ സംബന്ധിച്ച റിപ്പോര്‍ട്ട് വില്ലേജ് ഓഫീസര്‍ , കൃഷി ഓഫീസര്‍ എന്നിവരില്‍ നിന്നും ലഭ്യമാക്കുന്നതിന് ടി ഉദ്യോഗസ്ഥര്‍ക്ക് കത്ത് നല്‍കുന്നതിന് കമ്മറ്റി സെക്രട്ടറിയെ ചുമതലപ്പെടുത്തി തീരുമാനിച്ചു.