ആര്യനാട് ഗ്രാമ പഞ്ചായത്തില്‍ ഗ്രാമ പഞ്ചായത്ത് സെക്രട്ടറി നിര്‍വഹണ ഉദ്യോഗസ്ഥനായി ഏറ്റെടുത്തിട്ടുള്ള പ്രോജക്റ്റ് നമ്പര്‍ 195 പറണ്ടോട് ആശുപത്രിക്ക് സ്ഥലം വാങ്ങല്‍ എന്ന പ്രോജക്റ്റ് പ്രകാരം പറണ്ടോട് ആശുപത്രിക്ക് സ്ഥലം വാങ്ങുന്നതിന് തിരുവനന്തപുരം ജില്ലയില്‍ നെടുമങ്ങാട് താലൂക്കില്‍ ആര്യനാട് വില്ലേജില്‍ കോട്ടയ്കകം മുറിയില്‍ പറണ്ടോട് തട്ടാംവിളാകം വീട്ടില്‍ ശ്രീ ഷൈലാജ് ഖാന്‍ എന്നയാളുടെ പേര്‍ക്കുള്ള ആര്യനാട് വില്ലേജില്‍ ബ്ലോക്ക് നമ്പര്‍ 48 ല്‍ റീസര്‍വ്വേ നമ്പര്‍ 173/15-3,173/13ല്‍ പ്പെട്ട 15 സെന്റ്‌ വസ്തു സെന്റിന് 1,40,000/- രൂപ നിരക്കില്‍ 15 സെന്റ്‌ വാങ്ങുന്നതിന് ഗ്രാമപഞ്ചായത്ത് ഭരണ സമിതിയുടെ 07/12/2018 ലെ I(21) നമ്പര്‍ പ്രകാരം തീരുമാനം എടുത്തിട്ടുണ്ട്.ഭൂമിയുടെ വാല്യുവേഷന്‍ സാക്ഷ്യപത്രത്തിലെ തുക 20,45,809/- രൂപ എന്നിരിക്കെ 20,10,000/- രൂപയ്ക്ക് യ്ക്ക് 15 സെന്റ്‌ സ്ഥലം നല്‍കികൊള്ളാം എന്നുള്ള വസ്തു ഉടമയുടെ സമ്മതപത്രത്തിന്റെയുംമറ്റു രേഖകളുടെയും അടിസ്ഥാനത്തില്‍ ടി വസ്തു വാങ്ങുന്നതിന് ബഹു പഞ്ചായത്ത് ഡെപ്യുട്ടി ഡയറക്റ്ററുടെ അനുമതി ലഭ്യമായതിനെ തുടര്‍ന്ന്‍ ടി വസ്തു വാങ്ങിയിട്ടുണ്ട്. നേരത്തെ വസ്തു തന്ന അതേ വിലയ്ക്ക് ഇതോടു ചേര്‍ന്ന 2 സെന്റ്‌ വസ്തു കൂടി തന്നുകൊള്ളാം എന്നു വസ്തു ഉടമ അറിയിച്ചിരിക്കുന്നു. പ്രോജക്റ്റ് അടങ്കല്‍ തുക 2500000/- രൂപ ആയിരിക്കെ ആധാരം എഴുത്ത് കൂലി ഉള്‍പ്പെടെ 2224875/- രൂപ ടി വസ്തു വാങ്ങുന്നതിന് ആകെ ചെലവായിട്ടുണ്ട്. ഇതോടു ചേര്‍ന്നുള്ള 2 സെന്റ്‌ വസ്തു കൂടി വാങ്ങുന്നത് കൂടുതല്‍ ഉപയോഗപ്രദമായിരിക്കും എന്ന് കമ്മറ്റി വിലയിരുത്തി. ആകയാല്‍ വസ്തു ഉടമ 2 സെന്റ്‌ വസ്തു കൂടി നല്‍കാം എന്ന് അറിയിച്ച സ്ഥിതിയ്ക്ക് ടി പ്രോജക്റ്റിന്റെ അടങ്കല്‍ തുകയില്‍ മാറ്റം വരുത്താതെ ടി 2 സെന്റ്‌ വസ്തു കൂടി ഇതേ പ്രോജക്റ്റില്‍ ഉള്‍പ്പെടുത്തി വാങ്ങാനുള്ള നിയമ നടപടി സ്വീകരിക്കാന്‍ ടി പ്രോജക്ടിന്റെ നിര്‍വഹണ ഉദ്യോഗസ്ഥനായ സെക്രട്ടറിയെ ചുമതലപ്പെടുത്തി തീരുമാനിച്ചു .