ആര്യനാട് ഗ്രാമപഞ്ചായത്തില്‍ അസിസ്റ്റന്റ് സെക്രട്ടറി നിര്‍വ്വഹണം നടത്തുന്ന " പട്ടികജാതി കുടുംബങ്ങള്‍ക്ക് വാട്ടര്‍ ടാങ്ക് 500287/20" എന്ന പ്രോജകടിന് ഗ്രാമപഞ്ചായത്ത് കമ്മിറ്റി അംഗീകരിച്ചു. 45 പേരടങ്ങുന്ന ഗുണഭോക്തൃ ലിസ്റ്റില്‍ 37 -മതായി ഉള്‍പെട്ട ശ്രീ. സഞ്ചിത കുമാര്‍, തോട്ടിന്‍കര വീട്, ലൂഥര്‍ ഗിരി എന്നയാള്‍ക്ക് ഇപ്പോള്‍ വാട്ടര്‍ ടാങ്ക് ആവശ്യമില്ലയെന്നുള്ള ടിയാന്‍റെ അപേക്ഷ പഞ്ചായത്ത് കമ്മിറ്റി ചര്‍ച്ച ചെയ്തു. 2018-19 -ല്‍ ഡി.പി.സി അംഗീകരിച്ച പ്രോജക്ടാണ് 2019-20 -ല്‍ ടി പ്രോജക്ട് സ്പില്‍ ഓവറായി. ആയത് 2020-21 സാമ്പത്തിക വര്‍ഷവും സ്പില്‍ ഓവറായി. ടി പ്രോജക്ടിന്‍റെ ഗുണഭോക്തൃ ലിസ്റ്റില്‍ ഉള്‍പെട്ട 45 ഗുണഭോക്താക്കളില്‍ ആകെ 23 പേര്‍ മാത്രമാണ് രേഖകള്‍ സമര്‍പ്പിച്ചത്. മിക്ക ഗുണഭോക്താക്കള്‍ക്കും ജാതി സര്‍ട്ടിഫിക്കറ്റ് കിട്ടുവാന്‍ പ്രയാസമുണ്ട്. ടി ഗുണഭോക്തൃ ലിസ്റ്റില്‍ 37 -നമ്പറായി ഉള്‍പെട്ട ശ്രീ. സഞ്ചിത കുമാറിന്‍റെ അപേക്ഷ പരിഗണിച്ചും വാര്‍ഡ്‌ മെമ്പറുടെ അപേക്ഷ കത്തിന്‍റെയും അടിസ്ഥാനത്തില്‍ ടി വാര്‍ഡിലെ s ശ്രീമതി. സുജീറ്റ, തോട്ടിന്‍കര വീട്, ലൂഥര്‍ ഗിരി, ആര്യനാടിന് ആനുകുല്യം നല്‍കുന്നതിന് നിര്‍വഹണ ഉദ്യോഗസ്ഥനെ ചുമതലപ്പെടുത്തി കമ്മിറ്റി തീരുമാനിച്ചു.