ആര്യനാട് ഗ്രാമ പഞ്ചായത്തില്‍ പറണ്ടോട് ജംഗ്ഷന് സമീപം ഒരു സബ് സെന്റര്‍ മന്ദിരം സ്ഥാപിക്കുന്നതിന് ആര്യനാട് ഗ്രാമ പഞ്ചായത്തിന്റെ നാഷണല്‍ റര്‍ബന്‍ മിഷന്‍ പദ്ധതിയില്‍ ഉള്‍പ്പെടുത്തി 500000/-രൂപ വകയിരുത്തിയിട്ടുണ്ട്. പറണ്ടോട് കേന്ദ്രമായി ടി കെട്ടിട നിര്‍മ്മാണത്തിനു വസ്തു വാങ്ങുന്നതിന് 2018-2019 വാര്‍ഷിക പദ്ധതിയില്‍ 2500000/- വകയിരുത്തി പ്രോജക്റ്റ് തയാറാക്കിയിരുന്നത് 2019- 20 വര്‍ഷം സ്പില്‍ ഓവര്‍ ഏറ്റെടുത്തിട്ടുണ്ട്. തിരുവനന്തപുരം ജില്ലയില്‍ നെടുമങ്ങാട് താലൂക്കില്‍ ആര്യനാട് വില്ലേജില്‍ കോട്ടയ്കകം മുറിയില്‍ പറണ്ടോട് തട്ടാംവിളാകം വീട്ടില്‍ ശ്രീ ഷൈലാജ് ഖാന്‍ എന്നയാളുടെ പേര്‍ക്കുള്ള ആര്യനാട് വില്ലേജില്‍ ബ്ലോക്ക് നമ്പര്‍ 48 ല്‍ റീസര്‍വ്വേ നമ്പര്‍ 173/15-3,173/13ല്‍ പ്പെട്ട 15 സെന്റ്‌ വസ്തു സെന്റിന് 1,40,000/- രൂപ നിരക്കില്‍ 15 സെന്റ്‌ വാങ്ങുന്നതിന്ആര്യനാട് ഗ്രാമപഞ്ചായത്ത് ഭരണ സമിതിയുടെ 07/12/2018 ലെ I(21) നമ്പര്‍ തീരുമാനപ്രകാരം തീരുമാനിച്ചിരുന്നു. ആയതിനു ബഹു പഞ്ചായത്ത് ഡെപ്യൂട്ടി ഡയറക്ടറുടെ 07/09/2019 തീയതിയിലെ C2 8362 /19 നമ്പര്‍ ഉത്തരവ് പ്രകാരം അനുയോജ്യത സാക്ഷ്യപത്രം ലഭ്യമായിട്ടുണ്ട്. സബ് സെന്റര്‍ കെട്ടിടം നിര്‍മ്മിക്കുന്നതിന് പഞ്ചായത്ത് ഫണ്ട് ഉപയോഗിച്ച് ടി വസ്തു വാങ്ങുന്നതിന് ജില്ലാ മെഡിക്കല്‍ ഓഫീസറുടെ അനുയോജ്യത സാക്ഷ്യപത്രം ആവശ്യമാണ്‌. ടി സാക്ഷ്യപത്രം ലഭ്യമാകുന്നതിന് ജില്ലാ മെഡിക്കല്‍ ഓഫീസര്‍ക്ക് കത്ത് നല്‍കിയെങ്കിലും നാളിതുവരെ ആയത് ലഭ്യമായിട്ടില്ല. ആകയാല്‍ അനുയോജ്യത സാക്ഷ്യപത്രം ലഭ്യമാക്കുന്നതിനു ജില്ലാ മെഡിക്കല്‍ ഓഫീസര്‍ക്ക് വീണ്ടും കത്ത് നല്‍കാന്‍ സെക്രട്ടറിയെ ചുമതലപ്പെടുത്തി തീരുമാനിച്ചു.