ആര്യനാട് ഗ്രാമ പഞ്ചായത്തില്‍ 2020-21 വര്‍ഷം സ്പില്‍ഓവര്‍ ആയി ഏറ്റെടുത്ത ഭവന പുനരുദ്ധാരണം എന്ന പ്രോജക്ടില്‍ ഗുണഭോക്തൃ പട്ടികയില്‍ ക്രമ നമ്പര്‍ 101 ആയി ഉള്‍പ്പെട്ടിട്ടുള്ള ശ്രീ മോഹന്‍ദാസ്, മൂലയില്‍ വിളാകം, കൊല്ലറാം, തോളൂര്‍, ആര്യനാട് എന്നയാളുടെ വീട് കഴിഞ്ഞ മഴയത്ത് ഏതാണ്ട് പൂര്‍ണ്ണമായും ഇടിഞ്ഞ് വീണതിനാല്‍ തനിക്ക് എത്രയും വേഗം ആനുകൂല്യം ലഭ്യമാക്കണമെന്നുള്ള ടിയാളുടെ അപേക്ഷ പഞ്ചായത്ത് കമ്മറ്റി പരിശോധിച്ചു. ഇതേ വാര്‍ഡില്‍ ഉള്‍പ്പെട്ടതും ടി ഗുണഭോക്തൃ പട്ടികയില്‍ ക്രമനമ്പര്‍ 31 ആയി ഉള്‍പ്പെട്ടിട്ടുള്ള ശ്രീ ശ്രീമതി അനീഷ, വി മേലേതില്‍ വീട് ആര്യനാട് എന്നയാള്‍ താന്‍ ലൈഫ് പദ്ധതി ഗുണഭോക്തൃപ്പട്ടികയില്‍ ഉള്‍പ്പെട്ടിട്ടുള്ളതിനാല്‍ പുനരുദ്ധാരണത്തിനുള്ള ആനുകൂല്യം വേണ്ട എന്നറിയിച്ചിട്ടുണ്ട്. ആകയാല്‍ ക്രമ നമ്പര്‍ 31 ആയി ശ്രീ. ശ്രീ മോഹന്‍ദാസ്, മൂലയില്‍ വിളാകം, കൊല്ലറാം, തോളൂര്‍, ആര്യനാട് എന്നയാള്‍ക്ക് വളരെയധികം അടിയന്തിരമായി ആനുകൂല്യം ലഭ്യമാക്കാന്‍ നിര്‍വഹണ ഉദ്യോഗസ്ഥയെ ചുമതലപ്പെടുത്തി തീരുമാനിച്ചു.