ആര്യനാട് ഗ്രാമ പഞ്ചായത്തില്‍ എല്‍ എസ് ജി ഡി അസിസ്റ്റന്റ് എന്‍ജിനിയര്‍ നിര്‍വഹണ ഉദ്യോഗസ്ഥയായി ഏറ്റെടുത്തിട്ടുള്ള പ്രോജക്റ്റുകളുടെ നിര്‍വഹണത്തില്‍ ഉണ്ടാകുന്ന വീഴ്ച ഗ്രാമ പഞ്ചായത്തിന്റെ മൊത്തം ചെലവ് ശതമാനത്തെ തന്നെ സാരമായി ബാധിക്കുകയും നിലവില്‍ ജില്ലയില്‍ പ്ലാന്‍ ഫണ്ട് പുരോഗതിയില്‍ അറുപത്തിഒന്‍പതാം സ്ഥാനവും മെയിന്‍റ്നന്‍സ് ഫണ്ട് പുരോഗതിയില്‍ ജില്ലയില്‍ എഴുപത്തിമൂന്നാം സ്ഥാനവുമാണ്. 2017-2018, 2018-2019, 2019-20 വര്‍ഷങ്ങളിലും എല്‍ എസ് ജി ഡി അസിസ്റ്റന്റ് എന്‍ജിനിയര്‍ പദ്ധതി നിര്‍വഹണത്തില്‍ കാണിച്ച അലഭാവം ഗ്രാമ പഞ്ചായത്തിനു അനുവദിച്ച പ്ലാന്‍ , മെയിന്‍റ്നന്‍സ് ഫണ്ടുകള്‍ നഷ്ടപ്പെടുന്നതിനും പൊതുജനങ്ങള്‍ക്ക് ഉപകാരപ്രദമായി ഏറ്റെടുത്തിരുന്ന പല പ്രവൃത്തികളുടെയും പൂര്‍ത്തീകരണത്തിനു വിഘാതം സൃഷ്ടിക്കുകയും ചെയ്തു . തുടര്‍ന്ന്‍ ടി പ്രവൃത്തികള്‍ എല്ലാം തനത് ഫണ്ടില്‍ സ്പില്‍ ഓവര്‍ ആയി ഏറ്റെടുത്ത് നിലനിര്‍ത്തേണ്ട അവസ്ഥവന്നിരുന്നു. ആയത് ഗ്രാമ പഞ്ചായത്തിന്റെ തനത് ഫണ്ടില്‍ ഒരു വലിയ നഷ്ടം വരുത്തുന്നതിന് കാരണമായി. ഈ വര്‍ഷവും പുതുതായി മെയിന്‍റ്നന്‍സ് ഫണ്ട് ഉപയോഗിച്ച് ഏറ്റെടുത്തിട്ടുള്ള ഒരു പ്രോജ്കറ്റ് പോലും പൂര്ത്തീകരിച്ചിട്ടില്ല . ടി വിഷയങ്ങള്‍ എല്ലാം പഞ്ചായത്ത് കമ്മറ്റി ചര്‍ച്ച ചെയ്തു. ഇത്തരത്തില്‍ ഗ്രാമ പഞ്ചായത്തിനു അനുവദിച്ച തുക നഷ്ടപ്പെടുത്തുകയും തനത് ഫണ്ട് കൂടുതല്‍ ഉപയോഗിക്കുന്നതിനു കാരണക്കാരിയായ നിര്‍വഹണ ഉദ്യോഗസ്ഥയ്ക്ക് എതിരെ നിയമ നടപടി സ്വീകരിക്കുന്നതിനു തീരുമാനിച്ചു.