ആര്യനാട് ഗ്രാമപഞ്ചായത്തിലെ ഈഞ്ചപ്പുരി വാർഡായ അംബേദ്കർ ഗ്രാമത്തിൽ പട്ടികജാതി കുടുംബങ്ങളും, മറ്റ് പിന്നോക്ക വിഭാഗത്തിൽപ്പെട്ട 440- ഓളം കുടുംബങ്ങളും താമസിക്കുന്ന ചെറുമഞ്ചൽ തോട്, മടച്ചിക്കോണം തോട്, ഈഞ്ചപ്പുരി തോട് എന്നിവ കഴിഞ്ഞ രണ്ട് വർഷങ്ങളിൽ ഉണ്ടായ പ്രകൃതിക്ഷോഭത്തിൽ ഇരു വശങ്ങളും ഇടിയുകയും, ബണ്ടുകൾ തകർന്ന് സഞ്ചാരയോഗ്യമല്ലാതാവുകയും, കൃഷിക്കാവശ്യമായ വെള്ളം തിരിച്ചുവിടുന്നതിനോ, കാർഷികോല്പന്നങ്ങൾ വാഹനങ്ങളിൽ കൊണ്ടു പോകുന്നതിനോ കഴിയുന്നില്ല എന്നുള്ള ജനങ്ങളുടെ ആവശ്യങ്ങൾ കമ്മിറ്റി ചർച്ച ചെയ്തു. ആകയാൽ അംബേദ്കർ ഗ്രാമവാസികൾക്ക് തോടിന്റെ ഇടിഞ്ഞ ഭാഗങ്ങൾ കെട്ടി ബണ്ട് റോഡ് ശരിയാക്കുന്നതിനുള്ള ഫണ്ട് അനുവദിക്കുന്നതിന് മൈനർ ഇറിഗേഷൻ വകുപ്പിനോട് അഭ്യർത്ഥിച്ചു തീരുമാനിച്ചു.