ആര്യനാട്- വിതുര ഗ്രാമ പഞ്ചായത്തുകളുടെ അതിര്‍ത്തിയില്‍ വാഹന ഗതാഗതം ഇല്ലാത്ത ചെങ്കുത്തായ ഇടവഴികള്‍ മാത്രമുള്ള പ്രദേശമായ പാതിരിക്കോട് എന്ന സ്ഥലത്ത് വിതുര പഞ്ചായത്ത് പരിധിയില്‍ താമസിക്കുന്ന തങ്ങള്‍ക്ക് പുറം ലോകത്തേയ്ക്ക് പോയി വരാന്‍ ആര്യനാട് ഗ്രാമ പഞ്ചായത്തിലെ പാറയ്ക്കരവെട്ട വഴി മൂന്നു മീറ്റര്‍ വീഥിയില്‍ ഒരു നടപ്പാത നിര്‍മ്മിക്കുകയുണ്ടായി. ആകെ 1000 മീറ്റര്‍ നീളമുള്ള നടപ്പാതയുടെ 500 മീറ്റര്‍ ആര്യനാട് ഗ്രാമ പഞ്ചായത്ത്പരിധിയിലും 500 മീറ്റര്‍ വിതുര ഗ്രാമ പഞ്ചായത്ത് പരിധിയിലും ആണ് ആകയാല്‍ ആര്യനാട് ഗ്രാമ പഞ്ചായത്തില്‍ ഉള്‍പ്പെട്ട ടി നടപ്പാത ഏറ്റെടുത്ത് കോണ്‍ ക്രീറ്റ് ചെയ്ത് ഗതാഗത യോഗ്യമാക്കുന്നതിനുള്ള നടപടി സ്വീകരിക്കുന്നതിനു പാതിരിക്കോട് പട്ടിക ജാതി കോളനി നിവാസികള്‍ അപേക്ഷിച്ചിരിക്കുന്നു. ടി അപേക്ഷ പരിശോധിച്ച പഞ്ചായത്ത് കമ്മറ്റി ടി തടം കോണ്ക്രീറ്റ് ചെയ്യുന്നതിലേക്കായി വരുന്ന വാര്‍ഷിക പദ്ധതിയിലോ എം ജി എന്‍ ആര്‍ ജി എസ് പദ്ധതിയിലോ ഫണ്ടിന്റെ ലഭ്യതയ്ക്കനുസരിച്ച് പ്രോജക്റ്റ് ഏറ്റെടുക്കാന്‍ തീരുമാനിച്ചു.