ആര്യനാട് ഗ്രാമപഞ്ചായത്തിലെ ചൂഴ വാര്‍ഡിലെ ചൂഴ -മഞ്ചിറ റോഡ് പുറമ്പോക്ക് കയ്യേറ്റക്കാരെ ഒഴിപ്പിക്കണമെന്നുളള ബഹു.ലോക് ആയുക്തയുടെ ഉത്തരവ് യോഗം ചര്‍ച്ച ചെയ്തു. പുറമ്പോക്ക് കയ്യേറ്റം ഒഴിയണമെന്ന് ആവശ്യപ്പെട്ടുകൊണ്ട് 12 പേര്‍ക്ക് 29/04/2021 തീയതി ഒന്നാമത്തെ നോട്ടീസ് നല്‍കിയിട്ടുണ്ടെന്നും യോഗം നിരീക്ഷിച്ചു. 1996-ലെ കേരള പഞ്ചായത്ത് രാജ് (കയ്യേറ്റം നീക്കം ചെയ്യലും അനധികൃതമായി കൈവശം വയ്ക്കുന്നതിന് പിഴ ചുമത്തലും ഈടാക്കലും ) ചട്ടങ്ങള്‍ പ്രകാരം പുറമ്പോക്ക് കയ്യേറ്റം സ്വമേധയാ ഒഴിയണമെന്ന് ആവശ്യപ്പെട്ടു കൊണ്ട് രണ്ടാമതൊരു നോട്ടീസ് കൂടെ നല്‍കുന്നതിന് സെക്രട്ടറിയെ ചുമതലപ്പെടുത്തി തീരുമാനിച്ചു.