ശ്യാമപ്രസാദ് മുഖര്‍ജി നാഷണല്‍ റര്‍ബന്‍ മിഷന്‍ പദ്ധതിയില്‍ ഉള്‍പ്പെട്ട തേവിയാരുകുന്ന് വാട്ടർ സപ്ലൈ പ്രോജക്ട് എന്ന പ്രവൃത്തിയുമായി ബന്ധപ്പെട്ട് വട്ടിയൂര്‍ക്കാവ്‍ ,ദാരിദ്ര്യ ലഘൂകരണ വിഭാഗം പ്രോജക്ട് ഡയറക്ടറുടെ 26/07/2021 തീയതിയിലെ എ1/291/2021/പി.എ.യു നമ്പര്‍ കത്ത് യോഗം ചര്‍ച്ച ചെയ്തു. WAPCOS എന്ന സഥാപനം നിര്‍വ്വഹണ ഏജന്‍സിയായ തേവിയാരുകുന്ന് വാട്ടർ സപ്ലൈ പ്രോജക്ട് എന്ന പദ്ധതിക്ക് 1.22 കോടി രൂപ WAPCOS -ന് നല്‍കിയെങ്കിലും നാളിതുവരെ യാതൊരു പുരോഗതിയും ഇല്ലാത്ത അവസ്ഥയാണെന്ന് ടി കത്തില്‍ പ്രോജക്ട് ഡയറക്ടര്‍ പരാമര്‍ശിച്ചിട്ടുളളത് യോഗം ചര്‍ച്ച ചെയ്തു. നിര്‍മ്മാണ പ്രവര്‍ത്തനങ്ങള്‍ ഒന്നും തന്നെ WAPCOS ആരംഭിച്ചിട്ടില്ലായെന്നും ഇപ്പോള്‍ പദ്ധതി നിശ്ചലാവസ്ഥയിലാണെന്നും യോഗം അഭിപ്രായപ്പെട്ടു. ആയതിനാല്‍ തേവിയാരുകുന്ന് വാട്ടർ സപ്ലൈ പ്രോജക്ട് എന്ന പ്രവൃത്തി പുനരാരംഭിച്ചതിനു ശേഷം മാത്രം മറ്റു വര്‍ക്കുകളുടെ ഫണ്ടുകള്‍ അനുവദിച്ചാല്‍ മതിയെന്ന് യോഗം തീരുമാനിച്ചു.