ആര്യനാട് ഗ്രാമപഞ്ചായത്തില്‍ എം.ജി.എന്‍.ആര്‍.ഇ.ജി.എസ്സ് സെക്ഷനിലെ ജീവനക്കാരുടെ പ്രവര്‍ത്തനം യോഗം വിലയിരുത്തി. അക്കൌണ്ടന്‍റ് കം ഐറ്റി എക്സ്പെര്‍ട്ടായി സേവനം അനുഷ്ടിക്കുന്ന ശ്രീമതി.ലക്ഷ്മി , ശ്രീമതി.ശ്രീകുമാരി എന്നിവരുടെ പ്രവര്‍ത്തനങ്ങളെ കുറിച്ച് യോഗം പരാമര്‍ശിക്കുകയും ടിയാള്‍ക്കാര്‍ തൊഴിലുറപ്പ് പദ്ധതിയുമായി ബന്ധപ്പെട്ട് സമയബന്ധിതമായി റിപ്പോര്‍ട്ടുകള്‍ തയ്യാറാക്കി ബന്ധപ്പെട്ട അധികാരികള്‍ക്ക് നല്‍കുകയോ കാര്യക്ഷമമായി പ്രവര്‍ത്തിക്കുകയോ പൊതുജനങ്ങളോട് മാന്യമായി പെരുമാറുകയോ ചെയ്യുന്നില്ലായെന്ന് യോഗം വിലയിരുത്തി.പലപ്രാവശ്യം താക്കീത് നല്‍കിയിട്ടും ഈ രീതി തന്നെ തുടര്‍ന്നും വെച്ചു പുലര്‍ത്തുന്നതായി യോഗം നിരീക്ഷിച്ചു.ആയതിനാല്‍ ടി ജീവനക്കാരെ 01/08/2021 മുതല്‍ തല്‍ക്കാലം സേവനത്തില്‍ നിന്നും മാറ്റി നിര്‍ത്തുന്നതിന് യോഗം തീരുമാനിച്ചു.