കേന്ദ്ര ഗവണ്‍മെന്‍റ് പദ്ധതിയായ ശ്യാമപ്രസാദ് മുഖര്‍ജി നാഷണല്‍റര്‍ബന്‍മിഷന്‍ പദ്ധതി പ്രകാരം പഞ്ചായത്ത് ഏറ്റെടുത്തിട്ടുളളതും WAPCOS എന്ന അക്രഡിറ്റഡ് ഏജന്‍സി മുഖേന നടപ്പിലാക്കുന്നതുമായ ചുവടെ പറയുന്ന പദ്ധതികളുടെ നിര്‍വ്വഹണ പുരോഗതി യോഗം വിലയിരുത്തി. പ്രസ്തുത പദ്ധതികളെല്ലാം നിലവില്‍ നിശ്ചലാവസ്ഥയിലാണ്. പഞ്ചായത്തുമായി കരാറിലേര്‍പ്പെട്ടു 3 വര്‍ഷം കഴിഞ്ഞിട്ടും സമയബന്ധിതമായി പദ്ധതി പൂര്‍ത്തിയാക്കി പഞ്ചായത്തിന് കൈമാറാത്ത WAPCOS -ന്‍റെ അനാസ്ഥ യോഗം ചര്‍ച്ച ചെയ്തു. എല്ലാ പദ്ധതികള്‍ക്കും മൊബിലൈസേഷന്‍ അഡ്വാന്‍സ് എന്ന പേരില്‍ 20 ശതമാനം തുക മുന്‍കൂറായി കൈപ്പറ്റുകയും തുടര്‍ന്ന് പാർട്ട് ബില്‍ തുകകളും WAPCOS കൈപ്പറ്റുകയുണ്ടായി. എന്നാല്‍ പദ്ധതികൾ സമയബന്ധിതമായി പൂര്‍ത്തിയാക്കാതെ തുക നഷ്ടമാക്കുന്ന സാഹചര്യവും പഞ്ചായത്തിന് വന്‍ സാമ്പത്തിക നഷ്ടം ഉണ്ടാക്കുന്ന തരത്തിലുളള പ്രവര്‍ത്തനവുമാണ് WAPCOS -ന്‍റെ ഭാഗത്തു നിന്ന് ഉണ്ടായിട്ടുളളതെന്ന് യോഗം അഭിപ്രായപ്പെട്ടു. മാര്‍ച്ച് 2022-ന് മുമ്പ് പദ്ധതികള്‍ പൂര്‍ത്തിയാക്കാൻ കഴിയാതെ വന്നാൽ WAPCOS എന്ന സ്ഥാപനത്തിനെതിരെ നിയമ നടപടി സ്വീകരിയ്ക്കുന്നതിനും പദ്ധതി തുക പലിശയുള്‍പ്പെടെ പ്രസ്തുത സ്ഥാപനത്തില്‍ നിന്നും ഈടാക്കുന്നതിനുളള നടപടികള്‍ക്കുമായി നിയമ നടപടി സ്വീകരിയ്ക്കുന്നതിന് കമ്മിറ്റി തീരുമാനിച്ചിട്ടുണ്ട്. ആയതിനാൽ ആര്യനാട് ഗ്രാമപഞ്ചായത്തിൽ പ്രസ്തുത സ്ഥാപനം ഏറ്റെടുത്തിട്ടുളള വർക്കുകൾ പുനരാരംഭിച്ചതിനു ശേഷം മാത്രം ടി സ്ഥാപനത്തിൻറെ മറ്റു ബില്ലുകൾ മാറി നൽകുന്നതിനുളള അനുകൂല നടപടി സ്വീകരിയ്ക്കണമെന്ന് ബന്ധപ്പെട്ട അധികാരികളോട് അഭ്യർത്ഥിച്ചു തീരുമാനിച്ചു.