ആര്യനാട് ഗ്രാമപഞ്ചായത്തിന്‍റെ 2021/2022 വാര്‍ഷിക പദ്ധതിയില്‍ ഉള്‍പ്പെട്ട 108/22 ശ്മശാനം നിര്‍മ്മിക്കല്‍ എന്ന പദ്ധതിക്ക് സ്ഥലം വാങ്ങുന്നതിന് ചുവടെ പറയുന്ന വ്യക്തികൾ ക്വട്ടേഷനുകള്‍ സമർപ്പിച്ചിരുന്നു. 1.നിഷ.ജി.നായര്‍ ,ചേരപ്പള്ളി റോഡരികത്ത് വീട് 2.ബിജു.കെ.ആര്‍ , ആശാ ഭവന്‍ , കാരിയോട് ,കുറ്റിച്ചല്‍ 3.അരുണ്‍ കുമാര്‍ ,അദ്വൈത് ,പൊട്ടന്‍ച്ചിറ 4. രാജേന്ദ്രന്‍ & സരിത , സാജു മന്ദിരം, കോട്ടയ്ക്കകം പ്രസ്തുത ക്വട്ടേഷനുകള്‍ പരിശോധിച്ച് സ്ഥല പരിശോധന നടത്തി റിപ്പോര്‍ട്ട് സമര്‍പ്പിക്കുന്നതിന് 28/10/2021 തീയതിയിലെ 1(1) പഞ്ചായത്ത് കമ്മിറ്റി തീരുമാനപ്രകാരം സബ്കമ്മിറ്റിയെ രൂപീകരിച്ചിരുന്നു. പ്രസ്തുത സബ്കമ്മിറ്റി തയ്യാറാക്കിയ റിപ്പോര്‍ട്ട് 02/12/2021 തീയതിയിലെ കമ്മിറ്റി പരിഗണിക്കുകയും റിപ്പോർട്ട് പ്രകാരം മുന്‍ഗണനാ വസ്തു നിഷ.ജി.നായര്‍ ,ചേരപ്പള്ളി റോഡരികത്ത് വീട് -ന്‍റേതാണെന്ന് യോഗം അഭിപ്രായപ്പെടുകയും നിരക്ക് കുറയ്ക്കുന്നത് സംബന്ധിച്ച് പ്രസ്തുത വസ്തു ഉടമയുമായി നെഗോഷ്യേഷന്‍ നടത്തുന്നതിന് സബ്കമ്മിറ്റിയെ യോഗം ചുമതലപ്പെടുത്തുകയും ചെയ്തിരുന്നു. എന്നാൽ പൊതു ജനങ്ങളുടെ എതിർപ്പു കാരണം ശ്മശാനം നിർമ്മിക്കുന്നതിന് പഞ്ചായത്തിന് വസ്തു വിട്ടു നൽകുവാൻ സാധിക്കില്ലായെന്നും തന്നെ ഒഴിവാക്കണമെന്നും ആവശ്യപ്പെട്ടു കൊണ്ട് നിഷ.ജി.നായര്‍ രേഖാമൂലം പഞ്ചായത്തിൽ സമർപ്പിച്ച കത്ത് യോഗം ചർച്ച ചെയ്തു. ആയത് പ്രകാരം നിഷ.ജി.നായരുടെ വസ്തു ഒഴിവാക്കിയും ബാക്കിയുളള 3 ക്വട്ടേഷനുകളിൽ നിന്നും അനുയോജ്യമായ വസ്തു കണ്ടെത്തുന്നതിന് സബ്കമ്മിറ്റിയെ ചുമതലപ്പെടുത്തിയും യോഗം തീരുമാനിച്ചു.