ആര്യനാട് ഗ്രാമപഞ്ചായത്തിലെ പഴയതെരുവ് എൽ.പി.സ്കൂൾ കോമ്പൌണ്ടിൽ നിൽക്കുന്ന ഏകദേശം 40 വർഷം പഴക്കം ചെന്ന മാവ് പൂർണ്ണമായും ഉണങ്ങി നിൽക്കുകയാണെന്നും പ്രസ്തുത മാവിൻറെ വലുതും ചെറുതുമായ ശിഖരങ്ങൾ നിരന്തരം ഒടിഞ്ഞു വീണു കുട്ടികൾക്കും സ്കൂൾ കെട്ടിടത്തിനും വളരെ ഭീക്ഷണിയും അപകടകരവുമായിരിക്കുകയാണെന്നും ആയതിനാൽ പ്രസ്തുത മാവ് മരം മുറിച്ചു മാറ്റുന്നതിനുളള സത്വര നടപടികൾ സ്വീകരിയ്ക്കണമെന്നുമുളള പഴയതെരുവ് എൽ.പി.സ്കൂൾ ഹെഡ്മാസ്റ്ററുടെ അപേക്ഷ യോഗം ചർച്ച ചെയ്തു. ജൂൺ 1 മുതൽ സ്കൂളുകൾ തുറന്ന് പ്രവർത്തിയ്ക്കുന്നതിനാലും പ്രസ്തുത മരം അപകടകരമാം വിധത്തിൽ നിൽക്കുന്നതിനാലും അടിയന്തിരമായി മുറിച്ചു മാറ്റുന്നതിനും തുടർന്ന് വാല്യുവേഷൻ എടുത്ത് തടികൾ ലേലം ചെയ്ത് നൽകുന്നതിനുളള നിയമനട നടപടി സ്വീകരിയ്ക്കുന്നതിനും യോഗം സെക്രട്ടറിയെ ചുമതലപ്പെടുത്തി തീരുമാനിച്ചു.