ആര്യനാട് ഗ്രാമപഞ്ചായത്ത് തികച്ചും മലയോര പഞ്ചായത്താണ്. കേരളം വികസനത്തിന്റെ പാതയിൽ നിൽക്കുന്ന സാഹചര്യത്തിൽ, ഈ പഞ്ചായത്തും നിരവധി വികസനകാര്യങ്ങളുമായി മുന്നോട്ടു പോവുകയാണ്. കായികരംഗത്ത് ആര്യനാട് ഗ്രാമപഞ്ചായത്തിന് പ്രതീക്ഷിച്ച രീതിയിൽ എത്താൻ സാധിച്ചിട്ടില്ല. ചുരുക്കം കായികതാരങ്ങൾ ചില മേഖലയിൽ സംസ്ഥാന തലത്തിൽ ശ്രദ്ധേയമായ പ്രകടനം കാഴ്ചവച്ചിട്ടുണ്ട്. എന്നാൽ പ്രകൃതിദത്തമായ നദീതീരം ഉണ്ടെങ്കിലും, നീന്തൽ പരിശീലനത്തിന് വേണ്ടുന്ന നീന്തൽകുളം ഈ പഞ്ചായത്തിൽ നിലവിലില്ല. പഞ്ചായത്തിന്റെ അധീനതയിൽ പാലൈക്കോണം എന്ന സ്ഥലത്ത് 62 സെന്റ് ഭൂമി സ്വന്തമായിട്ടുണ്ട്. ആയതിനാൽ വിദഗ്ധമായ പരിശീലനം ലഭ്യമാക്കുന്നതിനും നീന്തൽ താരങ്ങളെ വാർത്തെടുക്കുന്നതിനും മേൽ പറഞ്ഞ സ്ഥലം കേന്ദ്രീകരിച്ച് ആധുനിക രീതിയിൽ ഒരു നീന്തൽ കുളം നിർമ്മിച്ചു കിട്ടുന്നതിന് വേണ്ട സഹായസഹകരണങ്ങൾ നൽകി സഹായിക്കണമെന്ന് ബന്ധപ്പെട്ട അധികാരികളോട് വിനയപൂർവ്വം അഭ്യർത്ഥിച്ച് തീരുമാനിച്ചു.