ബഹു.സർക്കാരിൻറെ 28/05/2022 തീയതിയിലെ സ.ഉ(കൈ) നം .29/2022/വനം , 31/05/2022 തീയതിയിലെ സ.ഉ(കൈ) നം .239/2022/വനം എന്നീ ഉത്തരവുകൾ പ്രകാരം ജനവാസ മേഖലകളിൽ ജനങ്ങളുടെ സ്വത്തിനും ജീവനും കാർഷിക വൃത്തിയ്ക്കും നാശം വരുത്തുന്ന കാട്ടു പന്നികളെ അനുവദനീയ മാർഗ്ഗങ്ങളിലൂടെ കൊല്ലുന്നതിന് പഞ്ചായത്തുകളെ ചുമതലപ്പെടുത്തിയിട്ടുണ്ട്. ആയത് പ്രകാരം 18/05/2020 -ലെ വനം വന്യജീവി വകുപ്പിൻറെ G.O(Rt)No.111/2020/G&WLD ഉത്തരവ് പ്രകാരം തിരുവനന്തപുരം വനം ഡിവിഷണൽ ഫോറസ്റ്റ് ഓഫീസർ അംഗീകരിച്ച തോക്ക് ഉപയോഗിയ്ക്കാൻ ലൈസൻസ് ഉളളവരുടെയും പന്നിയെ കൊല്ലാൻ സന്നദ്ധരുമായ വ്യക്തികളുടെ പാനലിൽ ഉൾപ്പെട്ടതും അംഗീകൃത ലൈസൻസിയുമായ ശ്രീ.രാജൻ.ജി,രാജ് കോട്ടേജ്,ചേരപ്പള്ളി ,പറണ്ടോട് .പി.ഒ എന്ന വ്യക്തിയെ ആര്യനാട് പഞ്ചായത്തിലെ ജനവാസ മേഖലകളിൽ നാശം വിതയ്ക്കുന്ന കാട്ടു പന്നികളെ വെടി വെച്ച് കൊല്ലുന്നതിന് ചുമതലപ്പെടുത്തി തീരുമാനിച്ചു. ഇപ്രകാരം വെടിവെച്ച് കൊല്ലുന്ന പന്നി ഒന്നിന് 1000/ - രൂപയും ഉദ്യോഗസ്ഥൻറെ ബാറ്റ 500/- രൂപയും ഉൾപ്പെടെ 1500/- രൂപ വേതനം അനുവദിയ്ക്കുന്നതിനും തീരുമാനിച്ചു. വെടിവെച്ചിടുന്ന പന്നികളെ മറവ് ചെയ്യുന്നതിന് പ്രാദേശികമായി നൽകി വരുന്ന വേതനം അനുവദിയ്ക്കുന്നതിനും ഇതുമായി ബന്ധപ്പെട്ട തുടർ നടപടികൾ സ്വീകരിയ്ക്കുന്നതിന് സെക്രട്ടറിയെ ചുമതലപ്പെടുത്തിയും തീരുമാനിച്ചു.