ആര്യനാട് ഗ്രാമപഞ്ചായത്തിൻറെ കീഴിൽ അസ്സിസ്റ്റൻറ് എഞ്ചിനിയർ ഓഫീസ് നിലവിലുളളപ്പോൾ ഈ പഞ്ചായത്തിനകത്തുളള ഇലക്ട്രിസിറ്റി ഗുണഭോക്താക്കൾ പൂവച്ചൽ, തൊളിക്കോട് , വിതുര എന്നീ കെ.എസ്.ഇ.ബി-യുടെ സബ്എഞ്ചിനിയർ ഓഫീസ് പരിധിയിലാണ് ഉൾപ്പെട്ടു വരുന്നത്. ഇത് പഞ്ചായത്തിലെ ഇലക്ട്രിസിറ്റി ഗുണഭോക്താക്കൾക്ക് വല്ലാത്ത ബുദ്ധിമുട്ട് ഉണ്ടായിക്കൊണ്ടിരിക്കുകയാണ്. ആര്യനാട് ഗ്രാമ പഞ്ചായത്തിൽ അധിവസിക്കുന്നതും എന്നാൽ മറ്റ് കെ.എസ്.ഇ.ബി-കളുടെ സബ്എഞ്ചിനിയർ ഓഫീസ് പരിധിയിൽ ഉൾപ്പെട്ടു വരുന്നതുമായ ഗുണഭോക്താക്കളെ ആര്യനാട് പഞ്ചായത്തിൽ നിലവിൽ പ്രവർത്തിയ്ക്കുന്ന അസ്സിസ്റ്റൻറ് എഞ്ചിനിയർ ഓഫീസിൻറെ കീഴിൽ കൊണ്ടു വരണമെന്നും നിലവുലുളള ബുദ്ധിമുട്ട് പരിഹരിയ്ക്കണമെന്നും ബന്ധപ്പെട്ട അധികാരികളോട് അഭ്യർത്ഥിച്ച് തീരുമാനിച്ചു.