ആര്യനാട് ഗ്രാമപഞ്ചായത്തിൽ ആര്യനാട് ഠൌൺ കേന്ദ്രീകരിച്ച് കേരള വാട്ടർ അതോറിറ്റിയുടെ അസ്സിസ്സ്റ്റൻറ് എഞ്ചിനിയർ ഓഫീസ് പ്രവർത്തിക്കുന്നുണ്ട്. ആര്യനാട് പഞ്ചായത്തിലും സമീപ പഞ്ചായത്തുകളിലുമായി ഏകദേശം 30000 വാട്ടർ കണക്ഷനുകൾ നൽകുന്നതിന് വാട്ടർ അതോറിറ്റിക്ക് സാധിച്ചിട്ടുണ്ട്. ആര്യനാട് ഗ്രാമപഞ്ചായത്തിൽ നിലവിൽ കേരള വാട്ടർ അതോറിറ്റിയുടെ അസ്സിസ്സ്റ്റൻറ് എഞ്ചിനിയർ ഓഫീസ് മാത്രമാണ് പ്രവർത്തിക്കുന്നത്. ഈ സ്ഥാപനം മുഖേനയാണ് ആര്യനാട് പഞ്ചായത്തിലെയും സമീപ 6 പഞ്ചായത്തുകളിലെയും കുടിവെളളവുമായി ബന്ധപ്പെട്ട പ്രവർത്തനങ്ങൾ നടക്കുന്നത്. ആര്യനാട് ഗ്രാമപഞ്ചായത്ത് പ്രദേശം എസ്.സ്സി , എസ്സ്.റ്റി വിഭാഗക്കാർ കൂടുതലുളള മേഖലയാണ്. മാത്രമല്ല വേനൽക്കാലത്ത് കുടിവെളളവുമായി ബന്ധപ്പെട്ട പ്രശ്നങ്ങൾ അതിരൂക്ഷമായി അനുഭവപ്പെടുന്ന മേഖലകൂടിയാണിത് . വാട്ടർ അതോറിറ്റിയുടെ അസ്സിസ്സ്റ്റൻറ് എഞ്ചിനിയർ ഓഫീസിൻറെ പ്രവർത്തനം കൊണ്ട് മാത്രം 6 പഞ്ചായത്തുകളിലെയും , സമീപ പ്രദേശത്തും കുടിവെളളവുമായി ബന്ധപ്പെട്ട പ്രവർത്തനങ്ങൾ ഏകോപിപ്പിയ്ക്കാൻ കഴിയാത്ത സാഹചര്യമുണ്ട്. വാട്ടർ അതോറിറ്റിയുമായി ബന്ധപ്പെട്ട ഇത്തരം പ്രവർത്തനങ്ങൾക്കായി ഒരു സബ്ഡിവിഷൻ ഓഫീസ് അനുവദിയ്ക്കുകയാണെങ്കിൽ പ്രസ്തുത വിഷയങ്ങൾക്ക് പരിഹാരം കാണാൻ കഴിയുന്നതാണ്. നിലവിൽ അസ്സിസ്സ്റ്റൻറ് എഞ്ചിനിയർ ഓഫീസ് സ്ഥിതി ചെയ്യുന്ന കെട്ടിടത്തോട് അനുബന്ധിച്ച് സബ്ഡിവിഷൻ ഓഫീസിൻറെ പ്രവർത്തനം ആരംഭിക്കുന്നതിനുളള സ്ഥല സൌകര്യവും ഭൌതിക സാഹചര്യവുമുണ്ട്. ആയതിനാൽ ആര്യനാട് കേന്ദ്രീകരിച്ച് ഒരു സബ്ഡിവിഷൻ ഓഫീസ് അനുവദിയ്ക്കുന്നതിനുളള അനുകൂല നടപടിയുണ്ടാകണമെന്ന് ബഹു.കേരള സർക്കാരിനോടും ബന്ധപ്പെട്ട അധികാരികളോടും അഭ്യർത്ഥിച്ചു തീരുമാനിച്ചു.