ആര്യനാട് ഗ്രാമപഞ്ചായത്തിൽ പ്രവർത്തിയ്ക്കുന്ന കെ.എസ്സ്.ആർ.റ്റി.സി ബസ് സ്റ്റാൻറ് മുൻകാലങ്ങളിൽ ധാരാളം ബസ്സ് സർവ്വീസുകളും നല്ല കളക്ഷനുമുളള മാതൃകാ ഡിപ്പോയായി പ്രവർത്തിച്ചിരുന്ന സ്ഥാപനമായിരുന്നു. എന്നാൽ ഈ സ്ഥാപനം നിലവിൽ ഒരു ഓപ്പറേറ്റിംഗ് സെൻററിന് തുല്യമായി മാറിയിരിക്കുകയാണ്. പഞ്ചായത്തിൽ നിന്നും വിദ്യാഭ്യാസ ആവശ്യത്തിനും വിവിധ ജോലിയ്ക്കും മറ്റ് ആവശ്യങ്ങൾക്കുമായി വിദൂര സ്ഥലങ്ങളിൽ പോകുന്ന ആളുകളുടെ ഏക മാർഗ്ഗവും ആശ്രയവുമാണ് ആര്യനാട് ഠൌണിൽ പ്രവർത്തിയ്ക്കുന്ന കെ.എസ്സ്.ആർ.റ്റി.സി ബസ്സ് സ്റ്റാൻറ് . എന്നാൽ പ്രസ്തുത സ്റ്റാൻറിലെ സർവ്വീസുകൾ നിലവിൽ കുറച്ചിരിക്കുകയാണ്. ആയതിനാൽ ആളുകൾക്ക് സുഗമമായി യാത്ര ചെയ്യാൻ സാധിയ്ക്കാതെ വളരെ ദുരിതം അനുഭവിക്കുകയാണ്. ഈ അവസ്ഥയ്ക്ക് ഒരു പരിഹാരം കാണുന്നതിലേയ്ക്കായി മുൻകാലങ്ങളിൽ അനുവദിച്ചിരുന്ന ബസ്സ് സർവ്വീസുകൾ പുന.സ്ഥാപിക്കുന്നതിനും കെ.എസ്സ്.ആർ.റ്റി.സി ബസ് സ്റ്റാൻറ് ATO ഓഫീസായി ഉയർത്തുന്നതിനും ആവശ്യമായ നടപടി സ്വീകരിയ്ക്കണമെന്ന് ബന്ധപ്പെട്ട അധികാരികളോട് അഭ്യർത്ഥിച്ച് തീരുമാനിച്ചു.