ആര്യനാട് ഗ്രാമപഞ്ചായത്തിൽ നിലവിൽ ആര്യനാട് ഠൌൺ കേന്ദ്രീകരിച്ച് ഒരു കമ്മ്യൂണിറ്റി ഹെൽത്ത് സെൻററാണ് പ്രവർത്തിക്കുന്നത്. ട്രൈബൽ മേഖലയിൽ അധിവസിക്കുന്ന ആളുകൾ കിലോമീറ്ററുകൾ സഞ്ചരിച്ചാണ് ആര്യനാട് കമ്മ്യൂണിറ്റി ഹെൽത്ത് സെൻററിൽ എത്തിച്ചേരുന്നത്. പ്രസ്തുത മേഖലകൾ ബസ്റൂട്ടുകൾ അധികം ഇല്ലാത്ത പ്രദേശങ്ങൾ ആയതിനാൽ ഇത്രയും ദൂരം സഞ്ചരിച്ച് ആര്യനാട് കമ്മ്യൂണിറ്റി ഹെൽത്ത് സെൻററിൽ ചികിൽസയ്ക്കായി എത്തുകയെന്നത് വളരെ ബുദ്ധിമുട്ടുണ്ടാക്കുന്നതാണ്. പ്രസ്തുത വിഷയത്തിന് ശാശ്വത പരിഹാരം എന്നുളള നിലയിൽ പറണ്ടോട് വാർഡിൽ പ്രവർത്തിയ്ക്കുന്ന സബ്സെൻററിനെ പ്രൈമറി ഹെൽത്ത് സെൻറർ ആയി ഉയർത്തുകയാണെങ്കിൽ ട്രൈബൽ മേഖലയിൽ അതിവസിക്കുന്ന ജനങ്ങൾക്ക് വളരെ ഉപകാരപ്രദമാകുകയും പ്രസ്തുത പ്രതിസന്ധിക്ക് പരിഹാരം ഉണ്ടാകുന്നതാണ് ആയതിനാൽ പറണ്ടോട് കേന്ദ്രീകരിച്ച് പ്രവർത്തിയ്ക്കുന്ന സബ്സെൻററിനെ പ്രൈമറി ഹെൽത്ത് സെൻറർ ആയി ഉയർത്തുന്നതിനുളള നടപടി സ്വീകരിയ്ക്കണമെന്ന് ബന്ധപ്പെട്ട അധികാരികളോട് അഭ്യർത്ഥിച്ച് തീരുമാനിച്ചു.