ആര്യനാട് ഗ്രാമപഞ്ചായത്തിൽ റർബൻ മിഷൻ പദ്ധതിയിൽ ഉൾപ്പെടുത്തി ഏറ്റെടുത്തിട്ടുളളതും വാപ്കോസ്സ് സ്ഥാപനം മുഖേന നടപ്പിലാക്കുന്നതുമായ Construction of Convergence Centre & Day care Building എന്ന പദ്ധതി 4 നിലകളുളള ബഹുനിലകെട്ടിടമായി വിവിധ ഓഫീസുകളുടെ സമുച്ചയമായിട്ടാണ് പൂർത്തീകരിച്ചു വരുന്നത്. എന്നാൽ 4 നിലകളുളള പ്രസ്തുത കെട്ടിടത്തിൽ ലിഫ്റ്റ് നിർമ്മാണത്തിനായി കുഴി എടുത്തിട്ടുണ്ടെങ്കിലും എസ്റ്റിമേറ്റിൽ തുക വകയിരുത്താത്തതിനാൽ ലിഫ്റ്റ് നിർമ്മാണം നടന്നിട്ടില്ല.പലപ്രാവശ്യം ലിഫ്റ്റ് നിർമ്മാണം കൂടെ ഉൾപ്പെടുത്തി പ്രവർത്തി അടിയന്തിരമായി പൂർത്തിയാക്കി നൽകണമെന്ന് വാപ്കോസ്സിനോട് ആവശ്യപ്പെട്ടെങ്കിലും ലിഫ്റ്റ് നിർമ്മാണം നടത്താതെ കെട്ടിട നിർമ്മാണം പൂർത്തിയാക്കുന്ന നടപടിയാണ് വാപ്കോസ്സ് സ്വീകരിച്ചിട്ടുളളത്.ആയതിനാൽ വാപ്കോസ്സ് മുഖേന നടപ്പിലാക്കുന്ന പ്രസ്തുത കെട്ടിട നിർമ്മാണത്തിൽ ബാക്കിയുളള 16 ലക്ഷം രൂപയ്ക്ക് ലിഫ്റ്റ് നിർമ്മാണ പ്രവർത്തനങ്ങൾ ഏറ്റെടുക്കുന്നതിന് യോഗം തീരുമാനിച്ചു. അടിയന്തിരമായി ലിഫ്റ്റ് നിർമ്മാണം പൂർത്തിയാക്കി കെട്ടിടം പ്രവർത്തിപ്പിയ്ക്കേണ്ട സാഹചര്യമായതിനാലും കൂടാതെ 2022 ഒക്ടോബർ 31 -ട് കൂടി റർബൻ മിഷൻ പദ്ധതികൾ പൂർത്തിയാക്കണമെന്ന് ബന്ധപ്പെട്ട അധികാരികൾ കർശനമായി നിർദ്ദേശിച്ച സാഹചര്യത്തിലും Supply & Instalation of Lift എന്ന പ്രവർത്തി ഇ-ടെണ്ടർ ചെയ്യുന്നതിനുളള നടപടികൾ സ്വീകരിയ്ക്കുന്നതിന് യോഗം സെക്രട്ടറിയെ ചുമതലപ്പെടുത്തി തീരുമാനിച്ചു.