ആര്യനാട് ഗ്രാമപഞ്ചായത്തിലെ ശ്മശാനത്തിന്‍റെ ഉദ്ഘാടനം കഴിഞ്ഞിട്ടും ആയത് പ്രവര്‍ത്തിപ്പിക്കുന്നതിന് കഴിയാത്ത അടിയന്തിര സാഹചര്യത്തില്‍ വാര്‍ഷിക പദ്ധതിയില്‍ ഉള്‍പ്പെടുത്തി ശ്മശാനത്തില്‍ ജനറേറ്റര്‍ വാങ്ങി സ്ഥാപിക്കുന്നതിന് പദ്ധതി രൂപീകരിച്ചിരുന്നെങ്കിലും തനത് ഫണ്ടിന്‍റെ അപര്യാപ്തത മൂലം പദ്ധതിക്ക് അനുമതി ലഭിക്കാത്തതിനാല്‍ ജനറേറ്റര്‍ വാങ്ങി സ്ഥാപിക്കുന്നതിന് സാധിച്ചിരുന്നില്ല. എന്നാല്‍ സ്പോണ്‍സര്‍ഷിപ്പിലൂടെ ജനറേറ്റര്‍ ലഭിച്ചത് അടിയന്തിരമായി സ്ഥാപിക്കുന്നതിനായുള്ള ഇലക്ട്രിഫിക്കേഷന്‍ പ്രവൃത്തികള്‍ക്കായി ക്വട്ടേഷന്‍ ക്ഷണിച്ചതില്‍ ചുവടെ പറയുന്ന പ്രകാരം ക്വട്ടേഷനുകള്‍ ലഭിച്ചിട്ടുള്ളത് യോഗം പരിശോധിച്ചു. 1. ഫാമിലി ഇലക്ട്രിക്കല്‍സ് - 35,500/- 2. അശ്വന്‍ ഇലക്ട്രിക്കല്‍സ് - 40,000/- 3. അജി ജി.എസ്. - 39,200/- കുറഞ്ഞ തുക രേഖപ്പെടുത്തിയിരിക്കുന്ന ഫാമിലി ഇലക്ട്രിക്കല്‍സ് എന്ന സ്ഥാപനത്തിന്‍റെ ക്വട്ടേഷന്‍ അംഗീകരിച്ച് തീരുമാനിച്ചു. ജനറേറ്റര്‍ പ്രവര്‍ത്തിപ്പിക്കുന്നതിനുള്ള ഇലക്ട്രിഫിക്കേഷന്‍ പ്രവൃത്തികള്‍ പൂര്‍ത്തിയാക്കി ശ്മശാനത്തിന്‍റെ പ്രവര്‍ത്തനം അടിയന്തിരമായി ആരംഭിക്കുന്നതിനുള്ള നടപടി സ്വീകരിക്കുന്നതിനും, ആയതിനുള്ള പണി പൂര്‍ത്തിയാകുന്ന മുറയ്ക്ക് ചെലവ് തുക ബില്‍ പ്രകാരമുള്ളത് തനത് ഫണ്ടില്‍ നിന്നും അനുവദിക്കുന്നതിനും സെക്രട്ടറിയെ ചുമതലപ്പെടുത്തി തീരുമാനിച്ചു.