പൊതുനിരത്തുകളിൽ പൊതുയോഗങ്ങൾ നടത്തുന്നതിനും ഗതാഗത തടസ്സമുണ്ടാക്കുന്നതിനും നിരോധനം ഏർപ്പെടുത്തി ബഹു. ഹൈക്കോടതിയുടെ ഉത്തരവ് നടപ്പിലാക്കുന്നതിന്‍റെ ഭാഗമായി ഉത്സവങ്ങളോടും മറ്റ് ആഘോഷ പരിപാടികളോടും അനുബന്ധിച്ചും, വിവിധ രാഷ്ട്രീയ സാമൂഹ്യ സാസ്കാരിക സംഘടനകളുടെ പരിപാടികളോട് അനുബന്ധിച്ചും ആര്യനാട് ജംഗ്ഷനില്‍ ഉണ്ടാകുന്ന ഗതാഗത കുരുക്കുമൂലം പൊതുജനങ്ങള്‍ക്ക് ഉണ്ടാകുന്ന ബുദ്ധിമുട്ട് ഒഴിവാക്കുക എന്ന ലക്ഷ്യത്തോടെ പഞ്ചായത്ത് നിര്‍മ്മിച്ച് പൂര്‍ത്തീകരിച്ച മാനവീയം വീഥിയില്‍ വച്ച് ഇനി മുതല്‍ പ്രസ്തുത പരിപാടികള്‍ നടത്തുന്നതിന് നിര്‍ദ്ദേശം നല്‍കുന്നതിനും, ആര്യനാട് ജംഗ്ഷനിലെ പൊതു നിരത്തുകളില്‍ വച്ച് പരിപാടികള്‍ നടത്തുന്നത് നിരുത്സാഹപ്പെടുത്തുന്നതിനുമുള്ള അറിയിപ്പ് പൊതുജനങ്ങള്‍ക്ക് പത്രമാധ്യമങ്ങളിലൂടെ നല്‍കുന്നതിന് സെക്രട്ടറിയെ ചുമതലപ്പെടുത്തി തീരുമാനിച്ചു. ആയതിന്മേല്‍ ആവശ്യമായ നടപടി സ്വീകരിക്കുന്നിതിന് ബന്ധപ്പെട്ട പോലീസ് അധികാരികളെ ചുമതലപ്പെടുത്തിയും തീരുമാനിച്ചു.