അംഗീകരിച്ചു

ആര്യനാട് ഗ്രാമപഞ്ചായത്തിൽ പാലൈക്കോണം വാർഡിൽ ഗണപതിയാംകുഴി റോഡരികത്ത് വീട്ടിൽ താമസിക്കുന്നതും പാലിയേറ്റീവ് കെയർ പദ്ധതിയിൽ ഉൾപ്പെട്ട രോഗിയുമായ ശ്രീമതി.ഗിരിജ ആഹാരം പാചകം ചെയ്യാൻ സാധിയ്ക്കാതെ ഒറ്റപ്പെട്ടു ജീവിക്കുന്നുവെന്നും പാഥേയം പദ്ധതിയിൽ ഉൾപ്പെടുന്നതിനുമുളള നടപടി സ്വീകരിയ്ക്കണമെന്നും ആവശ്യപ്പെട്ടു കൊണ്ടുളള വാർഡ് മെമ്പറുടെ കത്ത് യോഗം അംഗീകരിച്ചു. ശ്രീമതി.ഗിരിജ -യെ പാഥേയം പദ്ധതിയിൽ ഉൾപ്പെടുത്തുന്നതിനുളള നടപടി സ്വീകരിയ്ക്കുന്നതിന് യോഗം കുടുംബശ്രീയെ ചുമതലപ്പെടുത്തി തീരുമാനിച്ചു. കൂടാതെ പാഥേയം , ആശ്രയ പദ്ധതിയിൽ അർഹരായ ഗുണഭോക്താക്കളെ ഉൾപ്പെടുത്തുന്നതിനായി പ്രസ്തുത പദ്ധതികൾക്കായി നിലവിൽ എടുത്തിട്ടുളള ഗുണഭോക്തൃ ലിസ്റ്റ് ഫീൽഡ് തല വിസിറ്റ് നടത്തി പരിശോധിയ്ക്കുന്നതിന് 29/06/2022 തീയതിയിൽ നിയോഗിച്ച സബ്കമ്മിറ്റിയിലെ അംഗങ്ങളായ സിഡിഎസ്സ് ചെയർപേഴ്സൻ , അസ്സി.സെക്രട്ടറി , വി.ഇ.ഒ , ജെൻറർ ആർ.പി , ക്ഷേമകാര്യ സ്റ്റാൻറിംഗ് കമ്മിറ്റി ചെയർപേഴ്സൻ എന്നിവരെ ചുമതലപ്പെടുത്തി തീരുമാനിച്ചു.