ബഹു. അരുവിക്കര നിയോജക മണ്ഡലം എംഎല്‍എ ശ്രീ. സ്റ്റീഫന്‍ അവറുകളുടെ ഫണ്ട് ഉപയോഗിച്ച് ആര്യനാട് ഗ്രാമപഞ്ചായത്തിലെ ബഡ് സ്കൂളിനു വേണ്ടി വാങ്ങി നല്‍കിയ വാഹനം പഞ്ചായത്തിന് ലഭ്യമാക്കിയിട്ടുണ്ട്. വാഹനത്തിന്‍റെ ഡ്രൈവറെ നിയമിക്കുന്നതിന് ലഹരിപദാര്‍ത്ഥങ്ങള്‍ ഉപയോഗിക്കാത്ത വ്യക്തിയെ മാത്രം നിയമിക്കുന്നതിന് തീരുമാനിച്ചു. തദ്ദേശ സ്വയംഭരണ തെരഞ്ഞടുപ്പിന് മുമ്പായി നിയമപരമായി ഡ്രൈവറെ നിയമിക്കുന്ന തിനുള്ള നടപടികള്‍ പൂര്‍ത്തിയാക്കുന്നതിന് സാധിക്കാത്തതിനാല്‍ ഒരു മാസം വരെ വാഹനം ഉപയോഗിക്കാതിരിക്കേണ്ട സാഹചര്യമുണ്ടാകുന്നു. ആയത് വാഹനത്തിന്‍റെ പ്രവര്‍ത്തനത്തെ ബാധിക്കുന്നതായതിനാലും ബഡ് സ്കൂളിനു വാഹനം അത്യാവശ്യമായതിനാലും അടിയന്തിര സാഹചര്യം മുന്‍നിര്‍ത്തി വാഹനം ഓടിക്കുന്നതിന് ലൈസന്‍സ് ഉള്ള ശ്രീ. അജാസ്, നിജാസ് മന്‍സില്‍, മുത്തികാവ്, പറണ്ടോട് എന്നവരെ തദ്ദേശ സ്വയംഭരണ തെരഞ്ഞടുപ്പ് കഴിയുന്നതുവരെ ദിവസ വേതന വ്യവസ്ഥയില്‍ നിയമിക്കുന്നതിനും, ആയതിനുള്ള ചെലവ് തനത് ഫണ്ടില്‍ നിന്നും ചെലവഴിക്കുന്നതിനും, പെരുമാറ്റ ചട്ടം പിന്‍വലിക്കുന്ന മുറയ്ക്ക് നിയമപരമായി ഡ്രൈവറെ നിയമിക്കുന്നതിനുള്ള നടപടികള്‍ സ്വീകരിക്കുന്നതിനും സെക്രട്ടറിയെ ചുമതലപ്പെടുത്തി തീരുമാനിച്ചു.