അംഗീകരിച്ചു

ആര്യനാട് ഗ്രാമപഞ്ചായത്തില്‍ സംസ്ഥാന റോഡ് വികസന പദ്ധതിയില്‍ ഉള്‍പെടുത്തി നിര്‍മ്മാണം പൂര്‍ത്തീകരിച്ച വെള്ളനാട് ചെറ്റച്ചല്‍ റോഡില്‍ കൂട്ടയണി മൂട്, ഇറവൂര്‍, എന്നിവിടങ്ങളില്‍ തുടര്‍ച്ചയായി മാലിന്യം നിക്ഷേപിക്കുന്നത് റോഡ്പരിപാലനം ദുഷ്ക്കരമാക്കുന്നു എന്ന് കാണിച്ച് INKELL_EKK Roads Pvt Ltd സമര്‍പ്പിച്ച കത്ത് കമ്മറ്റി പരിശോധിച്ചു. ടി സ്ഥലങ്ങള്‍ ജനവാസം കുറഞ്ഞവയാകയാല്‍ വാഹനങ്ങളിലും മറ്റും മാലിന്യം വലിച്ചെറിഞ്ഞ് കടന്നുകളയുന്നവരെ കണ്ടെത്താനാവാത്തത് കാരണം കേരള പഞ്ചായത്തു രാജ് ആക്ട്, 1994- സെക്ഷന്‍ 219എസ്, സെക്ഷന്‍ 219 റ്റി പ്രകാരമുള്ള നടപടികള്‍ സ്വീകരിക്കാന്‍ കഴിയാത്ത സാഹചര്യം നിലവിലുള്ളതായി യോഗം വിലയിരുത്തി. ടി സ്ഥലങ്ങളില്‍ സിസി ടിവി ക്യാമറകള്‍ സ്ഥാപിക്കുന്നത് മാലിന്യം വലിച്ചെറിയുന്നവരെ കണ്ടെത്തുന്നതിന് സഹായകരമായിരിക്കും. മാലിന്യം വലിച്ചെറിയുന്നത് തടയാന്‍ പൊതുജനങ്ങള്‍, പോലീസ് വകുപ്പ് എന്നിവരുടെ സഹകരണത്തോടെ തുടര്‍ നടപടി സ്വീകരിക്കുന്നതിനും സി സി ടിവി ക്യാമറ സ്ഥാപിക്കുന്നതിന് INKELL_EKK Roads Pvt Ltd നോട് അഭ്യര്‍ത്ഥിച്ചും യോഗം ഐക്യകണ്ഠ്യേന തീരുമാനിച്ചു.