.

ആര്യനാട് ഗ്രാമപഞ്ചായത്ത് പ്രദേശത്തെ ജനങ്ങള്‍ക്ക് ഉപയോഗപ്രദമാകുന്ന തരത്തില്‍ പഞ്ചായത്തില്‍ ലഭ്യമാകുന്ന സേവനങ്ങള്‍ കൈയ്യെത്തും ദൂരത്ത് എത്തിക്കുക എന്ന ലക്ഷ്യത്തോടെ 18 വാര്‍ഡുകളിലും ഗ്രാമ കേന്ദ്രങ്ങള്‍ ആരംഭിച്ചിട്ടുണ്ട്.സേവനങ്ങള്‍ ലഭ്യമാക്കുക എന്നതിനോടൊപ്പം പഞ്ചായത്തിന്‍റഎ വിവിധ സംഘടനാ സംവിധാനങ്ങളുടെ വാര്‍ഡ് തല ഏകോപന കേന്ദജ്രമായും ഗ്രാമ ഭവനുകള്‍ പ്രവര്‍ത്തിക്കുന്നു. ആരോഗ്യ മേഖലയില്‍ പ്രത്യേക ശ്രദ്ധ കൊടുത്തുകൊണ്ട് പഞ്ചായത്തിന്‍റഎ വിവിധ പ്രദേശങ്ങളില്‍ സബ് സെന്‍ററുകള്‍ സ്ഥാപിക്കുന്നതിനും ഗ്രാമപഞ്ചായത്ത് നടപടി സ്വീകരിച്ച് വരുന്നു. ആയതിന് പഞ്ചായത്തിന്‍റെയും സര്‍ക്കാരിന്‍റെയും ഉടമസ്ഥതയിലുള്ള പുറമ്പോക്ക് ഭൂമികള്‍ കണ്ടെത്തുന്നതിനും ആയത് അളന്ന് തിട്ടപ്പെടുത്തിയെടുക്കുന്നതിനും ആവശ്യമായ നടപടികള്‍ ആരംഭിച്ചിട്ട് ഏറെ നാളായി. ഗുണകരമായ തരത്തിലുള്ള ഒരു നടപടിയും റവന്യൂ അധികാരികളുടെ ഭാഗത്ത് നാളിതുവരെ ഉണ്ടായിട്ടില്ല.. മേല്‍ സാഹചര്യത്തില്‍ ആര്യനാട് ഉഴമലയ്ക്കൽ ഗ്രാമപഞ്ചായത്തുകളുമായി അതിർത്തി പങ്കുവയ്ക്കുന്ന ആര്യനാട്, മേലേച്ചിറ എന്ന സ്ഥലത്ത് ആര്യനാട് വില്ലേജിൽ ശ്രീമതി. പ്രേമ സുധ എന്നയാളിന്റെ (സർവ്വേ നമ്പർ 74/1, 74/1-2, 74/1-3) വസ്തുവിൽ ഉൾപ്പെട്ട പുറമ്പോക്ക് ഭൂമി അളന്ന് തിട്ടപ്പെടുത്തി അടയാളപ്പെടുത്തി നൽകുന്നതിന് ബന്ധപ്പെട്ട അധികാരികളോട് അഭ്യര്‍ത്ഥിച്ച് ഈ യോഗം തീരുമാനിച്ചു