ആര്യനാട് കേന്ദ്രീകരിച്ച് ആര്‍ ഡി ഒ ഓഫീസ്- ബഹു സര്‍ക്കാരിനോട് അഭ്യര്‍ത്ഥിച്ച് തീരുമാനിച്ചു.

അരുവിക്കര നിയോജക മണ്ഡലത്തിന്‍റെ കേന്ദ്ര ഭാഗമാണ് ആര്യനാട് ഗ്രാമപഞ്ചായത്ത്. കാട്ടാക്കട, നെടുമങ്ങാട് താലൂക്കുകള്‍ക്കിടയിലായി നെടുമങ്ങാട് താലൂക്കില്‍ ഉള്‍പ്പെട്ടാണ് നിലവില്‍ ആര്യനാട് ഗ്രാമപഞ്ചായത്ത് സ്ഥിതി ചെയ്യുന്നത്. നിരവധി ആദിവാസി ജനവിഭാഗത്തില്‍ പെടുന്നവരും പട്ടിക ജാതിക്കാരും ഉള്‍പ്പെടുന്ന പ്രദേശം കൂടിയാണ് ഈ പഞ്ചായത്ത്. നിലവില്‍ നെടുമങ്ങാട് കേന്ദ്രീകരിച്ചാണ് ആര്യനാട് ഗ്രാമപഞ്ചായത്തിനോട് ഏറ്റവും അടുത്ത ആര്‍ ഡി ഒ ഓഫീസ് സ്ഥിതി ചെയ്യുന്നത്. ആര്യനാട് കേന്ദ്രീകരിച്ച് ഒരു ആര്‍ ഡി ഒ ഓഫീസ് സ്ഥാപിക്കുന്നത് ആര്യനാട് ഗ്രാമപഞ്ചായത്തിലെ സമീപ പഞ്ചായത്തുകളായ കുറ്റിച്ചല്‍, ഉഴമലയ്ക്കല്‍, വിതുര, തൊളിക്കോട്, വെള്ളനാട് പൂവച്ചല്‍ ഗ്രാമപഞ്ചായത്തുകളിലേയും ജനങ്ങള്‍ക്ക് സൌകര്യപ്രദമായിരിക്കും. ഇത്തരത്തില്‍ വിശാല താല്‍പ്പര്യം മുന്‍ നിര്‍ത്തി ആര്യനാട് ഗ്രാമപഞ്ചായത്ത് കേന്ദ്രീകരിച്ച് ആര്‍ ഡി ഒ ഓഫീസ് അനുവദിക്കണമെന്ന് ബന്ധപ്പെട്ട അധികാരികളോട് അഭ്യര്‍ത്ഥിച്ചും ആര്‍ ഡി ഒ ഓഫീസ് അനുവദിക്കുകയാണെങ്കില്‍ സൌജന്യമായി സ്ഥല കെട്ടിട സൌകര്യവും ആവശ്യമായ അടിസ്ഥാന സൌകര്യങ്ങളും ഒരുക്കാന്‍ പഞ്ചായത്ത് സന്നദ്ധമാണെന്ന് ബന്ധപ്പെട്ട അധികാരികളെ അറിയിക്കുന്നതിനും ഈ യോഗം ഐകകണ്ഠേന തീരുമാനിച്ചു.