.

ആര്യനാട് പഞ്ചായത്ത് LID &EW സെക്ഷനില്‍ ഫസ്റ്റ് ഗ്രേഡ് ഓവര്‍സിയറായി ജോലിചെയ്യുന്ന ശ്രീ.രാജേഷ് ആര്‍ 04/07/2022 ന് തന്‍റെ ഔദ്യോഗിക കൃത്യനിര്‍വ്വഹണത്തിനായി ഹോമിയോ ആശുപത്രിയില്‍ പോയി തിരികെ ഓഫീസിലേക്ക് വരുന്ന വഴിയില്‍ ഉച്ചയ്ക്ക് 1.45 മണിക്ക് PWD ഗസ്റ്റ്ഹൌസിന് സമീപത്ത് വച്ച് ശ്രീ.രാജേഷ് ഓടിച്ചിരുന്ന KL21-C-4962 ബൈക്കിന് കുറുകെ ഒരു പട്ടി ചാടിയത് മൂലമുണ്ടായ അപകടത്തില്‍ ടിയന്‍കാലിന് ഒടിവ് സംഭവിക്കുകയും,തുടര്‍ന്ന് തിരുവനന്തപുരം എസ് പി ഫോര്‍ട്ട് ആശുപത്രിയില്‍ പ്രവേശിപ്പിച്ച് ചികിത്സ തേടിയതില്‍ കാലില്‍ 3 പ്ലേറ്റ് ഉപയോഗിച്ച് സ്ക്രൂ ചെയ്തിട്ടുണ്ടെന്നും 18/07/2022 വരെ ആശുപത്രിയില്‍ അഡ്മിറ്റ് ചെതിരുന്നുവെന്നും നീണ്ട നാള്‍ ബെഡ് റെസ്റ്റിലായിരുന്നുവെന്നും ആയതിനാല്‍ ഔദ്യോഗിക കൃത്യ നിര്‍വ്വഹണത്തിനിടെ തെരുവ് നായയുടെ ശല്യം മൂലമുണ്ടായ അപകടത്തില്‍ ഉചിതമായ നഷ്ടപരിഹാരം ആവശ്യപ്പെട്ട് ബഹു.ജസ്റ്റിസ് സിരിജഗന്‍ കമ്മിറ്റി മുന്‍പാകെ സമര്‍പ്പിച്ച അപേക്ഷയിന്‍മേല്‍ പഞ്ചായത്തിന്‍റെ അഭിപ്രായം ആരാഞ്ഞ് ബഹു.ജസ്റ്റിസ് സിരിജഗന്‍ കമ്മിറ്റി നല്‍കിയ ക്ളയിം നമ്പര്‍ 1262/2022 നമ്പര്‍ നോട്ടീസ് കമ്മറ്റി വിശദമായി ചര്‍ച്ച ചെയ്തു. ടിയാന്‍ വാഹനത്തില്‍ യാത്ര ചെയ്യുമ്പോള്‍ നായ കുറുകെ ചാടിയാണ് ടിയാന് അപകടം സംഭവിച്ചിരിക്കുന്നത് . ഇത്തരം കേസുകളില്‍ ഉണ്ടാകുന്ന നഷ്ടം സ്വാഭാവികമായും വാഹന ഇന്‍ഷ്വറന്‍സിലൂടെ ലഭിക്കുന്നതാണ്. കൂടാതെ ഒരു സര്‍ക്കാര്‍ ജീനവക്കാരനെന്ന നിലയില്‍ ആരോഗ്യ ഇന്‍ഷ്വറന്‍സ് പദ്ധതി /മെഡിക്കല്‍ റി ഇമ്പേഴ്സ്മെന്‍റിന് അര്‍ഹതയുണ്ട്. കൂടാതെ ടിയാന്‍ നടത്തിയ ചികിത്സ സര്‍ക്കാര്‍ ആശുപത്രിയില്‍ ലഭ്യമാകുന്നതുമാണ്. മേല്‍ സാഹചര്യത്തില്‍ നഷ്ടപരിഹാരം അനുവദിക്കുന്നത് സംബന്ധിച്ച് സര്‍ക്കാരില്‍ നിന്നുള്ള സ്പഷ്ടീകരണം ആവശ്യമാണെന്ന വിവരം ഹോ. ജസ്റ്റിസ് എസ് സിരിജഗന്‍ കമ്മറ്റി മുമ്പാകെ അറിയിക്കുന്നതിന് സെക്രട്ടറിയെ ചുമതലപ്പെടുത്തി ഈ യോഗം തീരുമാനിച്ചു