.

ആര്യനാട് ഗ്രാമപഞ്ചായത്ത് വളരെയധികം വിസ്തൃതിയുള്ളതും മലയോര മേഖലകള്‍ ഉള്‍പ്പെടുന്നതും പട്ടിക ജാതി പട്ടിക വര്‍ഗ്ഗ വിഭാഗത്തില്‍ പെട്ടവരും ദാരിദ്ര്യ രേഖക്ക് താഴെ വരുമാനമുള്ളവരും തിങ്ങിപ്പാര്‍ക്കുന്നതുമായ ഒരു പഞ്ചായത്താണ്. ആര്യനാട് ഗ്രാമപഞ്ചായത്തിലെ 1, 2, 3, 16,17,18 വാര്‍ഡുകളിലെ സാധാരണക്കാരായ ജനങ്ങള്‍ക്ക് രോഗ ചികിത്സ തേടുന്നതിന് ആര്യനാട് സി എച്ച് സി യാണ് ഒരേ ഒരു ആശ്രയം. ടി വാര്‍ഡുകളിലെ ജനങ്ങള്‍ കിലോമീറ്ററുകള്‍ സഞ്ചരിച്ചാല്‍ മാത്രമാണ് ആര്യനാട് സി എച്ച് സിയില്‍ എത്തിച്ചേരാന്‍ സാധിക്കുന്നത്. വാര്‍ഡ് 3( തേവിയാരുകുന്ന്) S T സെറ്റില്‍മെന്‍റാണ്. വാര്‍ഡ് 1, 2, 16, 17, 18 വാര്‍ഡുകളിലും വളരെയധികം പട്ടിക വര്‍ഗ്ഗ പട്ടിക ജാതി വിഭാഗത്തില്‍ പെടുന്ന ജനങ്ങള്‍ താമസിക്കുന്നുണ്ട്. ഒരു ആരോഗ്യ എമര്‍ജന്‍സി സാഹചര്യം കൈകാര്യം ചെയ്യുന്ന സാഹചര്യത്തില്‍ ടി സ്ഥലങ്ങളും ആര്യനാട് സി എച്ച് സിയും തമ്മിലുള്ള അകലം രോഗ നിവാരണത്തിന് പ്രതിസന്ധി സൃഷ്ടിക്കുന്നുണ്ട്. ആര്യനാട് ഗ്രാമപഞ്ചായത്തിലെ പറണ്ടോട് കേന്ദ്രീകരിച്ച് ഒരു പ്രൈമറി ഹെല്‍ത്ത് സെന്‍റര്‍ സ്ഥാപിക്കുന്നത് ടി പ്രശ്നങ്ങള്‍ക്ക് ശാശ്വത പരിഹാരം കാണുന്നതിനും സാധാരണക്കാരില്‍ സാധാരണക്കാര്‍ക്ക് ആശ്വാസം പകരുന്നതുമായിരിക്കും. ടി കാരണങ്ങളാല്‍ പൊതുജനങ്ങളുടെ നന്‍മ കണക്കിലെടുത്ത് പറണ്ടോട് കേന്ദ്രീകരിച്ച് ഒരു പ്രൈമറി ഹെല്‍ത്ത് സബ് സെന്‍റര്‍ സ്ഥാപിക്കുന്നതിനുള്ള നടപടി സ്വീകരിക്കാന്‍ ബന്ധപ്പെട്ട അധികാരികളോട് അഭ്യര്‍ത്ഥിച്ച് ഈ യോഗം ഐകകണ്ഠേന തീരുമാനിച്ചു.