.

ആര്യനാട് ഗ്രാമപഞ്ചായത്തിലെ ഹെഡ് ക്ലാർക്ക് ശ്രീ എൻ.ജോയിയുടെ സസ്പെൻഷൻ നടപടികളിന്മേൽ തുടർനടപടികൾ റിപ്പോർട്ട് ചെയ്യുന്നത് സംബന്ധിച്ച് ബഹു പ്രിൻസിപ്പൽ ഡയറക്ടറുടെ 22/01/2024-ലെ LSGD/PD/65318/2023-VIGA1 നമ്പർ കത്ത് കമ്മറ്റി വിശദമായി ചർച്ച ചെയ്തു. ആര്യനാട് ഗ്രാമപഞ്ചായത്തിലെ ദേശീയ തൊഴിലുറപ്പ് പദ്ധതി വിഭാഗം ജീവനക്കാരിയായ ശ്രീമതി. ആതിര പി ജെ യോട് അപമര്യാദയായി പെരുമാറി എന്ന ശ്രീമതി. ആതിരയുടെ പരാതിയിന്മേൽ 25/10/2023 ന് ചേർന്ന ഇന്റേണൽ കംപ്ലൈന്റ്സ് കമ്മിറ്റിയുടെ ശുപാർശയുടെ അടിസ്ഥാനത്തിൽ ശ്രീ. എൻ.ജോയിയെ 26 /10 /2023 പ്രാബല്യത്തിൽ അന്വേഷണ വിധേയമായി സസ്പെൻഡ് ചെയ്തിരുന്നു. തുടർന്ന് 2023 ഒക്ടോബർ 29, 30 തീയതികളിലായി പരാതിക്കാരിയുടെയും ശ്രീ. എൻ. ജോയിയുടെയും മൊഴികൾ എടുക്കുകയും ഒപ്പം ആര്യനാട് ഗ്രാമപഞ്ചായത്തിലെ ജീവനക്കാരുടെയും ജനപ്രതിനിധികളുടെയും മൊഴികൾ എടുക്കുകയും ആയതിന്റെ അടിസ്ഥാനത്തിൽ വകുപ്പ് തലത്തിൽ നടപടി സ്വീകരിക്കുന്നതിന് ശുപാർശ ചെയ്യുകയും ആയതിൻപ്രകാരമുള്ള റിപ്പോർട്ട് സഹിതം ജില്ലാ ജോയിൻ ഡയറക്ടർ മുഖാന്തരം പ്രിൻസിപ്പൽ ഡയറക്ടർക്ക് അയച്ചുകൊടുത്തിട്ടുള്ളതുമാണ്. ശ്രീ എൻ ജോയ് യുടെ സസ്പെൻഷൻ സംബന്ധിച്ച് കേരള പഞ്ചായത്ത് രാജ് (ഉദ്യോഗസ്ഥരുടെ മേൽ നിയന്ത്രണം) ചട്ടങ്ങൾ പ്രകാരം തുടർനടപടികൾ സ്വീകരിക്കാവുന്നതാണെന്നും ടിയാനെ തിരികെ ജോലിയിൽ പ്രവേശിപ്പിക്കുകയാണെങ്കില്‍ അടിയന്തിരമായി മറ്റൊരു ഓഫീസിലേക്ക് അദ്ദേഹത്തെ മാറ്റി നിയമിക്കേണ്ടതാണെന്നും ബഹു പ്രിൻസിപ്പൽ ഡയറക്ടറോട് അഭ്യർത്ഥിച്ചു തീരുമാനിച്ചു.