ആര്യനാട് ഗ്രാമപഞ്ചായത്തില്‍ അസിസ്റ്റന്‍റ് എഞ്ചിനീയര്‍‌ നിര്‍വ്വഹണ ഉദ്യോഗസ്ഥനായി ഹെല്‍ത്ത് ഗ്രാന്‍റ് ഉപയോഗിച്ച് രൂപീകരിച്ചിട്ടുള്ള സബ്സെന്‍ററുകളുടെ നിര്‍മ്മാണത്തിനായി 2024-25 വാര്‍ഷിക പദ്ധതിയില്‍ ഉള്‍പ്പെടുത്തി 7 പദ്ധതികള്‍ 2 വര്‍ഷത്തേക്ക് ബഹുവര്‍ഷ പദ്ധികളായി രൂപീകരിച്ചിരുന്നു. ഓരോ പദ്ധതികള്‍ക്കും പ്രതിവര്‍ഷം 27,75,000/- രൂപ വീതം ആകെ 3,88,50,000/- രൂപയാണ് വകയിരുത്തിരുന്നത്. എന്നാല്‍ സുലേഖ സോഫ്ട്‌വെയറില്‍ ഒന്നാം ഗഡു തുകയായ 1,94,25,000/- മാത്രമാണ് രേഖപ്പെടുത്തിരുന്നതിനാല്‍ 2025-26 വാര്‍ഷിക പദ്ധതിയില്‍ 'പള്ളിവേട്ട ഹെല്‍ത്ത് സബ്സെന്‍റര്‍ നിര്‍മ്മാണം' (പ്രൊജ. നം 323) എന്ന പദ്ധതി മാത്രമേ ഉള്‍പ്പെടുത്തുന്നതിന് സാധിച്ചിരുന്നുള്ളൂ. 'പള്ളിവേട്ട ഹെല്‍ത്ത് സബ്സെന്‍റര്‍ നിര്‍മ്മാണം' എന്ന പദ്ധതിയുടെ ഒന്നാം ഗഡു തുക 27,75,000/- രൂപ പൂര്‍ണമായും ചെലവഴിച്ചതിനാല്‍ രണ്ടാം ഗഡു ലഭ്യമാകുന്ന മുറയ്ക്ക് മാത്രമേ തുക ചെലവഴിക്കുന്നതിന് സാധിക്കുകയുള്ളൂ. നിലവില്‍ 4 പദ്ധതികള്‍ക്ക് ഒന്നാം ഗഡു തുക മുഴുവനായി ചെലഴിച്ചിട്ടുണ്ട്. എന്നാല്‍ 3 പദ്ധതികള്‍ക്ക് ബാക്കി തുക അനുവദിക്കേണ്ടതുണ്ട്. സുലേഖ സോഫ്ട്‌വെയറില്‍ ഹെല്‍ത്ത് ഗ്രാന്‍റ് പദ്ധതികളുടെ ആകെ തുക ഒന്നാം ഗഡു തുകയ്ക്ക് പരിമിതപ്പെടുത്തിയിട്ടുള്ളതിനാല്‍, ഈ സാമ്പത്തിക വര്‍ഷം തുക അനുവദിക്കേണ്ട പദ്ധതികള്‍ സുലേഖ സോഫ്ട്‌വെയറില്‍ ഉള്‍പ്പെടുത്തുന്നതിന് സാധിക്കുന്നില്ല. 'പള്ളിവേട്ട ഹെല്‍ത്ത് സബ്സെന്‍റര്‍ നിര്‍മ്മാണം' എന്ന പദ്ധതിയുടെ തുക ഒഴിവാക്കിയാല്‍ മാത്രമേ മറ്റു പദ്ധതികളെ ഉള്‍പ്പെടുത്തുന്നതിന് സാധിക്കുകയുള്ളൂ. കൂടാതെ രണ്ടാം ഗഡു തുക അനുവദിക്കാത്തതിനാല്‍ പദ്ധതി കാലയളവ് ഒരു വര്‍ഷം കൂടി ദീര്‍ഘിപ്പിക്കേണ്ടതാ യിട്ടുമുണ്ട്. മേല്‍ സാഹചര്യത്തില്‍ 'പള്ളിവേട്ട ഹെല്‍ത്ത് സബ്സെന്‍റര്‍ നിര്‍മ്മാണം' എന്ന പദ്ധതി ഭേദഗതി ചെയ്ത് മറ്റു പദ്ധതികളെ 2025-26 വാര്‍ഷിക പദ്ധതിയില്‍ ഉള്‍പ്പെടുത്തുന്നതിനും, പദ്ധതികളുടെ കാലയളവ് ഒരു വര്‍ഷം കൂടി ദീര്‍ഘിപ്പിക്കുന്നതിനും അനുമതി ലഭ്യമാകുന്നതിന് ജില്ലാ ആസൂത്രണ സമിതിയോട് അഭ്യര്‍ത്ഥിച്ച് തീരുമാനിച്ചു.