.

ആര്യനാട് ഗ്രാമപഞ്ചായത്തിന് ബഹുമാനപ്പെട്ട കേരള സർക്കാർ അനുവദിച്ച ഏഴു സബ് സെന്ററുകളിൽ ആര്യനാട് ടൗൺ കേന്ദ്രീകരിച്ച് സബ് സെൻറർ നിർമ്മിക്കുന്നതിന് ആര്യനാട് കമ്മ്യൂണിറ്റി ഹെൽത്ത് സെന്ററിനോട് അനുബന്ധിച്ച് സ്ഥല സൗകര്യം ലഭ്യമല്ലാത്ത സാഹചര്യം കമ്മറ്റി വിശദമായി ചർച്ച ചെയ്തു. ആര്യനാട് ടൗൺ വാർഡിൽ ജനങ്ങൾ തിങ്ങിപ്പാർക്കുന്ന പ്രദേശമായ മേലേച്ചിറ, ലക്ഷംവീട് കോളനിയും പട്ടികജാതി കോളനികളും ഉൾപ്പെടുന്നതും നിർധനരായ ജനങ്ങൾ താമസിക്കുന്നതുമായ സ്ഥലമാണ്. ഒപ്പം സമീപ പഞ്ചായത്തിലെ ചിറ്റുവീട് വാർഡും മേലേച്ചിറ എന്ന സ്ഥലത്തോട് ചേർന്ന് കിടക്കുന്നതാണ്. ഈ പ്രദേശത്തെ ജനങ്ങൾക്ക് കൂടുതൽ ഗുണകരമാകത്തക്ക രീതിയിൽ സബ് സെൻറർ നിർമ്മിക്കുന്നത് ഉചിതമാണെന്ന് കമ്മിറ്റി വിലയിരുത്തി. ടി പ്രദേശത്ത് പഞ്ചായത്തിന്റെ ഉടമസ്ഥതയിൽ ഭൂമി ഇല്ലാത്ത സാഹചര്യത്തിൽ ആര്യനാട് വില്ലേജിൽ ബ്ലോക്ക് നമ്പർ 48 ൽ സർവ്വേ നമ്പർ 73 ൽ സബ് ഡിവിഷൻ നമ്പർ 1-ൽ പെട്ട പുറമ്പോക്ക് ഭൂമി പഞ്ചായത്തിന് ലീസിന് ലഭ്യമാക്കുകയാണെങ്കിൽ പ്രസ്തുത സ്ഥലത്ത് സബ് സെന്റർ നിർമ്മിക്കുന്നത് ഉചിതമാണെന്ന് കമ്മറ്റി വിലയിരുത്തുകയും മേൽപ്പടി സ്ഥലം ലീസിന് ലഭ്യമാക്കുന്നതിന് ബഹുമാനപ്പെട്ട റവന്യൂ അധികാരികളോട് അഭ്യർത്ഥിച്ചു തീരുമാനിച്ചു.