2025-26 വാര്‍ഷിക പദ്ധതിയില്‍ ഉള്‍പ്പെട്ടിട്ടുള്ള എൽഇഡി ലൈറ്റ് വാങ്ങൽ (പ്രൊജക്ട് നം - 208) എന്ന പദ്ധതി നിര്‍വ്വഹണ പുരോഗതി യോഗം ചര്‍ച്ച ചെയ്തു. പദ്ധതിക്കായി ടെന്‍ഡര്‍ നടപടികള്‍ സ്വീകരിച്ചിരുന്നതില്‍ X Metrix Technologies PVT Ltd എന്ന സ്ഥാപനവും, SIDCO എന്നീ രണ്ട് സ്ഥാപനങ്ങള്‍ മാത്രമാണ് ടെന്‍ഡറില്‍ പങ്കെടുത്തിട്ടുള്ളത്. ടെന്‍ഡര്‍ ക്ഷണിച്ചപ്പോള്‍ ലൈറ്റിന്റെ സ്പെസിഫിക്കേഷന്‍ ഉള്‍പ്പെടെയുള്ളവ വ്യക്തമാക്കാത്തതിനാല്‍ ടെന്‍ഡര്‍ നടപടികളില്‍ അവ്യക്തത ഉണ്ടായിട്ടുള്ളതായി യോഗം വിലയിരുത്തി. തെരുവ് വിളക്കുകള്‍ സ്ഥാപിക്കുന്നതിന് ഗുണനിലവാരം ഉറപ്പുവരുത്തേണ്ടത് അത്യാവശ്യമായതിനാലും, പുതിയ ടെന്‍ഡര്‍ നടപടികള്‍ സ്വീകരിച്ച് പദ്ധതി പൂര്‍ത്തിയാക്കുന്നതിന് കാലതാമസം ഉണ്ടാകാതിരിക്കുന്നതിനും, സര്‍ക്കാര്‍ അംഗീകൃത ഏജന്‍സിയില്‍ നിന്നും എൽഇഡി ലൈറ്റുകള്‍ വാങ്ങുന്നത് ഉചിതമാണെന്ന് യോഗം വിലയിരുത്തി. മേല്‍ സാഹചര്യത്തില്‍ എൽഇഡി ലൈറ്റ് വാങ്ങൽ (പ്രൊജക്ട് നം - 208) എന്ന പദ്ധതിക്കായി നടത്തിയിട്ടുള്ള ടെന്‍ഡര്‍ നടപടികള്‍ റദ്ദ് ചെയ്യുന്നതിനും, സര്‍ക്കാര്‍ അംഗീകൃത ഏജന്‍സികളില്‍ നിന്നും നിരക്കുകള്‍ ലഭ്യമാക്കി കുറഞ്ഞ നിരക്ക് ലഭ്യമാക്കുന്ന സ്ഥാപനത്തില്‍ നിന്നും എൽഇഡി ലൈറ്റുകള്‍ വാങ്ങുന്നതിനും തീരുമാനിച്ചു.