.

സെക്രട്ടറി നിര്‍വ്വഹണ ഉദ്യോഗസ്ഥനായ പ്രോ നം 8( തെരുവ് വിളക്ക് പരിപാലനം )പ്രോ നം 9( ഹൈമാസ്റ്റ് ലൈറ്റ് മൈയിന്‍റനന്‍സ് )എന്നീ പദ്ധതികളുടെ നിര്‍വ്വഹണവുമായി ബന്ധപ്പെട്ട് നിര്‍വ്വഹണ ഉദ്യോഗസ്ഥന്‍ ടെന്‍ഡര്‍ ക്ഷണിച്ച് വിശദവിവരങ്ങള്‍ ഹാജരാക്കിയത് യോഗം പരിശോധിച്ചു. ടി രണ്ട് പദ്ധതികള്‍ക്കും A One Agencies, JS Electricals എന്നീ ഏജന്‍സികളാണ് ടെന്‍ഡറുകള്‍ ലഭ്യമാക്കിയിട്ടുള്ളത്. i. പ്രോ നം 8( തെരുവ് വിളക്ക് പരിപാലനം )ന്‍റെ നിര്‍വ്വഹണവുമായി ബന്ധപ്പെട്ട്1. A One Agencies സ്ട്രീറ്റ് ലൈറ്റ് ഒന്നിന് 225 രൂപ നിരക്കില്‍ Maintenance with Material സപ്ളൈ ചെയ്യാമെന്നും 2. JS Electricals 9 വാട്ട്സ് LED ബള്‍ബിന് 195 രൂപ നിരക്കിലും, 12 വാട്ട്സ് LED ബള്‍ബിന് 237 രൂപ നിരക്കിലും, 18 വാട്ട്സ് LED ബള്‍ബിന് 425 രൂപ നിരക്കിലും, 30 വാട്ട്സ് LED ബള്‍ബിന് 625 രൂപ നിരക്കിലും മെയിന്‍റന്‍സ് ചെയ്യാമെന്നും ദര്‍ഘാസുകളില്‍ രേഖപ്പെടുത്തിയിട്ടുണ്ട്. ii പ്രോ നം 9( ഹൈമാസ്റ്റ് ലൈറ്റ് മൈയിന്‍റനന്‍സ് ) ന്‍റെ നിര്‍വ്വഹണവുമായി ബന്ധപ്പെട്ട് 1. A One Agencies 150 വാട്ട്സ് ഹൈമാസ്റ്റ്/മിനിഹൈമാസ്റ്റ് ലൈറ്റ്(ഒരെണ്ണം) 5000 രൂപക്ക് മെയിന്‍റനന്‍സ് നടത്താമെന്നും 200 വാട്ട്സ് ഹൈമാസ്റ്റ്/മിനിഹൈമാസ്റ്റ് ലൈറ്റ്(ഒരെണ്ണം) 6000 രൂപക്ക് മെയിന്‍റനന്‍സ് നടത്താമെന്നും 150 വാട്ട്സ് ഹൈമാസ്റ്റ്/മിനിഹൈമാസ്റ്റ് ലൈറ്റ്(ഒരെണ്ണം) 9000 രൂപക്ക് റീപ്ളൈസ് ചെയ്യാമെന്നും 200 വാട്ട്സ് ഹൈമാസ്റ്റ്/മിനിഹൈമാസ്റ്റ് ലൈറ്റ്(ഒരെണ്ണം) 10000 രൂപക്ക് റീപ്ളൈസ് ചെയ്യാമെന്നും, 2. JS Electricals ഹൈമാസ്റ്റ്/മിനിഹൈമാസ്റ്റ് ലൈറ്റ്നാല് ലൈറ്റുള്ള ഒരു യൂണിറ്റ് 15500 രൂപക്കും ഹൈമാസ്റ്റ്/മിനിഹൈമാസ്റ്റ് ലൈറ്റ്ആറ് ലൈറ്റുള്ള ഒരു യൂണിറ്റ്21500 രൂപക്കും മെയിന്‍റനന്‍സ് ചെയ്യാമെന്നും ടെന്‍ഡര്‍ സമര്‍പ്പിച്ചിരിക്കുന്നു. ലഭ്യമാക്കിയ ടെന്‍ഡറുകള്‍ തമ്മില്‍ താരതമ്യം ചെയ്ത് സപ്ളൈ ചെയ്യാന്‍ ഉദ്ദേശിക്കുന്ന മെറ്റീരിയലുകളുടെ ഗുണമേന്‍മ, ഏത് കമ്പനികളുടെ മെറ്റീരിയലാണ് ഉപയോഗിക്കാന്‍ ഉദ്ദേശിക്കുന്നത്, എത്രതവണ മെയിന്‍സ് ചെയ്യും, സപ്ളൈ ചെയ്യാന്‍ ഉദ്ദേശിക്കുന്ന മെറ്റീരിയലുകളുടെ വാറണ്ടി പീരിയഡ്, തുടങ്ങിയ കാര്യങ്ങളില്‍ ദര്‍ഘാസ് സമര്‍പ്പിച്ചവരെ വിളിച്ച് വരുത്തി രേഖാമൂലം വ്യക്തത തേടുന്നതിനും പഞ്ചായത്തിന് ഏറ്റവും ഗുണകരമായ ടെന്‍ഡര്‍ ഏതാണെന്ന് സംബന്ധിച്ച് പഞ്ചായത്ത് സെക്രട്ടറിയോട് ശുപാര്‍ശ ചെയ്യുന്നതിനും ആര്യനാട് ഗ്രാമപഞ്ചായത്ത് വൈസ് പ്രസിഡന്‍റ്, ആര്യനാട് ഗ്രാമപഞ്ചായത്ത് വികസനകാര്യ സ്റ്റാന്‍ഡിംഗ് കമ്മറ്റി ചെയര്‍മാന്‍, ആര്യനാട് ഗ്രാമപഞ്ചായത്ത് 16ാം വാര്‍ഡ് മെമ്പര്‍ എന്നിവരെ ഉള്‍പ്പെടുത്തി വൈസ് പ്രസിഡന്‍റ് അദ്ധ്യക്ഷയായി സബ്കമ്മറ്റി രൂപീകരിച്ചും, സബ്കമ്മറ്റി ശുപാര്‍ശക്കനുസൃതമായി വര്‍ക്ക് ഓഡര്‍ നല്‍കുന്നതിനും സബ്കമ്മറ്റി ശുപാര്‍ശ വരുന്ന ഗ്രാമപഞ്ചായത്ത് കമ്മറ്റിയില്‍ വച്ച് സാധൂകരിക്കുന്നതിനും സെക്രട്ടറിയെ ചുമതലപ്പെടുത്തിയും ഈ യോഗം തീരുമാനിച്ചു.